FILEMONA 1:10 - Buka Helaga (Hiri Motu) 1993

¹⁰ Lauegu noinoi be inai: Onesimo, lauegu natuna Keriso lalonai, be mani emu kara do oi bogahisihisi henia. Lau be dibura ruma lalonai lau noho neganai, ia dekenai lau hadibaia dainai, abidadama ia davaria, vadaeni lau be iena tamana, Keriso lalonai.

FILEMONA 1:10 Iomraidhean Croise

2 SAMUELA 18:5

Vadaeni king Davida ese Ioaba bona Abisai bona Itai ia oda henia, ia gwau, “Lau dainai eregabe tauna Abesaloma do umui bogahisihisi henia.” Iena tuari taudia ibounai ese Davida ena hereva idia kamonai, ia ese Abesaloma totona unai tuari biagudia ia oda henidia neganai.

MAREKO 9:17

Taunimanima edia huanai tau ta ia haere henia, ia gwau, “Hadibaia tauna e, oi dekenai lauegu natuna lau mailaia, ia be hereva diba lasi lauma ese ia abia.

ROMA 12:1

Unai dainai, lauegu varavara taudia e, Dirava ena bogahisihisi bada herea dainai umui lau noia, emui tauanina umui henia Dirava dekenai. Boubou gauna bamona do umui henia, mai mauri bona mai helaga danu, Dirava umui dekenai do ia moale totona. Inai bamona tomadiho momokani Dirava dekenai umui henia be namo.

1 KORINTO 4:14

Inai hereva lau torea lasi umui be do umui hemarai totona. Lasi, to umui be lauegu natuna, lauegu lalokau dainai, lau ura umui lau sisiba henia.

1 KORINTO 4:15

Umui laloa: Bema Keriso ena mauri dalana umui dekenai idia hadibaia taudia ibounai be 10,000, inai be gau ta lasi. Umui emui tamana be tamona sibona. Oibe, Keriso Iesu ena mauri dalana diba totona umui emui tamana be lau sibona. Lau ese Sivarai Namona umui dekenai lau haroro henia dainai umui be lauegu natuna.

GALATIA 4:19

Lauegu natuna e, lauegu lalokau! Hisihisi lau ania noho, hahine kahirakahira ia mara ena hisihisi bamona. Inai bamona do lau hisihisi, ela bona Iesu ena kara emui lalona dekenai do umui abia momokani.

KOLOSE 4:9

Onesimo be Tukiko danu do lau siaia. Ia danu be iseda varavara namona ta, emui orea tauna, bona aiemai lalokau. Idia ruaosi ese iniseni idia vara karadia ibounai umui dekenai do idia hamaorolaia.

1 TIMOTEO 1:2

Timoteo e, oi be lauegu natuna korikori, Iesu oi badinaia dainai. Inai revareva lau torea oi dekenai, bona lau ura iseda Tamana Dirava bona Keriso Iesu, iseda Lohiabada dekena amo hariharibada bona bogahisihisi, bona maino do oi abia.

TITO 1:4

Tito e, lauegu natuna korikori, inai revareva oi dekenai lau torea, iseda abidadama be tamona dainai. Lau ura be Tamana Dirava, bona Keriso Iesu, iseda Hamauria Tauna ese hariharibada bona maino oi dekenai do idia henia.

FILEMONA 1:11

Gunaguna Onesimo ena hesiai gaukara be namo lasi momokani oi dekenai, to harihari iena hesiai gaukara be namo momokani, oi dekenai, bona lau dekenai danu.

FILEMONA 1:13

Lauegu ura korikori be ia do lau dogoatao, vadaeni dibura ruma lalonai Sivarai Namona dainai lau noho neganai, ia ese lau do ia durua noho. Unai dekena amo ia ese oiemu gabu do ia abia bamona, lau durua totona.

3 IOANE 1:4

Bema lau kamonai, egu natuna Keristani taudia ese Dirava ena hereva momokani ena dala dekenai idia raka noho, vadaeni lau moale bada herea. Moale ta ese unai moale ia hereaia diba lasi.