DANIELA 7:7 - Buka Helaga (Hiri Motu) 1993

⁷ “Lau itaia noho neganai, boroma dagedage namba 4 lau itaia, gari gauna momokani bona goada dikadika danu. Iena isena dekenai be auri badadia bona gau momo ia ania ore. Ia ania gaudia ia koria dikadika. Ia ania lasi gaudia be momoru bamona ena aena dekenai ia moia diho. Iena toana be idau momokani, mauri gaudia haida 3 bamona lasi. Iena doana be ibounai 10.

DANIELA 7:7 Iomraidhean Croise

2 SAMUELA 22:43

Lau ese idia lau botaia neganai, kahu bamona idia lao. Idia lau moia diho, dala ena kopukopu bamona.

IOBU 41:14

Daika ese iena uduna ia kehoa diba, badina iena isena be mai gari bada herea, ani?

ESEKIELA 40:2

Dirava ese mata hanai ta dekena amo Israela tano dekenai lau ia abia lao, ororo badana ta ena ataiai lau ia atoa diho, vadaeni egu vairana dekenai ruma haida lau itaia, hanua badana ta bamona.

DANIELA 2:19

Unai hanuaboi lalonai, mata hanai ta dekenai Dirava ese unai hunia gauna be Daniela dekenai ia hedinaraia. Unai dainai Daniela ese guba ena Dirava ia hanamoa henia, ia gwau,

DANIELA 7:13

“Unai hanuaboi lalonai mata hanai dekenai lau itaia, Tau ta ia noho, iena toana be taunimanima edia toana bamona. Ori lalonai ia raka mai kahirakahira, bona ia lao unai Mauri Noho Hanaihanai Tauna dekenai, iena vairana dekenai ia gini, bona Badana ese ia abia dae.

DANIELA 7:2

Daniela ia gwau, “Hanuaboi lalonai mata hanai dekena amo lau itaia, guba ena lai 4 idia toa goada herea, vadaeni davara ia hurehure bada.

DANIELA 8:10

Iena siahu ia toreisi danu, guba ena taudia dekenai, bona ia ese unai tau haida bona hisiu haida danu ia hamorua tano dekenai, bona ia moidia diho momokani.

DANIELA 8:22

“Unai doa 4, doa ginigunana, mahokia gauna dekena amo idia tubu daekau gaudia be bese 4 edia toana, unai Helene basileia dekena amo do idia tubu daekau, to do idia goada lasi unai doa ginigunana bamona.

SEKARAIA 2:1

Ma lau mata hanai lou, bona tau ta lau itaia, iena imana dekenai be lata tohoa varona ta.

APOKALUPO 12:3

Ma hoa kara badana ta guba dekenai ia hedinarai. Huala badana ta, kakakaka gauna, iena kwarana be 7, bona iena doana be 10. Iena kwara gaudia be 7, iena kwarana ta ta edia latanai.

APOKALUPO 13:1

Dagedage gauna ta lau itaia, davara dekena amo ia daekau, iena doana be 10, bona iena kwarana be 7. Iena doana edia duduna dekenai be kwara gaudia, dagi toana, idia noho, ibounai 10. Bona iena kwarana ta ta dekenai ladana idia torea, inai ladana ibounai edia anina be Dirava hadikaia hereva gaudia.

APOKALUPO 17:12

“Iena doana 10, oi itaia gaudia, be king 10, to edia basileia idia do abia lasi. Idia ese unai dagedage gauna danu king siahuna do idia abia, hora tamona sibona.

APOKALUPO 17:7

Aneru ese lau ia nanadaia, ia gwau, “Badina dahaka oi hoa noho? Inai hahine ena sivarai, hunia gauna, bona ia latanai hahine ia helai dagedage gauna, mai ena kwarana 7 bona doana 10, inai sivarai oi dekenai do lau hamaoroa.

APOKALUPO 17:8

Inai dagedage gauna oi itaia, be gunaguna ia noho, to harihari ia noho lasi. To nega daudau lasi, ia be guri dobu masemase gabuna dekena amo do ia daekau, vadaeni mase hanaihanai gabuna dekenai do ia lao. Tanobada dekenai noho taunimanima, idia momo be Dirava ese edia ladana mauri buka lalonai ia torea lasi, tanobada ia karaia neganai ia mai bona hari. Inai bamona taudia ese unai dagedage gauna do idia itaia, bona do idia hoa bada. Badina be inai: Guna be ia noho, hari be ia mauri noho lasi, to gabeai ma do ia hedinarai mai.