DANIELA 8:4 - Buka Helaga (Hiri Motu) 1993

⁴ Lau itaia noho neganai, unai mamoe tau ese mai dagedage danu ia heau, iena doana dekenai gau ibounai ia botaia, ia lao dina diho kahanai bona mirigini kahanai, bona diho kahanai danu. Boroma ta be iena siahu dekena amo ia roho mauri diba lasi, bona iena dala be ta ese ia koua diba lasi.

DANIELA 8:4 Iomraidhean Croise

1 KING TAUDIA 22:11

Vadaeni, Sedekaia Kenana ese auri doadia ia karaia, bona hereva ia gwauraia, ia gwau, “Lohiabada be ia gwau, inai gaudia dekena amo oi ese Suria taudia do oi gwadaia, ela bona idia oi hadikaia ore.”

IOBU 10:7

To oi diba lau be kerere lasi. Bona oi diba danu, ta ese oiemu imana dekena amo lau ia hamauria diba lasi.

SALAMO 44:5

Oiemu durua dainai ai dekenai idia tuari henia taudia, be ai ese ai lulua lao. Oiemu ladana dainai, ai idia hadikaia gwauraia taudia ai moia diho.

SALAMO 50:22

Lau umui laloaboio taudia e, egu hereva do umui kamonai, lau ese umui do lau hadikaia ore garina, badina be tau ta ese umui do ia hamauria diba lasi.

SALAMO 7:2

idia be laiona bamona, lau do idia darea garina, bona lau be durua tauna lasi dainai, lau do idia darea maragimaragi garina.

ESEKIELA 34:21

Umui mamoe goadadia ese mamoe manokadia, gorere gaudia, umui doria siri, bona egu orea dekena amo umui luludia siri.

DANIELA 11:16

Unai dainai unai Suria tuari taudia be edia ura hegeregere do idia karaia, unai tano taudia ese idia koudia diba lasi. Hairai bada herea tanona danu do idia abia, bona unai tano do idia biagua momokani.

DANIELA 11:36

“Unai Suria king ese iena ura hegeregere do ia karaia. Sibona do ia habadaia dikadika, do ia gwau ia ese dirava ibounai ia hereaia. Ia ese dirava ibounai edia Dirava dekenai danu do ia hereva dika momo. Unai bamona ia karaia lao diba, ela bona unai nega, Dirava ese ia gwauraia vadaeni negana. Badina be Dirava ese ia gwauraia gaudia be do idia vara.

DANIELA 5:19

“Unai mataurai ia henia dainai bese bona gado ibounai taudia ese oiemu tamana dekenai idia gari henia, bona iena vairana dekenai idia heudeheude. Bema ia ura tau ta ia alaia, be ia alaia, bema ia ura tau ta ia mauri noho, be ia ese dala ia karaia. Iena ura hegeregere ia ese tau ta ia abia isi, o tau ta ia atoa diho.

DANIELA 5:30

Unai hanuaboi dekenai, Belesasa, Babulonia ena king, be idia alaia mase.

DANIELA 7:5

“Ma boroma dagedage ta lau itaia. Unai boroma dagedage ena toana be bea bamona. Ia be ena murina kahana aena dekenai sibona ia gini. Iena uduna dekenai be rudu turiana toi iena isena dekenai ia dogoatao, bona gado ta ese bea dekenai ia hereva henia, ia gwau, ‘Toreisi, vamu momo oi ania.’

DANIELA 8:7

Lau itaia unai nanigosi tau ese mamoe ia heatu henia. Ia dagedage henia dikadika dainai ia heau henia, vadaeni mamoe tau ena doana rua ia hamakohia. Mamoe tau be ia goada lasi do ia koua, bona durua tauna ta be lasi. Vadaeni mamoe tau be tano dekenai ia moru, vadaeni nanigosi tau ese ia moia dikadika.

MIKA 5:8

Inai Israela taudia, bese idauidau edia huanai idia noho, be laiona, uda dekenai ia noho bamona, ia ese boroma bona mamoe ania totona ia labana noho. Ia be mamoe edia magu ia vareai, ia ese mamoe ia dogoatao, ia daredia dikadika, bona tau ta ese mamoe ia durudia diba lasi.

DEUTERONOMI 33:17

Iosepa ena goada be boromakau ena goada hegeregerena. Iena doana be uda boromakau ena doana bamona. Iena doana be Manase ena taunimanima momo, bona Eparaima ena taunimanima momo herea. Inai orea ruaosi dekena amo, Iosepa ese tanobada besedia ia hadikadia noho. Ia doridia ela bona tanobada ena dokona gabudia.”