DANIELA 7:6 - Buka Helaga (Hiri Motu) 1993

⁶ “Lau itaia noho neganai boroma dagedage ma ta lau itaia. Iena toana be lepadi bamona. Iena doruna dekenai be hanina 4 idia noho, manu hanina bamona. Lepadi ena kwarana be 4. Siahu bada ia abia, do ia lohia totona.

DANIELA 7:6 Iomraidhean Croise

ESEKIELA 17:3

do oi gwau: Lohiabada Dirava be inai bamona ia hereva noho: Ugava manu ta mai ena hanina badadia, apena latadia, bona huina edia kala idauidau, be Lebanona dekenai ia mai.

DANIELA 10:20

Bona ia gwau, “Lau mai ena badina oi diba, a? To hari do lau giroa lou, Parasa ena lohia dekenai do lau heatu henia, do lau halusia. Inai murinai Helene ena lohia danu do ia mai.

DANIELA 2:39

“Oiemu basileia ia ore neganai, basileia idauna ta do ia toreisi, iena siahu be do ia hegeregere lasi oiemu. Inai murinai be basileia ihatoina do ia toreisi, ia be auri laboralabora ena basileia, bona ia ese tanobada ibounai do ia biagua.

DANIELA 7:4

Ginigunana ena toana be laiona bamona, bona ia be mai ena huina, ugava manu ena hanina bamona. Lau itaia noho neganai iena hanina idia kokia oho. Vadaeni laiona be sibona ia abia isi, aena ruaosi dekenai ia gini, taunimanima bamona. Iena lalona danu be taunimanima edia lalona bamona ia davaria.

DANIELA 7:5

“Ma boroma dagedage ta lau itaia. Unai boroma dagedage ena toana be bea bamona. Ia be ena murina kahana aena dekenai sibona ia gini. Iena uduna dekenai be rudu turiana toi iena isena dekenai ia dogoatao, bona gado ta ese bea dekenai ia hereva henia, ia gwau, ‘Toreisi, vamu momo oi ania.’

HOSEA 13:7

“Unai dainai lau ese umui do lau alaia mase, laiona ia karaia bamona. Umui darea totona, lau be emui dala badinai do lau hunia noho, taiga ese ia karaia bamona.

APOKALUPO 13:2

Inai dagedage gauna lau itaia, iena toana be lepadi bamona, to iena aena be bea ena aena bamona. Iena uduna be laiona ena uduna bamona. Huala ese sibona ena siahu inai dagedage gauna dekenai ia henia. Ma sibona ena helai gabuna badana, bona ena goada bada herea danu ia henia.