DANIELA 8:11 - Buka Helaga (Hiri Motu) 1993

¹¹ Io, unai doa maragina ese guba taudia edia Biaguna danu ia dagedage henia, bona iena dina ibounai boubou henia gauna ia koua, bona Dubu Helaga ena gaukara ia hadikaia.

DANIELA 8:11 Iomraidhean Croise

ISAIA 37:23

Oi ese daika oi hereva dika henia? Daika oi hadikaia totona, oiemu gadona oi habadaia? Daika dekenai oiemu matana oi abia isi, mai hekokoroku danu? Lau sibona dekenai, Israela ena Helaga Dirava dekenai.

ISAIA 37:29

Oi ese lau oi hereva dika henia dainai, bona oiemu hekokoroku hereva lau kamonai vadaeni dainai, lau ese egu kimai be oiemu udubaubauna dekenai do lau atoa, bona egu auri be oiemu uduna dekenai do lau atoa. Vadaeni idia dekena amo, oi mai dalana dekenai oi do lau hakaua lou.”

IEREMIA 48:26

Lohiabada ia gwau, “Moaba dekenai muramura aukana do umui henia, vadaeni do ia kekero. Badina be ia sibona ia habadaia, bona ia ese lau ia dagedage henia. Unai dainai Moaba be sibona ena mumuta dekenai do ia hekure giroagiroa, bona taunimanima ese do idia kirikirilaia.

IEREMIA 48:42

Moaba be do idia hadikaia ore, bona do idia gwauraia lou lasi bese ta, badina be ia sibona ia habadaia, bona ia ese Lohiabada ia dagedage henia.

ESEKIELA 46:14

Daba ta ta ibounai danu, unai mamoe danu paraoa boubouna do umui henia, ena metau 2 kilogaram, bona olive dehoro ena metau lita ta, paraoa danu do idia mikisi totona. Inai paraoa boubouna, Lohiabada ena, daba ibounai gauna, be noho hanaihanai taravatuna.

DANIELA 11:22

Ia ese tuari orea momo dekenai do ia tuari henidia, bona abata bamona do ia haoredia momokani, gwauhamata taravatuna ena lohia ta danu do ia hadikaia momokani.

DANIELA 11:31

“Iena tuari taudia haida do idia toreisi, Dubu Helaga ena helaga bada gabuna do idia hadikaia. Dina ibounai idia karaia boubou gauna do idia hadokoa, bona Hadikaia Dika Rohoroho Gauna do idia haginia.

DANIELA 12:11

“Dina ibounai karaia boubou gauna do idia hadokoa, ela bona Hadikaia Dika Rohoroho Gauna do idia haginia dina dekenai, be dina 1290 do idia ore.

DANIELA 5:23

Guba ena Lohiabada ena hereva oi utua momokani, badina iena Dubu Helaga gaudia bona kapusi namodia oi kokia, oi mailaia. Oi bona oiemu lohia taudia, oiemu adavana bona oiemu hahine taudia ese inai kapusi dekenai uaina umui inua, bona golo bona siliva bona auri labora bona auri bona au bona nadi diravadia umui hanamoa, to idia be gau ta idia itaia diba lasi, bona idia be gau ta idia diba lasi danu. To oi ese oiemu mauri ia biagua Diravana bona oiemu dala ibounai ia naria Diravana be oi matauraia lasi.

DANIELA 7:25

Ia ese hekokoroku hereva do ia gwauraia, Ataiai Momokani Dirava ena helaga taudia do ia dagedage bada henidia. Nega bona taravatu do ia haidaua toho, bona Dirava ena taudia do idia noho iena siahu henunai, lagani ta bona lagani rua bona lagani kahana ta lalonai.

DANIELA 8:12

Taunimanima edia kara dika ia toreisi dainai, dina ibounai boubou henia gauna idia hadikaia. Idia ese tomadiho kara momokani idia negea diho tano dekenai, badina be unai doa ese iena gaukara dikana ibounai dekenai ia kwalimu.

DANIELA 8:24

“Dohore ia goada dikadika, to unai goada be ia sibona ese ia havaraia lasi. Dika bada herea do ia havaraia, bona ia karaia gaudia ibounai dekenai do ia kwalimu. Mai edia siahu taudia haida, bona Dirava ena taudia korikori haida danu, be inai king ese do ia hadikaia ore.

DANIELA 8:25

“Iena aonega ia bada dainai, iena gaukara mai koikoina dekenai do ia kwalimu. Do ia hekokoroku dikadika, bona taunimanima ese ia do idia halusia diba lasi. Ia ese danu king ibounai edia King do ia tuari henia gwauraia, to do ia lusi, taunimanima edia siahu dekena amo lasi.

DANIELA 9:25

“Inai oi laloa namonamo: Ierusalema haginia lou herevana idia gwauraia ela bona Mesia ia ginidae be lagani ibounai 483 be do idia ore. Ierusalema ena ariara bona magu badadia do idia karaia lou, to nega dika lalonai do idia karaia.

NUMERA 28:3

“Ma idia do oi hamaoroa, lahi bouboudia lau Lohiabada dekenai do idia henia be inai: Dina ta ta dekena amo, mamoe natudia tau rua, lagani tamona gaudia, bero lasi bona toto lasi gaudia, do umui henia, emui gabua ore bouboudia, ela bona nega ibounai.

LUKA 21:24

Haida be kaia edia matana dekenai do idia mase, haida be do idia abia mauri, idau hanua idau hanua dekenai do idia abia lao. Idau bese taudia ese aena dekenai Ierusalema do idia moia tao, ia lao bona unai idau bese edia nega do ia ore.

2 TESALONIKA 2:4

Unai tau ese taunimanima idia guriguri henia gaudia, dirava toana gaudia, do ia dagedage henia. Bona ia ese sibona do ia abia isi, unai tomadiho kara ibounai be ia henunai do ia atoa gwauraia. Ma danu unai Tau Dikana ese Dirava ena Dubu Helaga dekenai do ia helai diho, bona do ia gwau, “Lau sibona be Dirava.”

HEBERU 2:10

Dirava ese gau ibounai ia karaia, bona gau ibounai ia naria noho. Bona ia ura iena natuna taudia momo ese iena hairai do idia abia. Unai dainai ia ese Iesu ia hisihisi henia, bona unai hisihisi dekena amo, Dirava ese iseda Hamauria Tauna korikori, bona gunalaia tauna momokani, Iesu ia halaoa vadaeni. Inai bamona kara Dirava ese ia karaia, be maoro momokani.

APOKALUPO 17:14

Idia ese Mamoe ena Natuna do idia tuari henia, to Mamoe ena Natuna be do ia kwalimu. Badina be inai: Ia be lohia ibounai edia Lohia, bona king ibounai edia King. Iena kwalimu, be Mamoe ena Natuna idia badinaia taudia, bona ia idia abidadama henia taudia ese danu do idia abia nega tamona, idia be ia ese ia abia hidi vadaeni taudia.”