DANIELA 9:9 - Buka Helaga (Hiri Motu) 1993

⁹ Lohiabada Dirava e, oi be mai emu bogahisihisi, bona kara dika oi gwauatao diba, to ai ese oi dekenai ai dagedage henia vadaeni.

DANIELA 9:9 Iomraidhean Croise

2 SAMUELA 24:14

Davida ese Gadi dekenai ia haere, ia gwau, “Lauegu lalona ia hisihisi bada herea momokani, to lau laloa Lohiabada ena bogahisihisi be bada. Unai dainai Lohiabada ese ita ia panisia be namo, to taunimanima ese lau idia panisia be dika.”

1 KING TAUDIA 8:30

Lauegu guriguri, bona oiemu bese taudia edia guriguri, inai Dubu dekenai aiemai vairana ai henia neganai, do oi kamonai. Oiemu noho gabuna, guba, dekena amo do oi kamonai, bona aiemai dika do oi gwauatao.

NEHEMIA 9:31

To oiemu bogahisihisi be bada bona bada dainai, oi ese idia oi haorea lasi, bona idia oi rakatania lasi. Momokani, oi be harihari bada bona bogahisihisi Diravana.

SALAMO 130:4

To oi ese aiemai dika oi gwauatao noho, unai dainai ai ese oi dekenai ai gari henia be namo.

SALAMO 130:7

Israela taudia e, Lohiabada do umui abidadama henia, badina iena lalokau bona bogahisihisi idia noho hanaihanai, bona nega ibounai ia ura taunimanima do ia hamauridia.

SALAMO 62:12

Bona Dirava e, oi be mai oiemu lalokau momokani danu. Momokani oi ese, taunimanima ta ta edia gaukara, edia gaukara hegeregerena, edia davana do oi henia.

SALAMO 86:15

To Lohiabada e, oi be bogahisihisi bona hariharibada Diravana. Oiemu badu be haraga lasi, to oiemu lalokau bona maoromaoro be bada herea momokani.

SALAMO 86:5

Lohiabada e, oi be mai oiemu bogahisihisi, bona kara dika oi gwauatao noho. Oi dekenai idia guriguri noho taudia dekenai, oiemu noho hanaihanai lalokauna oi henia noho.

ISAIA 55:7

Kara dika taudia ese edia dala do idia rakatania, bona edia laloa dikadia do idia rakatania danu. Namona be Lohiabada, iseda Dirava dekenai idia giroa lou. Badina Lohiabada be mai ena bogahisihisi, bona ia ese dika do ia gwauatao momokani.

ISAIA 63:7

Lau ese Lohiabada ena lalokau, bona iena bogahisihisi do lau gwauraia hedinarai. Ia ese ita dekenai ia durua karadia ibounai dainai, do lau hanamoa henia. Ia ese Israela taudia ia hanamoa bada vadaeni, iena bogahisihisi, bona iena noho hanaihanai lalokauna dainai.

IEREMIA 14:7

Lohiabada e, egu bese taudia, be inai bamona oi dekenai idia noinoi noho, idia gwau, “Lohiabada e, momokani aiemai kara dika ese ai idia samania noho, to mani emu kara, ai do oi durua, oi ese oi gwauhamata vadaeni hegeregerena. Ai ese nega momo oi dekena amo ai raka siri vadaeni. Ai ese oi dekenai ai kara dika.

ESEKIELA 20:13

To Israela bese taudia ese tano kaukau dekenai lau idia dagedage henia. Idia ese egu taravatu idia utua, bona egu oda, idia kamonai henidia taudia ese mauri idia davaria gaudia, be idia negea. Egu Sabati Dina be idia ese idia hamiroa momokani. “Vadaeni lau laloa, egu badu mai siahu danu be edia latanai do lau bubua diho, bona do lau hadikadia ore, tano kaukau dekenai.

DANIELA 9:5

“Ai be ai kara dika, bona ai kerere karaia, bona ai be dika momokani. Oiemu taravatu herevadia be ai kamonai henia lasi, bona ai dekenai oi hadibaia dala maorona dekena amo ai raka siri vadaeni.

DANIELA 9:6

“Oiemu hesiai taudia, peroveta taudia, be ai kamonai henidia lasi. Idia ese oiemu ladana dainai, aiemai king bona lohia taudia, aiemai tubuna taudia bona aiemai bese taudia idia hereva henidia, to edia hereva ai abia dae lasi.

DANIELA 9:7

Lohiabada e, oiemu kara be nega ibounai ia maoromaoro momokani, bona ai ibounai aiemai kara be mai hemaraina. Iuda tanona dekenai bona Ierusalema hanua dekenai idia noho taudia, bona aiemai dika dainai idau tano dekenai ai oi lulua Israela taudia ibounai be ai badinaia lasi oi.

DANIELA 9:8

Lohiabada e, aiemai king, bona aiemai lohia taudia, bona aiemai sene taudia edia kara be mai hemaraina, badina be oi dekenai idia kara dika vadaeni.

IONA 4:2

Vadaeni ia guriguri, ia gwau, “Lohiabada e, lauegu hereva mani oi kamonai, lau be egu tano lau do rakatania lasi neganai, lau diba oi be inai bamona sibona do oi karaia. Unai dainai lau heau lao, Tarasisi do lau ginidae gwauraia. Lau diba oi be lalokau bona bogahisihisi ena Dirava. Oi be oi badu haraga lasi, bona oi be mai emu durua. Oiemu lalona oi giroa diba, bona nega momo taunimanima edia kerere davana oi henia lasi.