DANIELA 9:5 - Buka Helaga (Hiri Motu) 1993

⁵ “Ai be ai kara dika, bona ai kerere karaia, bona ai be dika momokani. Oiemu taravatu herevadia be ai kamonai henia lasi, bona ai dekenai oi hadibaia dala maorona dekena amo ai raka siri vadaeni.

DANIELA 9:5 Iomraidhean Croise

2 KING TAUDIA 18:12

Samaria hanua bona Israela taudia be Asuria taudia ese idia halusia, badina be Israela taudia ese Lohiabada, edia Dirava ena hereva idia kamonai lasi dainai. Idia ese Lohiabada danu idia karaia gwauhamata taravatuna idia badinaia lasi, bona Lohiabada ena Taravatu, Mose ese ia henia gaudia ibounai idia utua momokani. Oibe, Lohiabada idia kamonai henia lasi dainai unai dika idia davaria.

2 KING TAUDIA 21:15

Inai bamona egu bese taudia dekenai do lau karaia, badina be lauegu vairana dekenai idia kara dika, bona idia ese lau idia habadua, edia sene taudia be Aigupito idia rakatania dinana, ia mai bona hari dina.”

ESERA 9:6

Lau gwau, “Egu Dirava e, lau hemarai noho dainai oi dekenai egu vairana lau abia isi hegeregere lasi. Badina be aiemai kara dika be bada herea dainai, aiemai kwaradia edia ataiai idia noho, bona idia daekau lao guba dekenai.

SALAMO 106:6

Ai ese ai kara dika, aiemai tamadia idia kara dika bamona. Ai ese ai kara kerere, bona dika ai karaia vadaeni.

SALAMO 119:102

Lohiabada e, oiemu hadibaia hereva dekena amo lau raka siri lasi, badina be oi sibona ese, oiemu hereva lau dekenai oi hadibaia noho.

SALAMO 119:176

Lau be lau loaloa kava noho, ia boio vadaeni mamoe bamona. Unai dainai mani emu kara lau, oiemu hesiai tauna, do oi tahua, badina be oiemu taravatu lau laloaboio lasi.

SALAMO 18:21

Lohiabada ena dala ibounai, be lau kamonai henia vadaeni. Egu Dirava dekena amo lau raka siri lasi.

ISAIA 53:6

Ita ibounai ita raka boio vadaeni, idia boio mamoe bamona. Ita ta ta ibounai ese, sibona iseda dala ita raka vadaeni, bona unai dika davana, ita sibona ita karaia be maoro. To Lohiabada ese, ita ibounai iseda kara dika be, iena Hesiai Tauna ena latanai, ia atoa vadaeni.

ISAIA 59:13

Ai ese oi dekenai ai dagedage henia, ai ese oi ai negea vadaeni, bona aiemai Dirava ena murinai raka kara, dekena amo ai siri vadaeni. Ai ese haida ai hisihisi henidia, haida ai dagedage henidia. Aiemai kudoudia lalonai hereva koikoi ai havaraia, bona taunimanima hadikaia totona, unai hereva ai gwauraia vadaeni.

ISAIA 64:4

Gunaguna ia mai hari, Dirava ta oi hegeregere ena sivarai, be tau ta ia kamonai lasi, o itaia lasi. Oi sibona ese oi dekenai idia naria noho taudia dainai oi gaukara noho.

IEREMIA 14:20

Lohiabada e, ai ese oi dekenai ai kara dika vadaeni. Ai ese aiemai dika ai gwauraia hedinarai inai, aiemai sene taudia edia dika danu.

IEREMIA 14:7

Lohiabada e, egu bese taudia, be inai bamona oi dekenai idia noinoi noho, idia gwau, “Lohiabada e, momokani aiemai kara dika ese ai idia samania noho, to mani emu kara, ai do oi durua, oi ese oi gwauhamata vadaeni hegeregerena. Ai ese nega momo oi dekena amo ai raka siri vadaeni. Ai ese oi dekenai ai kara dika.

IEREMIA 3:25

Ai ese mai hemarai bada danu bema ai hekure diho be namo. Aiemai hemarai ese ai do ia koua momokani be namo, badina be ai ese Lohiabada, aiemai Dirava ena vairanai ai kara dika nega ibounai, ai bona aiemai tamadia danu, emai eregabe dinadia dekena amo ia mai bona hari dina. Bona Lohiabada, aiemai Dirava ena hereva ai kamonai henia lasi.”

