DANIELA 8:2 - Buka Helaga (Hiri Motu) 1993

² Inai mata hanai dekenai lau itaia be Susa hanua badana dekenai lau noho bamona, unai be Elama kahana dekenai. Ulai Sinavai ena badinai lau gini.

DANIELA 8:2 Iomraidhean Croise

GENESE 10:22

Sema ena natuna be inai: Elama bona Asuru bona Apakasada bona Luda bona Arama.

GENESE 14:1

Amarapela, Sinara tano ena king, Arioka, Elasara tano ena king, Kedoralaomere, Elama tano ena king, bona Tidala, Goimi tano ena king,

NEHEMIA 1:1

Nehemia, Hakalaia ena natuna ese ia karaia karadia ena sivarai be inai: Aratasaseta ena king lagani namba 20, hua ladana Kisileve lalonai lau Nehemia, be Susa hanua badana dekenai lau noho.

ESETA 1:2

Unai neganai king Ahasuero be hanua badana ladana Susa dekenai iena terona dekenai ia helai.

ESETA 2:8

Unai dainai, king ena oda hereva ia siaia lao neganai, kekeni namodia momo be hanua badana Susa dekenai idia haboua, bona Hegai ese ia naridia neganai, Eseta danu ia abia, king ena ruma lalonai ia atoa, bona Hegai, hahine naria tauna, ese ia naria.

ESETA 3:15

Hereva gwauraia taudia be idia heau lao, king ena oda hegeregerena, bona iena oda be hanua badana Susa dekenai danu idia gwauraia hedinarai. King bona Hamana ese idia helai diho, uaina idia inua, to Susa hanua taudia be idia daradara mai gari danu.

ESETA 7:6

Eseta ia haere, ia gwau, “Ai ia dagedage henia, bona ai ia hadikaia ore gwauraia tau dikana be Hamana!” Unai neganai Hamana be ia gari bada herea, king bona kwini edia vairana dekenai.

ESETA 8:15

Morodekai be king ena vairana dekena amo ia raka lao. Ia ese king ena dabua ia kwatua, edia kala be bulu bona kurokuro. Ena kwara gauna be korona, golo gauna badana, bona iena kouti be dabua aukana, namona momokani, ena kala be kakakaka. Susa taudia idia itaia, bona mai moale danu idia boiboi noho.

ESETA 9:11

Unai dina dekenai, Iuda taudia ese taunimanima hida idia alaia Susa dekenai be tau haida ese king idia hamaoroa.

ESETA 9:15

Unai dainai Iuda taudia Susa dekenai be hua ladana Adara ena dina namba 14 dekenai ma idia haboua, Susa dekenai taunimanima ma 300 idia alaia mase. To Iuda taudia ese idia alaia taudia edia kohu idia abia lasi.

ISAIA 11:11

Unai dina dekenai, Lohiabada ese nega iharuana dekenai, iena siahu dekena amo, iena bese taudia, do mauri noho taudia, do ia abidia mai lou, Asuria, Aigupito, Pataro, Etiopia, Elama, Babulonia, Hamata bona kone kahana gabudia dekena amo.

ISAIA 21:2

Mata hanai aukana Lohiabada ese, lau dekenai ia hedinaraia. Dadia taudia ese emui kohu do idia abia kava, bona tuari taudia ese emui hanua do idia hadikadia ore. Elama tuari taudia e! Media tuari taudia e! Babulonia hanuadia do umui tuari henia, bona do umui koua hagegea. Dirava ese Babulonia ia havaraia hisihisi ibounai, be do ia haorea momokani.

IEREMIA 25:25

Bona Simiri, Elama bona Media edia king ibounai.

ESEKIELA 1:1

Lagani namba 30 lalonai, hua namba 4, bona dina namba 5 dekenai lau Esekiela be Iuda hesiai mai guia danu taudia edia huanai lau noho, sinavai ena ladana Kebara ena badinai. Unai neganai guba be sibona ia kehoa, bona mata hanai dekena amo Dirava lau itaia.

ESEKIELA 32:24

“Elama danu be unuseni, bona iena orea badana taudia ibounai ese iena guria gabuna idia hagegea noho. Idia ibounai be tuari kaia dekenai idia mase, bona idia ese kopina utua kara ena taravatu idia abia lasi. Guna idia ese taunimanima ibounai idia hagaria bada, to harihari guri dekenai idia diho taudia danu idia hemarai hebou noho.

DANIELA 10:4

Unai lagani ena hua ginigunana bona ena dina namba 24 dekenai, Taigarisi Sinavai ena badinai lau gini noho.

DANIELA 7:15

“Unai mata hanai, lau itaia gauna dekenai lau hoa bona lau laloa hekwarahi dikadika.

DANIELA 7:2

Daniela ia gwau, “Hanuaboi lalonai mata hanai dekena amo lau itaia, guba ena lai 4 idia toa goada herea, vadaeni davara ia hurehure bada.

DANIELA 8:1

Belesasa ia king lagani namba 3 lalonai lau, Daniela ese mata hanai ma ta lau itaia.

DANIELA 8:3

Egu matana lau negea daekau neganai, lau itaia mamoe tau ta sinavai ena badinai ia gini. Iena doana be rua, badadia, gabeai ia tubu daekau gauna be ia bada, to ta be ia maragi sisina.

NUMERA 12:6

Lohiabada ia gwau, “Lauegu hereva umui kamonai: Umui Israela bese emui huanai, bema peroveta taudia idia noho neganai, mata hanai bona nihi dekena amo idia dekenai lau hedinarai.

HEBERU 1:1

Idaunegai Dirava ese dala idauidau momo dekena amo iseda sene taudia dekenai ia hereva henidia, peroveta taudia dekena amo.

APOKALUPO 9:17

Vadaeni, egu mata hanai lalonai unai hosi, mai edia guia taudia lau itaia. Unai taudia ese kemena auri edia kemena dekenai idia atoa. Unai auri edia kala be kakakaka, lahi bamona, bona bulu bona labora, salipa nadi bamona. Hosi edia kwarana be laiona edia kwarana bamona, bona edia uduna dekena amo, lahi bona kwalahu bona salipa idia negea murimuri kahana dekenai.