DANIELA 7:9 - Buka Helaga (Hiri Motu) 1993

⁹ “Lau itaia noho neganai, gabu ta ta dekenai terona idia atoa. Mauri Noho Hanaihanai Tauna ia mai, terona ta dekenai ia helai. Iena dabua be kurokuro momokani sinou bamona, bona iena huina be kurokuro momokani, mamoe huina goevana bamona. Iena terona be mai uili, bona lahi be terona ena kahana ibounai ia hururu noho.

DANIELA 7:9 Iomraidhean Croise

1 KING TAUDIA 22:19

Mikaia ma ia gwau, “Harihari Lohiabada ena hereva umui kamonai: Lohiabada be iena terona dekenai ia helai lau itaia, bona guba ena aneru ibounai iena badinai idia gini noho, idiba kahanai bona lauri kahanai danu.

2 SIVARAI 18:18

Mikaia ma ia gwau, “Harihari Lohiabada ena hereva umui kamonai: Lohiabada be iena terona dekenai ia helai, lau itaia, bona guba ena aneru ibounai iena badibadinai idia gini noho, idiba kahanai, bona lauri kahanai danu.

SALAMO 45:8

Oiemu dabua dekena amo muro bona aloe bona kasia muramura, edia bonana ia daekau noho. Oiemu ruma badana, aivori ese ia hanamoa rumana lalonai, miusiki taudia ese oi do idia hamoalea.

SALAMO 90:2

Oi be nega ibounai, hanaihanai, Dirava oi noho, idaunegai bona gabeai danu. Ororo do oi karaia lasi neganai, tanobada bona motumotu oi do karaia lasi neganai, oi be unai bamona, bona unai bamona do oi noho ela bona hanaihanai.

SALAMO 93:2

Lohiabada e, gabu ibounai, taunimanima ibounai, bona gau ibounai, be idia do vara lasi neganai, oi be oi noho. Oi be oi noho hanaihanai, bona oi be do oi King ela bona hanaihanai.

ISAIA 6:1

King Usaia ia mase ena lagani neganai, lau Isaia ese Lohiabada lau itaia. Ia be iena terona dekenai ia helai noho, ataiai, bona mai ena hairai bada, bona iena dabua be lata herea, Dubu Helaga ia hahonua.

ISAIA 9:6

Badina be ita totona natuna ta ia vara! Dirava ese ita dekenai, natuna mero do ia henia! Bona ia be iseda gunalaia tauna do ia lao, bona iena ladana do idia gwauraia, “Sisiba Henia Tauna Namo Herea,” “Siahu Bada Dirava,” “Hanaihanai Noho Tamana,” “Maino ena Lohia.”

IEREMIA 49:38

Edia king bona lohia taudia do lau alaia ore, bona egu terona be Elama dekenai do lau haginia. Lau Lohiabada, lau hereva inai.”

ESEKIELA 1:26

Unai edia kwarana edia ataiai habubua uro badana bamona gauna ena ataiai be gau ta, helai gauna ta bamona. Iena toana be nadi namo herea ena ladana sapairo bamona. Bona unai helai gauna latanai be gau ta lau itaia, iena toana be taunimanima ta, ia helai diho.

DANIELA 7:13

“Unai hanuaboi lalonai mata hanai dekenai lau itaia, Tau ta ia noho, iena toana be taunimanima edia toana bamona. Ori lalonai ia raka mai kahirakahira, bona ia lao unai Mauri Noho Hanaihanai Tauna dekenai, iena vairana dekenai ia gini, bona Badana ese ia abia dae.

DANIELA 7:22

“Mauri Noho Hanaihanai Tauna ia mai, bona ia ese kota ia karaia, iena kota hereva ese Ataiai Momokani Dirava ena helaga taudia ia durudia. Nega ia ginidae vadaeni, Dirava ena helaga taudia ese basileia do idia abia.

MIKA 5:2

Lohiabada ia gwau, “Betelehema Eparata, Iuda ena hanua ibounai edia huanai oi be maragi momokani. To oi dekena amo Lohia Badana ta do ia vara, bona ia ese Israela do ia biagua, egu ladana dekenai. Iena tubuna bona iena iduhu be gunaguna idia noho, ia mai bona hari danu.”

