DANIELA 9:7 - Buka Helaga (Hiri Motu) 1993

⁷ Lohiabada e, oiemu kara be nega ibounai ia maoromaoro momokani, bona ai ibounai aiemai kara be mai hemaraina. Iuda tanona dekenai bona Ierusalema hanua dekenai idia noho taudia, bona aiemai dika dainai idau tano dekenai ai oi lulua Israela taudia ibounai be ai badinaia lasi oi.

DANIELA 9:7 Iomraidhean Croise

ESERA 9:13

“Inai ai dekenai idia vara dika gaudia be aiemai kara dikadia bona aiemai kerere badadia dainai. To, aiemai Dirava e, ai diba oi ese matakani sisina sibona ai dekenai oi henia, aiemai kara dika ena davana korikori lasi. Bona oi ese, ai do noho taudia, be aiemai noho gabuna oi henia vadaeni.

ESERA 9:15

“Lohiabada e, Israela ena Dirava, oi be maoromaoro, bona ai do mauri noho taudia be oi ese oi hamauria noho. Ai ese oiemu vairana dekenai aiemai kerere bada ai gwauraia hedinarai inai. Ai be maoro lasi, bona ai ta be oiemu vairana dekenai ai gini diba lasi, aiemai dika dainai.”

NEHEMIA 9:33

Oi be kara maoromaoro Diravana. Oi ese ai oi matakani henia neganai, oi be maoromaoro momokani, badina oi be oi kara momokani, to ai be ai kara dika.

SALAMO 119:137

Lohiabada e, oiemu kara be maoromaoro bona momokani, bona oiemu taravatu danu be maoromaoro bona momokani.

SALAMO 44:15

Lau be nega ibounai lau hemarai noho. Hemarai ese lau ia koua momokani,

SALAMO 51:14

Dirava e, oi be lau oi hamauria Diravana, Rara bubua ena kerere, dekena amo lau do oi hamauria. Unai neganai lau ese ane momo do lau abia, oiemu kara maoromaoro do lau gwauraia totona.

SALAMO 51:4

Lau ese oi sibona dekenai lau kara dika vadaeni. Lau be oiemu vairana dekenai kerere lau karaia. Unai dainai oi ese lau oi kota henia be maoro, bona oi ese egu dika ena davana oi henia danu be maoro.

ISAIA 11:11

Unai dina dekenai, Lohiabada ese nega iharuana dekenai, iena siahu dekena amo, iena bese taudia, do mauri noho taudia, do ia abidia mai lou, Asuria, Aigupito, Pataro, Etiopia, Elama, Babulonia, Hamata bona kone kahana gabudia dekena amo.

ISAIA 45:16

Kaivakuku idia karaia noho taudia ibounai, be do idia hemarai. Idia ibounai be hemarai ese do ia hadikaia.

IEREMIA 12:1

Lohiabada e, bema lau be oi dekenai gau ta totona, lau maumau gwauraia neganai, lau diba oi be nega ibounai oiemu kara be maoromaoro. To lau ese oiemu kota henia kara ta lau ura herevalaia, gauna inai: Badina dahaka kara dika taudia edia dala be ia namo lao noho? Bona dahaka dainai kara koikoi taudia edia noho ia namo lao noho?

IEREMIA 23:6

Ia be King neganai, Iuda taudia edia noho mauri be namo, bona Israela taudia be mai maino danu do idia noho. Bona idia ese inai King ena ladana do idia atoa, ‘Lohiabada be Iseda Kara Maoromaoro.’ ”

IEREMIA 24:9

Lau ese idia edia latanai dika bada do lau havaraia dainai, tanobada basileia ibounai taudia be do idia gari bada herea. Taunimanima ese inai Iuda taudia dainai do idia kirikiri, bona do idia hevaseha henidia, do idia hereva dika henidia, bona edia bese ena ladana do idia hadikaia, do lau luludia lao gabudia ibounai edia lalonai.

IEREMIA 3:25

Ai ese mai hemarai bada danu bema ai hekure diho be namo. Aiemai hemarai ese ai do ia koua momokani be namo, badina be ai ese Lohiabada, aiemai Dirava ena vairanai ai kara dika nega ibounai, ai bona aiemai tamadia danu, emai eregabe dinadia dekena amo ia mai bona hari dina. Bona Lohiabada, aiemai Dirava ena hereva ai kamonai henia lasi.”

