DANIELA 9:12 - Buka Helaga (Hiri Motu) 1993

¹² “Guna oi sisiba henia do oi karaia gaudia, be oi karaia vadaeni ai dekenai, bona aiemai lohia taudia dekenai. Ierusalema dekenai oi siaia panisi ese hanua ibounai idia davaria panisi ia hanaia momokani.

DANIELA 9:12 Iomraidhean Croise

1 KING TAUDIA 3:9

Unai dainai mani emu kara aonega lau dekenai do oi henia, oiemu bese taudia do lau biagua mai maoromaoro danu. Bona mani emu kara, lau dekenai aonega do oi henia, namo bona dika edia idau do lau diba totona. Bema lau oi durua lasi neganai, edena bamona inai oiemu orea bada herea, do lau gunalaia diba?”

2 KING TAUDIA 22:16

‘Lohiabada be inai bamona ia hereva, ia gwau: Lau ese Ierusalema bona iena taudia do lau panisia momokani, Iuda ena king ia duahia Buka ia torea hegeregerena.

IOBU 12:17

Gunalaia taudia edia aonega, be Dirava ese ia haorea noho, bona kota biagudia, be Dirava ese ia hakavakavadia noho.

SALAMO 148:11

King ibounai, bona bese ibounai, king ena natuna taudia, bona lohia taudia idauidau ibounai.

SALAMO 2:10

Unai dainai, king taudia e, inai sisiba do umui kamonai: Tanobada ena lohia taudia e, do umui diba.

AONEGA HEREVADIA 8:16

Lohia taudia ibounai ese lauegu durua dainai, edia tano ena taudia idia biagua noho. Gavana taudia ibounai be lau dainai, edia dagi idia dogoatao noho.

ISAIA 43:28

Emui lohia taudia ese lauegu Dubu Helaga idia hamiroa. Unai dainai Israela lau hadikaia vadaeni. Lauegu bese korikori lau durua lasi dainai, idau bese ese umui idia hadikaia, mai emui hemarai danu.”

ISAIA 44:26

To bema lauegu hesiai tauna ese, peroveta hereva ia gwauraia neganai, bona bema hesiai tauna ta lau siaia, ia ese egu palani do ia hedinaraia totona, unai neganai unai palani bona unai peroveta hereva, be do lau hamomokania. “Lau ese guna Ierusalema idia noho taudia lau hamaoroa, lau gwau, ‘Ierusalema dekenai do umui noho lou.’ Lau ese guna Iuda hanuadia idia noho taudia lau hamaoroa, ‘Umui emui hanua ibounai, be do idia haginia lou. Hanua bona ruma gunadia edia momoru gabudia dekenai, hanua matamata do idia haginia lou.’

IEREMIA 30:7

Madi, unai dina be do ia dika bada momokani! Ia hegeregerena ta be do ia vara lasi. Unai dina be egu bese taudia, Iakobo, edia hisihisi dinana. To idia be unai hisihisi dekena amo do idia mauri.”

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.

IEREMIA 39:16

“Inai hereva Ebede Meleke, Etiopia tauna dekenai do oi hamaoroa: Siahu Ibounai Lohiabada, Israela ena Dirava ese inai bamona ia hereva, ia gwau, ‘Kamonai, lau hereva guna bamona, lau ese inai hanua do lau hadikaia, do lau hanamoa lasi. Bona inai kara do ia vara neganai, oi be unuseni, bona do oi itaia.

IEREMIA 44:23

Io, inai dika be umui dekenai ia ginidae, badina be dirava idaudia hanamoa totona bonana namo muramura umui gabua, bona Lohiabada dekenai umui kara dika, bona iena taravatu bona iena oda hereva bona iena hadibaia hereva umui badinaia lasi.”

LALOHISIHISI 1:12

Raka hanaia taudia ibounai dekenai, Ierusalema ese ia boiboi noho, ia gwau, “Lau do umui itaia, egu hisihisi hegeregerena, be ta ese nega ta ia abia, a? Inai hisihisi be Lohiabada ese egu latanai ia atoa, iena badu siahu bada dinana dekenai.

LALOHISIHISI 2:13

Ierusalema e, egu lalokau hanua e, edena bamona lau ese oi do lau hagoadaia? Daika ena hisihisi be oiemu hisihisi hegeregerena? Badina be oiemu berona be bada, davara ena bada bamona. Daika ese oi ia hanamoa diba?

LALOHISIHISI 2:17

Lohiabada ese ia sisiba henia do ia karaia gauna, be ia ese ia karaia vadaeni. Ia ese oi Ierusalema ia hadikaia ore vadaeni, mai ena bogahisihisi lasi. Ia ese oi idia tuari henia taudia dekenai kwalimu ia henia, moale ia henidia, oiemu moru dainai.