HABAKUKU 1:12

Lohiabada e, hamatamaia negana ia mai bona hari oi be Dirava. Oi be egu Dirava Helagana, bona oi noho hanaihanai. Lohiabada e, lau oi naria noho Dirava e, oi ese Babulonia taudia oi abia hidi, bona oi hagoadaia vadaeni, ai do idia panisia totona.

MATAIO 17:2

Vadaeni idia edia vairana dekenai Iesu ena toana ia idau, iena vairana be ia diaridiari dina bamona, iena dabua ia kurokuro momokani, diari bada bamona.

MATAIO 28:3

Aneru ena vairana ia diari momokani, kevaru bamona, iena dabua danu ia kurokuro momokani, sinou bamona.

MAREKO 9:3

Iena dabua ia diaridiari kurokuro bada herea, tanobada dabua huria tauna ta ese ia hakurokuroa diba lasi unai bamona.

APOSETOLO EDIA KARA 2:30

To ia be peroveta tauna, bona ia diba danu, Dirava ese gwauhamata ia henia vadaeni ia dekenai, ia gwau, ‘Oiemu bese tauna ta dohore ia helai oiemu helai gabuna dekenai.’

APOSETOLO EDIA KARA 2:33

Ia be Dirava ese ia abia daekau vadaeni, iena imana idibana kahana dekenai. Bona ia ese Tamana ia gwauhamata henia gauna, Lauma Helaga ia abia, bona ia bubua diho vadaeni. Harihari unai Lauma ena siahu umui itaia, bona umui kamonai danu.

FILIPI 3:9

Lau ura be Keriso danu do lau hakapua momokani. Lau sibona egu kara maoromaoro, Taravatu lau badinaia dekena amo, be hari lau dogoatao lasi. Hari lau dogoatao noho kara maoromaoro, be Keriso lau abidadama henia dekena amo lau davaria gauna. Dirava ia henia kara maoromaoro be abidadama dekena amo.

1 TIMOTEO 6:16

Ia sibona ia mase diba lasi, ia sibona diaridiari bada dekenai ia noho, bona ia kahirakahira ita lao diba lasi. Tau ta lasi ese Dirava ia itaia vadaeni, bona ta ese vaira neganai do ia itaia diba lasi. Iena ladana badana do ita matauraia, badina iena siahu do ia noho, ela bona hanaihanai. Amen.

1 IOANE 1:5

Inai hereva be Dirava ena Natuna dekena amo ai kamonai, bona umui dekenai ai hamaoroa: Dirava be diari, bona dibura sisina sibona ia dekenai ia noho lasi.

APOKALUPO 1:14

Iena huina be kurokuro momokani, mamoe huina bamona, o ori kurokuro bamona. Iena matana be lahi ena hururuhururu bamona.

APOKALUPO 19:18

King edia tauanina, bona tuari biagudia edia tauanina, bona tuari taudia edia tauanina, bona hosi edia tauanina, bona hosi dekenai idia guia taudia edia tauanina, bona taunimanima ibounai, ura kwalimu taudia, bona hesiai mai guia taudia, badadia bona maragidia, edia tauanina do umui ania.”

APOKALUPO 20:4

Inai murinai helai gabudia haida lau itaia, bona idia latanai helai taudia danu lau itaia. Unai taudia dekenai Dirava ese kota biaguna ena siahu ia henia. Bona taunimanima momo edia laumadia lau itaia. Inai taudia be edia kwaradia idia utua oho, badina be Iesu ena hereva momokani, bona Dirava ena hereva idia gwauraia dainai. Idia ese dagedage gauna o iena laulauna idia tomadiho henia lasi. Bona dagedage gauna ena maka edia baguna dekenai o edia imana dekenai, idia abia lasi. Idia be mase dekena amo idia mauri lou, vadaeni Keriso danu lohia siahu idia abia, ela bona lagani 1000 idia ore.

APOKALUPO 4:2

Nega tamona Lauma Helaga ese lau ia abia, vadaeni guba dekenai helai gabuna badana ta lau itaia, bona ia latanai tau ta ia helai.