IEREMIA 30:14

Guna umui idia lalokau henia taudia ese, umui idia laloaboio vadaeni. Idia ese umui idia laloa lasi, badina be tuari tauna ia karaia bamona, lau ese umui lau alaia mase. Umui lau matakani henia vadaeni auka herea, badina emui kerere be bada, bona emui kara dikadia be maragi lasi momokani.

IEREMIA 44:3

Unai be edia kara dikadia dainai. Edia kara dekena amo lau idia habadua, badina be idia lao, dirava idaudia, idia diba lasi, umui diba lasi, bona emui sene taudia idia diba lasi diravadia dekenai muramura mai bonana bouboudia idia henia, bona idia tomadiho henidia.

LALOHISIHISI 1:18

“To Lohiabada be maoromaoro, badina be lau Siona ese ia lau kamonai henia lasi. Umui bese idauidau taudia ibounai e, lau dekenai do umui kamonai, bona egu hisihisi do umui itaia. Egu kekeni bona egu uhau ibounai be mai guia danu, tuari taudia ese idia abia lao vadaeni.

LALOHISIHISI 1:20

“Lohiabada e, egu lalohisihisi, bona egu lauma ena hisihisi do oi itaia. Egu kudouna ia makohia vadaeni, badina egu kara dika ese, egu lalona ia hisihisi henia dainai. Ariara edia lalonai taunimanima idia alaia noho, ruma edia lalonai danu mase ia vara noho.

LALOHISIHISI 3:42

“Ai be ai kerere vadaeni, bona oiemu taravatu ai utua vadaeni, bona oi ese aiemai dika oi gwauatao lasi.

ESEKIELA 5:6

To Ierusalema ese egu taravatu bona egu oda ia utua bona negea momokani, bona inai kara dika dekena amo ia ese tano idauidau edia kara dika ia hanaia. Badina Ierusalema taudia ese egu taravatu bona oda idia negea bona utua momokani vadaeni.

ESEKIELA 6:9

Unai gabudia dekenai mai guia danu idia noho neganai idia ese lau Lohiabada do idia laloatao. Unai neganai do idia diba lau ese idia lau matakani henia, bona idia lau hahemaraia, badina edia kara koikoi dekena amo idia ese lau idia rakatania, bona dirava koikoidia idia tahua. Edia kara dika, dika rohoroho gaudia dainai do idia hemarai bada, mai lalohisihisi momokani danu.

DANIELA 9:11

Io, Israela taudia ibounai ese oiemu taravatu idia utua, bona oiemu hereva idia kamonai henia lasi. Ai kara dika oi dekenai, bona oiemu hesiai tauna, Mose, ena taravatu lalonai ia torea taunimanima hadikaia hereva, be oi siaia mai ai dekenai.

DANIELA 9:15

“Lohiabada aiemai Dirava, oiemu siahu oi hedinaraia vadaeni, oiemu bese taudia be Aigupito dekena amo oi hakaudia mai, bona oiemu goada ena sivarai be ia bada herea ia mai bona hari danu. Ai ese kara dika ai karaia, bona ai ese kerere bada ai karaia vadaeni danu.

DANIELA 9:9

Lohiabada Dirava e, oi be mai emu bogahisihisi, bona kara dika oi gwauatao diba, to ai ese oi dekenai ai dagedage henia vadaeni.

HOSEA 1:2

Lohiabada ese Israela dekenai ia hereva Hosea dekena amo ia hamatamaia neganai, ia gwau, “Hosea e, lauegu bese taudia ese lau idia badinaia lasi, bona idia ese lau idia rakatania vadaeni. Unai dainai oi lao, ariara hahine ta do oi adavaia, bona ariara natudia do oi havaraia.”

MALAKI 3:7

To umui ese emui sene taudia edia kara bamona umui karaia noho. Umui ese egu taravatu dekena amo umui raka siri, egu oda hereva umui badinaia lasi. To bema emui dika umui rakatania, bona lau dekenai umui giroa mai neganai, lau ese egu badu do lau rakatania, umui dekenai do lau giroa lou. Lau, Siahu Ibounai Lohiabada lau hereva inai. “To umui henanadai, umui gwau, ‘Edena bamona oi dekenai do ai giroa mai?’

HEBERU 3:12

Lauegu varavara taudia e, do umui naria namonamo, umui ta ese ia laloa kerere, iena abidadama be lasi, vadaeni Mauri Diravana do ia rakatania garina.