DANIELA 9:11 - Buka Helaga (Hiri Motu) 1993

¹¹ Io, Israela taudia ibounai ese oiemu taravatu idia utua, bona oiemu hereva idia kamonai henia lasi. Ai kara dika oi dekenai, bona oiemu hesiai tauna, Mose, ena taravatu lalonai ia torea taunimanima hadikaia hereva, be oi siaia mai ai dekenai.

DANIELA 9:11 Iomraidhean Croise

2 KING TAUDIA 18:12

Samaria hanua bona Israela taudia be Asuria taudia ese idia halusia, badina be Israela taudia ese Lohiabada, edia Dirava ena hereva idia kamonai lasi dainai. Idia ese Lohiabada danu idia karaia gwauhamata taravatuna idia badinaia lasi, bona Lohiabada ena Taravatu, Mose ese ia henia gaudia ibounai idia utua momokani. Oibe, Lohiabada idia kamonai henia lasi dainai unai dika idia davaria.

2 KING TAUDIA 22:16

‘Lohiabada be inai bamona ia hereva, ia gwau: Lau ese Ierusalema bona iena taudia do lau panisia momokani, Iuda ena king ia duahia Buka ia torea hegeregerena.

ISAIA 1:3

Boromakau be edia biaguna idia diba, bona doniki be, edia biaguna ese edia aniani ia atoa gabuna idia diba. To Israela, egu bese taudia, be gau ta idia diba lasi momokani.”

ISAIA 43:28

Emui lohia taudia ese lauegu Dubu Helaga idia hamiroa. Unai dainai Israela lau hadikaia vadaeni. Lauegu bese korikori lau durua lasi dainai, idau bese ese umui idia hadikaia, mai emui hemarai danu.”

IEREMIA 16:11

“Unai neganai oi ese idia do oi haere henia, do oi gwau, ‘Lohiabada be inai bamona ia hereva: Emui tamadia ese lau idia rakatania, dirava idaudia edia murinai idia raka lao, edia hesiai gaukara idia karaia, bona idia tomadiho henidia. Idia ese lau idia rakatania, bona egu taravatu idia kamonai henia lasi.

IEREMIA 2:29

Lohiabada ma ia hereva, ia gwau, “Badina dahaka lau dekenai umui maumau noho? Badina dahaka lau dekenai umui dagedage noho?

IEREMIA 30:14

Guna umui idia lalokau henia taudia ese, umui idia laloaboio vadaeni. Idia ese umui idia laloa lasi, badina be tuari tauna ia karaia bamona, lau ese umui lau alaia mase. Umui lau matakani henia vadaeni auka herea, badina emui kerere be bada, bona emui kara dikadia be maragi lasi momokani.

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.

IEREMIA 40:3

Bona hari ia ese unai dika ia havaraia vadaeni, iena hereva hegeregerena ia karaia vadaeni. Badina be oiemu bese taudia ese Lohiabada ena vairanai umui kara dika, bona iena hereva umui kamonai henia lasi. Unai dainai inai dika be umui emui latanai ia ginidae.

IEREMIA 44:22

Hari inai dina dekenai emui tano be ia dika vadaeni, bona tau ta unuseni ia noho lasi. Unai gabu be taunimanima idia itaia neganai, idia gari bada noho, bona idia ese unai tano ena ladana be edia hereva dika gauna ta idia halaoa vadaeni, badina be Lohiabada ena haheauka be ia ore, emui kara dikadia dainai.

IEREMIA 44:23

Io, inai dika be umui dekenai ia ginidae, badina be dirava idaudia hanamoa totona bonana namo muramura umui gabua, bona Lohiabada dekenai umui kara dika, bona iena taravatu bona iena oda hereva bona iena hadibaia hereva umui badinaia lasi.”

IEREMIA 6:19

Tanobada e, oi danu do oi kamonai! Lau ese inai egu bese do lau hadikaia, edia kerere davana, badina be idia ese egu hadibaia hereva idia negea vadaeni, bona egu hereva idia kamonai henia lasi.

IEREMIA 9:26

Aigupito taudia, Iuda taudia, Edoma taudia, Amono taudia, Moaba taudia, bona tano kaukau dekenai noho taudia ibounai ese edia huina be bagudia dekenai idia utua kwadogi, badina be inai bese ibounai ese kopina utua kara idia abia lasi. Bona Israela taudia danu ese, momokani kopina utua sibona idia abia, to edia kudoudia lalonai idia abia momokani lasi, badina egu gwauhamata taravatuna idia badinaia noho lasi.”

DANIELA 9:13

Mose ena taravatu dekenai ia torea panisi ibounai be ai davaria vadaeni. To hari inai nega lalonai danu, Lohiabada aiemai Dirava e, oiemu ura karadia be ai badinaia lasi, bona aiemai kara dika ai rakatania lasi, bona oiemu hereva momokani be ai badinaia lasi.

DANIELA 9:5

“Ai be ai kara dika, bona ai kerere karaia, bona ai be dika momokani. Oiemu taravatu herevadia be ai kamonai henia lasi, bona ai dekenai oi hadibaia dala maorona dekena amo ai raka siri vadaeni.

SEKARAIA 1:6

To egu hereva bona egu taravatu, egu hesiai peroveta taudia lau oda henidia gaudia ese, emui tamadia edia lalodia idia pidia momokani, ani? Unai dainai gabeai, idia ese edia lalodia idia giroa, idia gwau, ‘Siahu Ibounai Lohiabada ese iseda kara dika hegeregerena davana ita dekenai ia henia vadaeni, ia gwauraia guna vadaeni hegeregerena.’ ”

SEKARAIA 7:12

Edia kudoudia idia ha-aukaia masemase, nadi bamona. Lau, Siahu Ibounai Lohiabada, egu Lauma ese peroveta taudia gunadia dekena amo ia siaia taravatu bona hereva gaudia idia kamonai lasi. Unai dainai lau, Siahu Ibounai Lohiabada be lau badu maragi lasi momokani.

SEKARAIA 8:13

Iuda taudia bona Israela taudia e, guna umui be bese idauidau edia huanai, umui be dika havaraia gauna bamona, to lau ese umui do lau hamauria, vadaeni umui be namo havaraia gauna do umui lao. Unai dainai do umui goada, bona do umui gari lasi.”

DEUTERONOMI 8:20

Lohiabada ese bese haida umui emui vairana dekenai ia hadikaia ore bamona, umui danu do ia hadikaia ore, bema iena hereva umui kamonai henia lasi neganai.”