IEREMIA 32:32

Israela bona Iuda bese taudia edia kara dika ibounai dainai. Idia ese lau idia habadua karadia idia karaia, edia king bona edia lohia taudia, edia hahelagaia taudia, bona edia peroveta taudia, Iuda bona Ierusalema dekenai noho taudia ese.

IEREMIA 33:16

Unai dinadia lalonai Iuda taudia do idia mauri, bona Ierusalema taudia do idia noho namonamo. Bona Ierusalema ena ladana be inai bamona do idia gwauraia: ‘Lohiabada be Iseda Kara Maoromaoro.’ ”

IEREMIA 4:17

Idia ese danu Ierusalema do idia koua hagegea, gima taudia ese uma tano ta idia gimaia noho bamona. Badina be Ierusalema taudia ese, lau Lohiabada idia dagedage henia vadaeni. Lau inai Lohiabada ese lau hereva vadaeni.”

IEREMIA 7:19

To idia ese lau do idia hadikaia momokani diba, a? Lasi. Idia be idia sibona idia hadikaia noho, bona idia sibona edia latanai hemarai idia atoa noho.

ESEKIELA 16:63

Lau ese oiemu kara dika ibounai do lau gwauatao, to oi ese unai dika do oi laloatao, bona oi be do oi hemarai bada dainai, oiemu uduna do oi kehoa lou lasi.” Lohiabada Dirava ia hereva vadaeni.

ESEKIELA 36:31

“Vadaeni umui emui dala dikadia bona emui kara dikadia do umui laloa lou. Unai neganai umui sibona do umui negea bamona, bona do umui hemarai bada momokani.

ESEKIELA 5:10

Unai matakani dainai, Ierusalema taudia edia huanai, tamana taudia ese edia natudia do idia ania, bona memero ese edia tamadia do idia ania. Bona umui do mauri taudia be lau ese emui dika davana do lau henia inai: Lai ia toa ena kahana ibounai dekenai umui do lau lulua lao.”

ESEKIELA 6:12

Gabu daudau idia noho taudia be hanaia gorere dainai do idia mase, bona kahirakahira idia noho taudia be tuari dainai do idia mase, bona do mauri taudia be hitolo dekena amo do idia mase. Idia ese egu badu ena mamina do idia abia momokani.

DANIELA 9:14

“Unai dainai oi, Lohiabada, aiemai Dirava, inai panisi oi abia hegaegae, vadaeni ai dekenai oi siaia mai, badina oiemu gaukara ibounai be maoro momokani. To ai be ai kamonai henia lasi oi.

DANIELA 9:18

“Dirava e, mani ai dekenai do oi kamonai henia. Oiemu matana mani oi kehoa, bona aiemai dika ena hisihisi bona hemarai, bona oiemu ladana ia noho Ierusalema hanua ena dika ia davaria gauna mani oi itaia. Ai be kara maoromaoro dainai oi dekenai ai noinoi, a? Lasi momokani. Oi dekenai ai noinoi, badina ai diba oi be mai oiemu bogahisihisi.

DANIELA 9:8

Lohiabada e, aiemai king, bona aiemai lohia taudia, bona aiemai sene taudia edia kara be mai hemaraina, badina be oi dekenai idia kara dika vadaeni.

AMOSA 9:9

“Lau ese oda do lau henia, bona Israela taudia tohoa totona, idia do lau hamarerea, raisi be uaia lalonai idia hamarerea bamona, momoru idia kokia gwauraia neganai. Lau ese bese idauidau lalonai idia noho Israela taudia do lau hamarerea, anina lasi Israela taudia ibounai do lau kokia ore totona.

ROMA 6:21

Bona dahaka namo umui davaria unai kara dikadia dekena amo? Gau ta lasi, ani? Bona unai dika dainai sedira hari be hemarai sibona ese ia abia umui. Bona unai karadia ese umui emui mase idia havaraia.

DEUTERONOMI 32:4

Ia be Nadi Badana, iena gaukara be namo momokani. Iena dala ibounai be maoro, bona iena kota be momokani. Ia be abidadama ena Diravana, ia kara dika lasi. Ia be momokani bona maoromaoro.

DEUTERONOMI 4:27

Lohiabada ese bese idauidau edia huanai umui do ia lulua. Bona unai idau bese edia huanai umui noho gabudia dekenai, do umui be momo lasi.