FILEMONA 1:1 - Buka Helaga (Hiri Motu) 1993

¹ Lau Paulo, Keriso Iesu dainai, dibura ruma dekenai lau noho, bona iseda varavara Timoteo ese inai revareva ai torea noho.

FILEMONA 1:1 Iomraidhean Croise

APOSETOLO EDIA KARA 16:1

Paulo be Derebe bona Lusitera dekenai ia ginidae. Inai gabu dekenai diba tahua tauna ta ia noho, ena ladana be Timoteo. Iena sinana be Iuda hahine, kamonai hahine, to iena tamana be Helene tauna.

1 KORINTO 3:9

Badina ai ruaosi be Dirava ena gaukara ai karaia hebou noho. Umui be Dirava ena uma gabu, bona umui be Dirava ena ruma danu.

2 KORINTO 1:1

Lau inai Paulo, lau be Keriso Iesu ena aposetolo tauna Dirava ena ura dainai. Lau bona iseda varavara tauna Timoteo ruaosi ese inai revareva ai torea inai, Dirava ena ekalesia Korinto dekenai, bona Akaia tano ibounai lalonai Keristani taudia, umui emui.

GALATIA 3:26

Umui ibounai be Dirava ena natuna, Keriso Iesu umui abidadama henia dainai.

EFESO 3:1

Unai dainai lau Paulo, be Keriso Iesu ese ia guia, umui Iuda lasi taudia do lau durua totona. Vadaeni umui dainai Dirava lau guriguri henia noho.

EFESO 4:1

Unai dainai lau, Lohiabada ese iena hesiai gaukara lalonai lau ia guia tauna, umui lau sisiba henia inai: Dirava ese umui ia boiria vadaeni, unai dainai iena boiboi hegeregerena do umui noho, do umui noho maoromaoro.

EFESO 6:20

Inai Sivarai Namona totona lau be Dirava ena hereva gwauraia tauna. Bona inai dainai lau be dibura ruma lalonai lau noho. Lau dainai do umui noinoi, Sivarai Namona do lau herevalaia goadagoada, Dirava ena ura hegeregerena.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 2:25

Lau laloa namona be Epafrodito umui dekenai do lau siaia. Ia be iseda varavara, bona ia be lau danu ai gaukara hebou, bona ai tuari hebou, Sivarai Namona totona. Guna umui ese lau dekenai ia umui siaia, lau do ia durua totona.

FILIPI 4:3

Oi danu, lauegu durua tauna namona e, inai hahine ruaosi oi durua be namo, badina idia ese lau danu idia gaukara hebou Sivarai Namona totona. Klemento bona lau danu idia gaukara hebou taudia haida danu ese lau idia durua. Idia edia ladana be Dirava ena mauri buka lalonai idia torea vadaeni.

KOLOSE 1:1

Lau inai Paulo, lau be Keriso Iesu ena aposetolo tauna, Dirava ena ura dainai. Lau bona iseda varavara Timoteo ese inai revareva ai torea umui Dirava ena taudia Kolose dekenai, Keriso Iesu umui abidadama henia taudia.

KOLOSE 4:11

Bona Iesu, iena ladana ta be Iusto, ia danu ese iena hanamoa ia siaia inai. Inai tau toiosi be Iuda taudia. Iuda taudia edia huanai, inai tau toiosi sibona ese lau danu ai gaukara Dirava ena Basileia totona. Idia ese lau idia durua bada herea.

1 TESALONIKA 3:2

to aiemai tadina Timoteo, Dirava ena hesiai tauna Keriso ena Sivarai Namona harorolaia totona, umui dekenai do ai siaia lao. Ai siaia lao, badina be ia ese umui do ia hagoadaia, bona emui abidadama do ia durua totona.

2 TESALONIKA 1:1

Ai tau toiosi, Paulo bona Sila bona Timoteo, ese iseda Tamana Dirava bona Lohiabada Iesu Keriso edia ekalesia orea Tesalonika dekenai, umui dekenai revareva ai torea inai.

2 TIMOTEO 1:8

Unai dainai, iseda Lohiabada ena sivarai do oi gwauraia hedinarai, do oi hemarai lasi. Lau be Sivarai Namona dainai dibura ruma dekenai lau noho, ani? Lau totona do oi hemarai lasi. Lasi, to Dirava ena goada dekena amo do oi haheauka noho, bona lau danu Sivarai Namona totona do ita hisihisi hebou.

FILEMONA 1:23

Lauegu bamona Epafra, Keriso Iesu dainai lau danu dibura ruma lalonai ia noho, ia ese oi ia hanamoa noho.

FILEMONA 1:24

Mareko bona Arisitako bona Dema bona Luka, lau danu idia gaukara hebou noho, idia ese danu oi idia hanamoa noho.

FILEMONA 1:9

To oi lau lalokau henia dainai, oi do lau oda henia lasi, to oi do lau noia sibona. Oibe, lau be Paulo, lau be tau badana, bona Keriso Iesu dainai dibura ruma dekenai lau idia koua vadaeni.