DANIELA 9:2 - Buka Helaga (Hiri Motu) 1993

² Dariuse ia king lagani ginigunana lalonai, lau Daniela ese Buka Helaga lalonai Dirava ena hereva, Ieremia peroveta tauna ia torea gauna lau tahua: Unai be ia gwauraia lagani 70 lalonai Ierusalema hanua do ia makohia dika noho.

DANIELA 9:2 Iomraidhean Croise

2 SIVARAI 36:21

Unai dainai Lohiabada ena hereva Ieremia dekena amo be momokani, ia gwau, “Tano be lagani 70 lalonai do ia noho kava. Unai bamona do ia vara, badina taunimanima ese tano ena Sabati laga-ani, be taravatu ia gwauraia hegeregerena idia badinaia lasi.”

ESERA 1:1

Sairasi, Parasa ena king ena gunalaia lagani ginigunana lalonai, Lohiabada ese peroveta tauna Ieremia ena peroveta hereva ta ia hamomokania. Inai hereva ena anina do ia vara totona Lohiabada ese Sairasi, Parasa ena king ena lalona ia veria, vadaeni Sairasi ese oda ta ia gwauraia iena basileia ibounai lalonai, bona ia torea danu, oda be inai bamona:

SALAMO 119:24

Oiemu hadibaia hereva ese lau idia hamoalea noho. Idia ese lau idia hakaua noho.

ISAIA 64:10

Oiemu hanua helagadia be nadi kavakava tanona bamona. Ierusalema be taunimanima idia noho lasi gabu dikana bamona.

IEREMIA 1:1

Inai buka lalonai, be Ieremia, Hilekaia ena natuna ena hereva. Hilekaia be Anatoto hanua ena hahelagaia tauna ta. Anatoto hanua be Beniamina ena tano dekenai.

IEREMIA 25:18

Ierusalema bona Iuda hanuadia, bona edia king taudia bona lohia taudia ese inai uaina idia inua, vadaeni ia ese gabu dikana, anina lasi tano, hoa mai gari bada gabuna idia ia halaoa, taunimanima ese do idia kirikirilaia, bona hereva dika henia totona, hari inai dina dekenai idia karaia noho hegeregerena.

IEREMIA 26:18

“Hesekaia be Iuda ena king neganai, peroveta tauna Mika, Moresete hanua tauna ese Iuda taudia ia hamaoroa, ia gwau, ‘Siahu Ibounai Lohiabada ia gwau: Ierusalema be momoru kava gabuna do ia lao, bona Siona be anina lasi tano bamona do ia lao, uma totona do idia geia ore. Bona hari Dubu Helaga ena ororo be uda gabuna do ia lao.’

IEREMIA 26:6

Bema lauegu hereva do umui kamonai henia lasi noho neganai, lau ese inai Dubu Helaga dekenai, be Silo dekenai lau karaia hegeregerena do lau karaia. Bona unai neganai, tanobada bese idauidau taudia ese inai hanua, be do idia kirikirilaia noho gauna, do lau halaoa!”

IEREMIA 27:7

Bese ibounai ese Nebukanesa, bona iena natuna bona tubuna edia hesiai gaukara do idia karaia, ia lao bona Nebukanesa ena tano korikori ena moru nega do ia ginidae. Unai neganai iena bese, Babulonia taudia, be basileia badadia bona king badadia ese do idia halusia, bona do idia guia. Vadaeni Babulonia taudia ese hesiai gaukara mai guia danu do idia karaia.

IEREMIA 29:10

“Lau Lohiabada inai bamona ma lau hereva: Lagani 70 be Babulonia dekenai do idia ore, vadaeni lau ese umui do lau laloa lou, bona egu gwauhamata umui dekenai do lau hamomokania. Lau ese umui do lau hakaua mai lou inai gabu dekenai.

IEREMIA 7:34

Vadaeni Iuda hanua ta ta bona Ierusalema ena ariara dekenai, kiri bona moale ena regena be do lau hadokoa, bona headava matamata tauna bona hahine edia gadona danu. Badina be unai tano be tano kaukau, anina lasi gabuna, do ia lao.”

LALOHISIHISI 1:1

Ierusalema hanua madi ia dika. Gunaguna taunimanima momo be ia lalonai idia noho, to hari ia be anina lasi gabuna. Gunaguna Ierusalema be ia bada, bese idauidau edia huanai, to hari ia be mai lalohisihisi danu, vabu hahine bamona. Guna ia be hanua ibounai edia huanai, hanua namo herea momokani, edia kwini bamona, to hari ia ese hesiai gaukara mai guia danu ia karaia noho.

ESEKIELA 29:11

Unai tano dekenai, taunimanima ta o boroma ta ese do ia raka hanaia lasi. Lagani 40 lalonai taunimanima bona boroma be unuseni do idia noho lasi.

DANIELA 9:3

Vadaeni Dirava dekenai lau guriguri, lau noinoi henia. Lau aniani lasi, bona puse dabua lau karaia, bona lahi ena kahu dekenai lau helai.

MIKA 3:12

Unai dainai umui lohia taudia, bona hahelagaia taudia, bona peroveta taudia, umui emui kerere dainai, Dirava ese Ierusalema do ia hadikaia ore. Ierusalema ena ruma bona kohu be momoru haboua gabuna do idia lao. Bona Siona be idia geia tano kavakava bamona do ia lao. Unai ororo, Dubu Helaga ia noho gabuna, be uda ese do ia koua ore.

SEKARAIA 1:12

Vadaeni Lohiabada ena aneru ia gwau, “Siahu Ibounai Lohiabada e, Ierusalema bona Iuda ena hanuadia be lagani 70 lalonai oi badu henidia vadaeni. Ela bona edena negai do oi bogahisihisi henidia lou?”

SEKARAIA 7:5

Lohiabada ia gwau, “Inai tano taudia bona edia hahelagaia taudia danu do oi hamaoroa, do oi gwau, ‘Unai lagani 70 lalonai, hua namba 5 bona hua namba 7 lalonai umui taitai bona aniani lasi taravatu umui karaia neganai, unai be lau hanamoa totona umui karaia, a? Lasi momokani.

MATAIO 24:15

Ma Iesu ia hereva, ia gwau, “Peroveta tauna Daniela ese guna ia gwauraia, gau dika rohorohona, gabu ia hadikaia gauna, Dubu Helaga ena lalonai ia gini dohore umui itaia.” (Duahia taudia e, inai hereva ena anina do umui laloa namonamo.)

MAREKO 13:14

“To umui ese dika rohoroho gauna umui itaia neganai, iena gabu lasi dekenai ia gini — namo duahia tauna ese inai hereva anina ia diba namonamo — unai neganai Iudea noho taudia namo idia heau lao ororo dekenai.

APOSETOLO EDIA KARA 8:34

Vadaeni eunuko tauna ese Filipo dekenai ia nanadaia, ia gwau, “Mani lau oi hamaoroa, edena tauna be peroveta tauna ese ia herevalaia inai bamona? Ia sibona o idau tauna ta ia herevalaia?”

1 TIMOTEO 4:13

Buka Helaga taunimanima dekenai do oi duahia, sisiba goada do oi henidia, bona hadibaia gaukara do oi goadalaia noho, ela bona lau ginidae.

APOKALUPO 1:3

Inai buka ia duahia tauna be do ia moale. Ma danu, inai buka ena peroveta hereva idia kamonai henia, bona iena hadibaia hereva idia badinaia taudia be do idia moale. Badina inai gaudia ibounai do idia vara ena nega be ia kahirakahira vadaeni.