LALOHISIHISI 4:6

Egu bese taudia edia dika davana, ese Sodoma bona Gomora edia dika davana ia hanaia vadaeni, badina Sodoma taudia edia dika, be Dirava ese ia haorea haraga.

ESEKIELA 13:6

“Emui peroveta taudia edia mata hanai be momokani lasi, bona edia peroveta hereva be koikoi sibona. Idia gwau, ‘Lohiabada be inai bamona ia hereva,’ to lau ese idia lau siaia lasi. Ma idia laloa edia hereva gaudia be momokani do idia vara!

ESEKIELA 5:9

Emui kara dikadia be dika rohoroho momokani dainai, lau ese Ierusalema dekenai nega gunana ta dekenai lau karaia lasi matakani, bona gabeai negana ta do lau karaia lou lasi matakani do lau henia.

DANIELA 12:1

Ma dabua aukana ia karaia tauna ia gwau, “Unai neganai Mikaela do ia toreisi. Ia be lohia aneru badana, oiemu bese taudia ia gimaia tauna. Unai neganai nega dika bada herea do ia vara. Matamana negana ia mai bona hari ia lao bona unai nega, be nega dika ta unai bamona do ia vara lasi. Bona unai neganai, oiemu bese taudia ese mauri do idia davaria, Dirava ena buka lalonai edia ladana idia torea vadaeni taudia ibounai.

IOELA 2:2

Inai dina be do ia dibura momokani, bona ori korema momokani ese guba do idia koua. Inai be kwadi orea bada herea, tuari orea badana bamona idia mai noho. Edia toana be, dibura ese ororo ia koua noho bamona. Guna be inai bamona kara nega ta ia vara lasi, bona gabeai danu inai bamona kara, be do ia vara lou lasi.

AMOSA 3:2

Lohiabada ia gwau, “Tanobada besedia ibounai edia huanai dekena amo umui sibona lau abia hidi, egu, bona umui sibona lau naria namonamo. Unai dainai umui emui kerere be maragi lasi, to ia bada herea momokani. Bona unai dainai emui kara dikadia ibounai edia davana do lau henia momokani umui dekenai.”

SEKARAIA 1:6

To egu hereva bona egu taravatu, egu hesiai peroveta taudia lau oda henidia gaudia ese, emui tamadia edia lalodia idia pidia momokani, ani? Unai dainai gabeai, idia ese edia lalodia idia giroa, idia gwau, ‘Siahu Ibounai Lohiabada ese iseda kara dika hegeregerena davana ita dekenai ia henia vadaeni, ia gwauraia guna vadaeni hegeregerena.’ ”

SEKARAIA 1:8

Hanuaboi lalonai, lau ese mata hanai dekenai Lohiabada ena aneru ta lau itaia, hosi kakakakana dekenai ia guia. Ia be koura lalonai ia gini, palauapalaua kurokuro audia edia huanai. Iena murinai be hosi haida, kakakakadia bona korema sisina, bona kurokurodia. Aneru be inai hosi dekenai idia guia.

SEKARAIA 7:12

Edia kudoudia idia ha-aukaia masemase, nadi bamona. Lau, Siahu Ibounai Lohiabada, egu Lauma ese peroveta taudia gunadia dekena amo ia siaia taravatu bona hereva gaudia idia kamonai lasi. Unai dainai lau, Siahu Ibounai Lohiabada be lau badu maragi lasi momokani.

MATAIO 24:21

Badina be unai dinadia lalonai hisihisi bada herea do idia vara, Dirava ese tanobada ia karaia nega dekena amo hisihisi unai bamona idia vara lasi ia mai bona harihari, gabeai danu unai bamona ta do ia vara lou lasi.

MATAIO 5:18

Kamonai namonamo, harihari ela bona guba bona tanobada do idia noho lasi neganai, taravatu ena leta ta o ena koma ta do ia boio lasi, ela bona gau ibounai do idia hamomokania.

MAREKO 13:19

Badina unai neganai be nega dika bada, idaunegai Dirava ese tanobada ia karaia ia mai bona harihari, dika unai bamona be lasi, gabeai danu dika unai bamona do ia vara lou lasi.

LUKA 21:22

Badina be davana karaia negana be unai. Ia torea guna herevadia hamomokania dinana be unai.

ROMA 15:8

Badina be umui lau hamaoroa, Keriso be Iuda taudia durua bona hanamoa totona ia mai, bona ia mai be Dirava ena hereva momokani do ia hedinaraia totona. Inai anina be, Dirava ese iena gwauhamata Iuda sene taudia dekenai ia hamomokania vadaeni.