DANIELA 9:3 - Buka Helaga (Hiri Motu) 1993

³ Vadaeni Dirava dekenai lau guriguri, lau noinoi henia. Lau aniani lasi, bona puse dabua lau karaia, bona lahi ena kahu dekenai lau helai.

DANIELA 9:3 Iomraidhean Croise

2 SAMUELA 12:16

Davida ese Dirava ia noia, iena natuna dainai. Davida be ia aniani lasi, to ia be iena daiutu lalonai ia raka vareai, bona hanuaboi lalonai tano sibona dekenai ia hekure.

ESERA 10:6

Unai neganai Esera be Dirava ena Dubu Helaga ena vairana dekena amo ia raka lao, Iehohanana Eliasibi ena daiutu dekenai ia lao. Unuseni hanuaboi ta ia noho, bona hesiai mai guia danu idia giroa mai Iuda taudia edia dika dainai ia tai. Ia ese aniani ia ania lasi, bona ranu sisina danu ia inua lasi.

ESERA 8:21

Unai neganai, Ahava Sinavai ena badibadinai, lau Esera ese lau oda henia, ita ibounai be aniani do ita ania lasi, bona Dirava ena vairana dekenai do ita manau. Bona Dirava do ita noia, ia ese iseda laolao dekenai ita do ia hakaua, iseda natudia bona iseda kohu do ia naria totona.

ESERA 9:5

Vadaeni adorahi ena boubou neganai, egu lalohisihisi bona hemarai dekena amo lau toreisi, mai egu dabua, lau ese lau darea vadaeni gaudia danu, bona lau tui diho, Lohiabada egu Dirava dekenai egu imana lau abia isi.

NEHEMIA 9:1

Unai hua ena dina namba 24 Israela taudia idia hebou, aniani idia ania lasi, bona puse dabua idia karaia, edia kara dika dainai, edia lalohisihisi idia hedinaraia totona.

ESETA 4:16

“Morodekai e, oi lao, Iuda taudia ibounai Susa dekenai do oi davaria, bona do oi haboua, bona lau dainai aniani ania lasi taravatu do umui karaia. Dina toi bona hanuaboi toi aniani do umui ania lasi, bona ranu do umui inua lasi. Lau bona egu hesiai kekeni danu do ai aniani lasi, umui hegeregerena. Unai murinai lau be king dekenai do lau raka vareai, iena taravatu do lau utua. Bema unai dainai lau mase, vadaeni lau mase.”

IOBU 42:6

Unai dainai egu hereva gaudia ibounai dainai, lau be lau hemarai, bona harihari tano kahu, bona lahi kahu danu dekenai, lauegu lalona lau giroa momokani inai.”

SALAMO 35:13

Guna unai taudia idia gorere neganai, puse dabua lau atoa, egu lalohisihisi ena toana, bona aniani lau ania lasi. Ma egu kwarana lau atoa diho, idia totona lau guriguri.

ISAIA 22:12

Unai dina dekenai, Siahu Ibounai Lohiabada ese umui ia boiboi henia, do umui taitai, bona mai lalohisihisi danu, emui kwaradia huina do umui kakasia, bona puse dabua do umui karaia totona.

IEREMIA 33:3

Do oi boiboi lau dekenai, vadaeni lau ese oi dekenai do lau haere, bona gau badadia, hunia gaudia, oi do diba lasi gaudia, be oi dekenai do lau hamaoroa.

ESEKIELA 36:37

Lohiabada Dirava ma ia hereva, ia gwau, “Bema Israela bese taudia ese lau idia noia, edia bese do lau habadaia totona, lau ese edia noinoi do lau kamonai. Vadaeni idia be momo herea do idia lao, mamoe idia momo herea bamona.

DANIELA 6:10

Unai hereva Daniela ia diba neganai, ia lao iena ruma dekenai. Ataiai daihutuna ta dekenai be uindo toi idia noho Ierusalema itaia lao ena kahana dekenai. Nega ibounai ia karaia bamona, unai uindo dekenai ia tui diho dina ta nega toi, bona Dirava dekenai ia guriguri henia.

DANIELA 9:2

Dariuse ia king lagani ginigunana lalonai, lau Daniela ese Buka Helaga lalonai Dirava ena hereva, Ieremia peroveta tauna ia torea gauna lau tahua: Unai be ia gwauraia lagani 70 lalonai Ierusalema hanua do ia makohia dika noho.

DANIELA 9:20

Inai guriguri lau karaia noho, bona lauegu kara dika bona lauegu bese Israela edia kara dika lau gwauraia hedinarai noho, bona Lohiabada egu Dirava iena Dubu Helaga do ia haginia lou totona lau noinoi noho danu.

DANIELA 9:4

Lohiabada egu Dirava lau guriguri henia, bona egu dika, bona egu bese edia kara dika lau gwauraia hedinarai, lau gwau, “Lohiabada, oi be Dirava badana, taunimanima ibounai oi dekenai idia gari. Oiemu gwauhamata oi badinaia noho momokani, bona oiemu hereva badinaia taudia, bona oi idia lalokau henia taudia be oi ese oi bogahisihisi henidia noho.

IOELA 1:13

Hahelagaia taudia e, puse dabua, emui lalohisihisi ena toana, do umui karaia, do umui tai. Boubou patana umui naria noho taudia, do umui tai bada. Dubu Helaga do umui raka vareai, bona hanuaboi ena hora ibounai do umui tai! Badina be paraoa ena boubou bona uaina ena boubou, be emui Dirava dekenai do umui henia diba lasi.

IOELA 2:12

Lohiabada ia hereva, ia gwau, “Momokani inai nega dika be do ia vara, to namona be harihari, emui lalona do umui giroa momokani, bona lau dekenai do umui giroa mai lou. Bona umui ese aniani lasi taravatu do umui karaia, bona mai lalohisihisi momokani do umui tai, lau dekenai do umui giroa mai totona.

IONA 3:5

Nineva dekenai idia noho taudia ese Dirava ena hereva idia abidadama henia. Unai dainai taunimanima ibounai ese aniani ania lasi taravatu idia gwauraia. Edia ladana bada bona ladana maragi taudia ibounai danu ese puse dabua idia karaia, edia lalona giroa toana do idia hedinaraia totona.

MATAIO 17:21

To gau inai bamona lulua lao, be dala ta lasi, guriguri bona aniani ania lasi ena kara sibona dekena amo.”

LUKA 2:37

Iena tau ia mase murinai, ia vabu noho, bona hari iena lagani be 84. Ia be Dubu Helaga ia rakatania lasi, Dirava dekenai ia tomadiho henia, ia guriguri noho, bona aniani ania lasi ena taravatu ia badinaia noho.

APOSETOLO EDIA KARA 10:30

Korenelio ia gwau, “Dina 4 ia lao vadaeni, adorahi 3 okaloka bamona egu ruma lalonai lau guriguri noho, inai hari hora bamona. Bona tau ta lauegu vairana dekenai ia gini, iena dabua be kurokuro momokani.