DANIELA 8:13 - Buka Helaga (Hiri Motu) 1993

¹³ Unai neganai lau kamonai aneru ta ese aneru ma ta ia nanadaia, ia gwau, “Inai mata hanai dekenai ia vara kara, dina ibounai boubou totona gauna, be do ia noho ela bona edena negai? Unai kara dika rohoroho ese dina ibounai boubou henia gauna ena gabu ia abia, bona guba ena taudia, bona Dubu Helaga do ia moia diho ela bona edena negai?”

DANIELA 8:13 Iomraidhean Croise

SALAMO 74:10

Dirava e, oi dekenai idia tuari henia taudia ese, oi dekenai do idia kirikiri ela bona edena negai? Idia ese oiemu ladana do idia hadikaia hanaihanai, a?

SALAMO 74:9

Aiemai toa helagadia be idia boio vadaeni. Aiemai peroveta tauna ta be lasi, bona inai nega dika ena daudau be tau ta ia diba lasi.

SALAMO 79:5

Lohiabada e, oi ese ai do oi badu henia noho, ela bona edena negai? Oiemu badu be lahi bamona, ai do ia gabua noho hanaihanai, a?

ISAIA 28:18

“Vadaeni mase danu umui karaia gwauhamata be do ia ore, bona mase gabuna danu umui karaia laloa tamona be do ia gini lasi. Bona nega dika be abata bamona do ia diho mai neganai, ia ese umui do ia moia diho, bona umui do ia hadikaia momokani.

ISAIA 6:11

Vadaeni lau gwau, “Lohiabada e, inai bamona do ia vara ela bona edena negai?” Vadaeni ia haere, ia gwau: “Ela bona Iuda hanua badadia be dika momokani, bona noholaia taudia be lasi momokani. Bona ruma ibounai, be mai edia taunimanima lasi. Bona tano be dika momokani, aniani do ia havaraia diba lasi tano do ia lao.

ISAIA 63:18

Ai, Israela, oiemu helaga taudia, be ai dekenai idia dagedage taudia ese ai idia lulua lao, vadaeni nega sisina oiemu gabu dekenai ai noho lasi. Unai taudia ese oiemu gabu helagana idia moia.

ISAIA 9:6

Badina be ita totona natuna ta ia vara! Dirava ese ita dekenai, natuna mero do ia henia! Bona ia be iseda gunalaia tauna do ia lao, bona iena ladana do idia gwauraia, “Sisiba Henia Tauna Namo Herea,” “Siahu Bada Dirava,” “Hanaihanai Noho Tamana,” “Maino ena Lohia.”

IEREMIA 12:10

Idau bese taudia edia king momo ese, egu vain uma idia hadikaia ore. Egu aniani havaraia umadia idia moia diho vadaeni. Egu tano namona be taunimanima noho lasi gabuna idia halaoa vadaeni.

DANIELA 11:31

“Iena tuari taudia haida do idia toreisi, Dubu Helaga ena helaga bada gabuna do idia hadikaia. Dina ibounai idia karaia boubou gauna do idia hadokoa, bona Hadikaia Dika Rohoroho Gauna do idia haginia.

DANIELA 12:11

“Dina ibounai karaia boubou gauna do idia hadokoa, ela bona Hadikaia Dika Rohoroho Gauna do idia haginia dina dekenai, be dina 1290 do idia ore.

DANIELA 12:8

Ia gwauraia herevana lau kamonai, to unai hereva ena anina be lau diba lasi. Unai dainai lau nanadaia, “Lauegu lohia e, inai gaudia dekena amo be dahaka do ia vara?”

DANIELA 4:10

“ ‘Lauegu mahuta pata dekenai nihi lalonai lau itaia gaudia be inai: Lau itaia, au lata herea ta inai tanobada dekenai ia gini, ena dorina be ataiai momokani.

DANIELA 4:13

“ ‘Egu nihi dekenai lau itaia, gima aneru helagana naria tauna be guba dekena amo ia diho mai.

DANIELA 4:23

“Inai danu oi itaia gima aneru helaga guba dekena amo ia diho mai, ma ia hereva, ‘Inai au utua bona haorea, to au ena badina, mai ena ramuna danu tano lalonai do idia noho, gaba gauna be auri bona auri labora dekena amo ia hagegea noho. Rei gabuna dekenai do ia noho, bona hanuaboi ena ranu ese do ia hapariparia, unai bamona be boroma danu do ia noho, ela bona lagani 7 idia ore.’

DANIELA 7:16

Lau lao unuseni ia gini noho tauna ta dekenai, vadaeni lau noia unai gau ibounai edia anina lau dekenai do ia hadibaia. “Vadaeni unai gau ibounai edia anina ia hadibaia, ia gwau,

DANIELA 7:23

“Unai tau ese nihi ena anina ia gwauraia be inai: ‘Boroma dagedage namba 4 ia toreisi bona ia idau momokani, iena kara be basileia haida edia kara bamona lasi. Ia ese inai tanobada ibounai do ia ania ore, bona do ia moia diho momokani.

DANIELA 9:27

“Unai lohia tauna ese lagani 7 lalonai gwauhamata do ia gwauraia taunimanima momo dekenai. To unai lagani 7 ena kahana, (lagani 3 1/2) ia ore neganai, ia ese boubou gauna bona harihari gauna karana do ia hadokoa. Vadaeni Hadikaia Dika Rohoroho Gauna be Dubu Helaga ena ataiai momokani do idia atoa. Unuseni do ia noho ela bona unai dika ia havaraia tauna be Dirava ese iena dika davana do ia henia.”

