DANIELA 9:10 - Buka Helaga (Hiri Motu) 1993

¹⁰ “Oi Lohiabada, aiemai Dirava ese oiemu hereva oi gwauraia vadaeni ai dekenai oiemu peroveta taudia edia uduna dekena amo, to unai hereva be ai kamonai henia lasi.

DANIELA 9:10 Iomraidhean Croise

2 KING TAUDIA 18:12

Samaria hanua bona Israela taudia be Asuria taudia ese idia halusia, badina be Israela taudia ese Lohiabada, edia Dirava ena hereva idia kamonai lasi dainai. Idia ese Lohiabada danu idia karaia gwauhamata taravatuna idia badinaia lasi, bona Lohiabada ena Taravatu, Mose ese ia henia gaudia ibounai idia utua momokani. Oibe, Lohiabada idia kamonai henia lasi dainai unai dika idia davaria.

IEREMIA 16:11

“Unai neganai oi ese idia do oi haere henia, do oi gwau, ‘Lohiabada be inai bamona ia hereva: Emui tamadia ese lau idia rakatania, dirava idaudia edia murinai idia raka lao, edia hesiai gaukara idia karaia, bona idia tomadiho henidia. Idia ese lau idia rakatania, bona egu taravatu idia kamonai henia lasi.

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.

DANIELA 9:6

“Oiemu hesiai taudia, peroveta taudia, be ai kamonai henidia lasi. Idia ese oiemu ladana dainai, aiemai king bona lohia taudia, aiemai tubuna taudia bona aiemai bese taudia idia hereva henidia, to edia hereva ai abia dae lasi.

HEBERU 1:1

Idaunegai Dirava ese dala idauidau momo dekena amo iseda sene taudia dekenai ia hereva henidia, peroveta taudia dekena amo.