DANIELA 8:12 - Buka Helaga (Hiri Motu) 1993

¹² Taunimanima edia kara dika ia toreisi dainai, dina ibounai boubou henia gauna idia hadikaia. Idia ese tomadiho kara momokani idia negea diho tano dekenai, badina be unai doa ese iena gaukara dikana ibounai dekenai ia kwalimu.

DANIELA 8:12 Iomraidhean Croise

IOBU 12:6

To henaoa taudia, be edia ruma dekenai idia noho mai maino danu, bona Dirava idia habadua noho taudia, be idia noho namonamo noho. Unai taudia ese sibodia edia diba bona goada idia laloa, bona idia ese unai, edia goada, be edia dirava tamona, idia halaoa.

SALAMO 119:142

Oiemu kara maoromaoro be do ia noho hanaihanai, bona oiemu taravatu be nega ibounai do ia momokani.

SALAMO 119:43

Mani lau do oi durua, vadaeni nega ibounai hereva momokani do lau gwauraia, badina be oiemu kota hereva lau abidadama henia noho.

SALAMO 28:5

Idia ese Lohiabada ena gaukara idia matauraia lasi. Lohiabada ena kara badadia idia laloa lasi. Unai dainai ia ese idia do ia veria diho momokani, bona do ia haginidia lou lasi.

ISAIA 59:14

Kota maoromaoro be ai ese ai lulua siri vadaeni, bona kara maoromaoro, be ai kahirakahira ia gini diba lasi, badina be hereva momokani, be hanua ena ariara dekenai ia moru vadaeni, bona hereva maoromaoro be unuseni ia raka vareai diba lasi.

IEREMIA 12:1

Lohiabada e, bema lau be oi dekenai gau ta totona, lau maumau gwauraia neganai, lau diba oi be nega ibounai oiemu kara be maoromaoro. To lau ese oiemu kota henia kara ta lau ura herevalaia, gauna inai: Badina dahaka kara dika taudia edia dala be ia namo lao noho? Bona dahaka dainai kara koikoi taudia edia noho ia namo lao noho?

DANIELA 11:28

Vadaeni Suria ena king ese tuari dekenai ia abia kohu momo herea ia gogoa, bona iena tano dekenai ia giroa lou. Bona unai neganai ia ura bada Dirava ena taudia korikori edia guriguri karana do ia haorea momokani. Vadaeni unai iena ura karadia do ia karaia, bona unai murinai iena tano dekenai do ia giroa lou.

DANIELA 7:21

Lau itaia noho neganai, unai doana ese Dirava ena helaga taudia ia tuari henidia bona ia kwalimu danu.

DANIELA 8:4

Lau itaia noho neganai, unai mamoe tau ese mai dagedage danu ia heau, iena doana dekenai gau ibounai ia botaia, ia lao dina diho kahanai bona mirigini kahanai, bona diho kahanai danu. Boroma ta be iena siahu dekena amo ia roho mauri diba lasi, bona iena dala be ta ese ia koua diba lasi.

APOKALUPO 13:7

Dirava ese ia koua lasi dainai dagedage gauna ese Dirava ena taudia ia tuari henia, bona idia dekena amo ia kwalimu. Siahu danu ia abia, iduhu ibounai, bese ibounai, gado ibounai, bona kopina ibounai taudia, ia ese idia ia gunalaia.

1 SAMUELA 23:9

Davida be ia diba Saulo ese ia do ia hadikaia dalana ia karaia noho. Vadaeni ia ese Abiatara ia hamaoroa, ia gwau, “Epodi, dabua helagana do oi mailaia.”