SEKARAIA 1:19

Vadaeni lau danu ai herevahereva aneru lau nanadaia, lau gwau, “Inai doa 4 edia anina be dahaka?” Ia haere, ia gwau, “Inai doa edia anina be basileia ibounai 4, idia ese Iuda bona Israela bona Ierusalema idia hadikaia, bona gabu idauidau dekenai idia luludia vadaeni.”

SEKARAIA 14:5

Inai parara gabuna, unai ororo ena kahana rua edia huanai ia noho koura, dekena amo do umui heau mauri. Umui be do umui heau, tano mareremarere neganai emui sene taudia idia heau bamona, king Usaia ese Iuda ia gunalaia neganai. Vadaeni Lohiabada, lauegu Dirava be do ia mai. Iena aneru helagadia ibounai be ia danu do idia mai.

MATAIO 11:27

Ma Iesu ia gwau, “Gau ibounai be lauegu Tamana ese lau dekenai ia henia vadaeni. Tau ta lasi ese Natuna ia diba. Tamana sibona ese Natuna ia diba. Bona tau ta lasi ese Tamana ia diba. Natuna sibona ese Tamana ia diba. To bema Natuna ia ura tau ta dekenai Tamana ia hedinarai henia, be unai tau ese Tamana do ia diba.

MATAIO 24:15

Ma Iesu ia hereva, ia gwau, “Peroveta tauna Daniela ese guna ia gwauraia, gau dika rohorohona, gabu ia hadikaia gauna, Dubu Helaga ena lalonai ia gini dohore umui itaia.” (Duahia taudia e, inai hereva ena anina do umui laloa namonamo.)

MAREKO 13:14

“To umui ese dika rohoroho gauna umui itaia neganai, iena gabu lasi dekenai ia gini — namo duahia tauna ese inai hereva anina ia diba namonamo — unai neganai Iudea noho taudia namo idia heau lao ororo dekenai.

LUKA 10:22

Gau ibounai be egu Tamana ese ia henia vadaeni lau dekenai. Tau ta be Natuna ia diba lasi, iena Tamana sibona. Bona tau ta be Tamana ia diba lasi, iena Natuna sibona. To bema Natuna ia ura tau ta dekenai Tamana ia hedinarai henia, be unai tau ese Tamana do ia diba.”

LUKA 21:20

“Tuari orea ese Ierusalema do idia koua hagegea do umui itaia, vadaeni do umui diba, iena dokona ia kahirakahira vadaeni.

LUKA 21:24

Haida be kaia edia matana dekenai do idia mase, haida be do idia abia mauri, idau hanua idau hanua dekenai do idia abia lao. Idau bese taudia ese aena dekenai Ierusalema do idia moia tao, ia lao bona unai idau bese edia nega do ia ore.

IOANE 1:18

Matamaia neganai ia mai bona harihari tau ta ese Dirava ia itaia lasi. To iena Natuna tamona sibona, Tamana dekenai momokani ia noho Tauna, ia ese Dirava ena toana ita dekenai ia hedinaraia vadaeni.

DEUTERONOMI 33:2

Lohiabada be Sinai dekena amo ia mai. Edoma ena ataiai dekena amo, dina bamona ia toreisi. Parana Ororo dekena amo ia diaridiari. Mai ena aneru momo momo herea danu ia mai. Taravatu be lahi bamona, iena imana idibana dekenai.

1 TESALONIKA 3:13

Inai dala dekenai Dirava ese goada umui dekenai do ia henia. Vadaeni iseda Lohiabada Iesu Keriso, mai ena helaga taudia ibounai idia mai neganai, umui be do umui goeva, bona mai helaga danu do umui gini, iseda Tamana Dirava ena vairana dekenai.

HEBERU 10:29

Edena bamona umui laloa? Dirava ena Natuna do ia negea tauna be edena bamona? Dirava ena gwauhamata taravatuna ena rarana ese unai tau ia hagoevaia vadaeni. To unai tau ese unai gwauhamata taravatu ena rarana, be anina lasi gauna bamona ia halaoa. Bona unai tau ese Dirava ena Hariharibada Laumana ia hereva dika henia. Unai bamona tauna ena kerere davana ena bada be edena bamona?

1 PETERO 1:12

Dirava ese idia dekenai ia hedinaraia, edia gaukara be idia edia namo totona idia karaia lasi. Lasi, to umui emui namo totona unai gaukara idia karaia. Oibe, idia edia hereva, be harihari Sivarai Namona ena haroro taudia ese umui dekenai idia haroro henia vadaeni. Lauma Helaga guba dekena amo Dirava ese ia siaia diho dainai, unai Sivarai Namona idia harorolaia noho. Inai kara bona Sivarai Namona, be aneru danu idia ura dikadika do idia itaia bona diba.

IUDA 1:14

Enoka be tau namba 7 Adamu ena murinai ia vara. Ia ese inai tau dikadia totona peroveta hereva ia gwauraia, ia gwau, “Lohiabada do ia mai, bona iena aneru helagadia momo herea be ia danu do idia hedinarai.

APOKALUPO 11:2

Dubu helaga ena ariara, murimuri magu ese ia hagegea gauna, be do oi hahetoho karaia lasi. Badina unai gabu be Dirava diba lasi taudia edia. Idia ese hanua helagana dekenai do idia mai, edia aena dekena amo do idia moia, hua 42 lalonai.

APOKALUPO 6:10

Inai lauma idia boiboi goadagoada, idia gwau, “Siahu Ibounai Lohiabadana, helaga bona momokani, edena negai tanobada taudia do oi kota henia, edia davana do oi henia, aiemai rarana dainai?”

GUNALAIA TAUDIA 13:18

Lohiabada ena aneru ia gwau, “Badina dahaka lauegu ladana umui ura diba? Ia be hoa gauna ta.”