DANIELA 9:6 - Buka Helaga (Hiri Motu) 1993

⁶ “Oiemu hesiai taudia, peroveta taudia, be ai kamonai henidia lasi. Idia ese oiemu ladana dainai, aiemai king bona lohia taudia, aiemai tubuna taudia bona aiemai bese taudia idia hereva henidia, to edia hereva ai abia dae lasi.

DANIELA 9:6 Iomraidhean Croise

2 KING TAUDIA 18:12

Samaria hanua bona Israela taudia be Asuria taudia ese idia halusia, badina be Israela taudia ese Lohiabada, edia Dirava ena hereva idia kamonai lasi dainai. Idia ese Lohiabada danu idia karaia gwauhamata taravatuna idia badinaia lasi, bona Lohiabada ena Taravatu, Mose ese ia henia gaudia ibounai idia utua momokani. Oibe, Lohiabada idia kamonai henia lasi dainai unai dika idia davaria.

2 SIVARAI 33:10

Lohiabada ese Manase bona iena basileia taudia ia sisiba henidia, to idia kamonai lasi.

ESERA 9:7

Aiemai sene taudia edia nega dekena amo ia mai bona inai dina, ai be ai kerere bada herea, bona aiemai kara dika dainai, ai, bona aiemai king, bona aiemai hahelagaia taudia, be idau bese edia king edia siahu henunai ai oi atoa vadaeni. Unai dainai ai idia alaia mase, aiemai kohu idia henaoa, bona ai idia hahemaraia, ia mai bona hari dina danu.

NEHEMIA 9:30

Lagani momo lalonai oi ese mai haheauka danu sisiba oi henidia. Oiemu Lauma dekena amo idia oi sisiba henia, peroveta taudia edia uduna hereva dekena amo, to idia ura lasi kamonai. Unai dainai oi ese idau bese taudia edia siahu henunai oi atodia.

NEHEMIA 9:32

“Dirava e, oi be Dirava badana, mai siahu bada herea, bona mai garina Dirava. Oi ese oiemu gwauhamata oi badinaia noho momokani. Mani emu kara aiemai hisihisi do oi laloa, Asuria king taudia ese ai idia hisihisi henia negana, ia mai bona harihari, aiemai hisihisi be bada. Aiemai king, aiemai gunalaia taudia, aiemai hahelagaia taudia, bona aiemai peroveta taudia be idia hisihisi vadaeni. Aiemai sene taudia, bona aiemai taudia ibounai, be idia hisihisi vadaeni. Mani aiemai hisihisi bada do oi laloa.

NEHEMIA 9:34

Aiemai king, bona aiemai lohia, bona aiemai hahelagaia taudia, bona aiemai tamadia ese oiemu Taravatu idia badinaia lasi. Oiemu oda bona oiemu sisiba hereva, idia dekenai oi henia gaudia idia laloa lasi.

IEREMIA 26:5

Bona umui dekenai lau siaia noho hesiai taudia, peroveta taudia edia hereva do umui kamonai namonamo. To umui ese edia hereva nega ta umui kamonai henia lasi.

IEREMIA 29:19

Badina be idia ese lau Lohiabada egu hereva idia kamonai henia lasi, bona egu hesiai taudia, peroveta taudia, edia ududia dekena amo lau siaia hereva, be umui Israela taudia umui kamonai henia lasi.

IEREMIA 44:16

“Hereva ta ai dekenai oi hamaoroa, Lohiabada ena ladana dekenai, to ai ese oi do ai kamonai henia lasi.

IEREMIA 7:13

Umui ese unai bamona kara dika ibounai umui karaia vadaeni. Lau Lohiabada ese nega momo umui lau sisiba henia unai emui kara dika dainai, to umui kamonai lasi. Bona lau be umui dekenai lau boiboi neganai, umui haere lasi lau dekenai.

IEREMIA 7:24

To lau dekenai idia kamonai henia lasi, lauegu hereva idia laloa lasi. Idia ese sibodia edia laloa dikadia bona laloa kerere hegeregerena idia karaia noho. Bona idia edia kara ese edia mauri ia hanamodia lasi, to ia hadikadia.

DANIELA 9:10

“Oi Lohiabada, aiemai Dirava ese oiemu hereva oi gwauraia vadaeni ai dekenai oiemu peroveta taudia edia uduna dekena amo, to unai hereva be ai kamonai henia lasi.

DANIELA 9:9

Lohiabada Dirava e, oi be mai emu bogahisihisi, bona kara dika oi gwauatao diba, to ai ese oi dekenai ai dagedage henia vadaeni.

MATAIO 23:37

“Ierusalema e! Ierusalema e! Peroveta taudia oi alaia mase, bona oi dekenai Dirava ese ia siaia taudia be nadi dekenai oi hodoa. Nega momo lau ura oiemu natuna lau haboua, kokoroku hahine ese iena natuna iena hanina dekenai ia koua bamona, to oi ura lasi!

APOSETOLO EDIA KARA 13:27

Badina be Ierusalema noho taudia bona edia lohia idia diba lasi Iesu be Hamauria Tauna. Momokani idia ese peroveta taudia edia hereva be Sabati Dinadia ibounai idia duahia, to anina idia diba lasi. Inai dainai idia ese Iesu ena mase idia gwauraia, bona inai dala dekenai peroveta taudia edia hereva idia hamomokania.