DANIELA 7:4 - Buka Helaga (Hiri Motu) 1993

⁴ Ginigunana ena toana be laiona bamona, bona ia be mai ena huina, ugava manu ena hanina bamona. Lau itaia noho neganai iena hanina idia kokia oho. Vadaeni laiona be sibona ia abia isi, aena ruaosi dekenai ia gini, taunimanima bamona. Iena lalona danu be taunimanima edia lalona bamona ia davaria.

DANIELA 7:4 Iomraidhean Croise

2 SAMUELA 1:23

“Saulo bona Ionatana, mai edia lalokau, bona mai edia sivarai namo. Mauri lalonai, bona mase lalonai danu idia noho hebou. Ugava manu ena haraga be idia hereaia, laiona ena goada be idia hereaia.

IOBU 25:6

Unai bamona dainai, edena bamona tau ta be Dirava ena vairanai ia goevagoeva diba? Taunimanima be biluga sibona bamona, Dirava ena vairana dekenai.”

SALAMO 9:20

Lohiabada e, idia do oi hagaria, bona idia do oi hadibaia, idia be taunimanima sibona.

IEREMIA 25:38

Lohiabada ese iena bese taudia ia rakatania vadaeni, laiona ese iena nadi kohua ia rakatania bamona. Bona iena bese edia tano do ia dika lao, tuari taudia edia tuari dainai, bona Lohiabada ena badu siahu bada dainai.

IEREMIA 4:13

Umui itaia! Tuari taudia idia mai noho, ori koremakorema idia heau mai bamona. Edia kariota be koehirihiri bamona. Edia hosi be haraga herea, idia ese ugava manu edia haraga idia hanaia noho. Madi, ita ese dika ita davaria vadaeni!

IEREMIA 4:7

Laiona ese iena nadi matuna dekena amo ia raka mai bamona, inai tuari orea, basileia momo ia hadikaia ore noho orea ia mai noho. Inai orea ese Iuda hadikaia totona ia mai noho. Iuda ena hanua ibounai be do idia dika momokani, bona taunimanima ta be idia lalonai do idia noho lasi.

IEREMIA 48:40

Badina Lohiabada be inai bamona ia gwau: “Itaia! Ugava manu bamona, bese ta do ia roho diho haragaharaga, iena hanina do ia atoa maoromaoro, Moaba do ia hadikaia totona.

IEREMIA 49:19

Kamonai, laiona ta be Ioridane Sinavai ena isena ena uda gabuna dekena amo mamoe edia magu aukana do ia hadikaia totona ia mai noho hegeregerena, lau ese do lau toreisi, bona karaharaga Edoma taudia ibounai do lau lulua lao, edia tano dekena amo. Unai neganai lau ese do lau abia hidi tauna ese edia tano do ia biagua. Badina daika be lau hegeregerena? Daika ese lau dekenai ia hepapahuahu diba? Edena tano ena king be egu vairana dekenai do ia gini diba?

LALOHISIHISI 4:19

Ai idia lulua lao taudia edia heau ese, guba ugava manu edia roho ia hereaia. Ororo dekenai ai idia lulua, bona tano kaukau gabudia dekenai, ai hadikaia totona idia naria, hunia dekenai.

ESEKIELA 17:3

do oi gwau: Lohiabada Dirava be inai bamona ia hereva noho: Ugava manu ta mai ena hanina badadia, apena latadia, bona huina edia kala idauidau, be Lebanona dekenai ia mai.

ESEKIELA 28:2

“Tanobada tauna e, Turo ena king do oi hamaoroa, lau Dirava, Lohiabada ese ia dekenai lau hereva noho, lau gwau: Oi be hekokoroku dekena amo oi sibona oi abia isi, bona oi gwau oi be dirava ta. Oi gwau dirava ta ena kara bamona, oi be terona ta dekenai oi helai, bona davara ese oi ia hagegea noho. Io, oi gwau oiemu aonega be dirava ta ena aonega hegeregerena, to oi be taunimanima sibona, dirava lasi.

ESEKIELA 28:9

Oi alaia totona taudia oi dekenai idia mai neganai, oi be do oi gwau oi be dirava ta, a? Lasi, unai ala-ala taudia edia vairanai oi be taunimanima sibona, dirava ta lasi.

DANIELA 2:38

Dirava ese taunimanima bona uda boroma, bona ataiai manu ibounai, bona gabu ibounai idia noho gaudia be oiemu siahu henunai ia atoa, gau ibounai be oi ese oi biagua noho. Oi sibona be inai golo kwarana.

DANIELA 4:36

“Unai nega lalonai lauegu aonega ia mai lou lau dekenai, bona lauegu basileia, mai ena siahu lau abia lou. Lauegu kaunsolo taudia bona lauegu basileia taudia idia giroa mai lau dekenai. Lauegu basileia ma idia haginia lou, bona siahu bada bona matauraia bada lau abia, guna bamona lasi.

DANIELA 7:12

“Unai boroma dagedage haida 3 edia siahu be idia kokia, to do idia mauri noho ela bona ma nega ta idia gwauraia hegeregerena.

DANIELA 7:5

“Ma boroma dagedage ta lau itaia. Unai boroma dagedage ena toana be bea bamona. Ia be ena murina kahana aena dekenai sibona ia gini. Iena uduna dekenai be rudu turiana toi iena isena dekenai ia dogoatao, bona gado ta ese bea dekenai ia hereva henia, ia gwau, ‘Toreisi, vamu momo oi ania.’

MATAIO 24:28

“Mase edia tauanina idia noho gabuna dekenai, ugava manudia do idia haboua unuseni.

DEUTERONOMI 28:49

“Lohiabada ese bese ta daudau dekena amo do ia mailaia, tanobada ena dokona gabuna dekena amo. Inai bese taudia edia gado be umui diba lasi, bona idia ese ugava manu ia roho bamona do idia diho mai, umui do idia tuari henia.

APOKALUPO 13:2

Inai dagedage gauna lau itaia, iena toana be lepadi bamona, to iena aena be bea ena aena bamona. Iena uduna be laiona ena uduna bamona. Huala ese sibona ena siahu inai dagedage gauna dekenai ia henia. Ma sibona ena helai gabuna badana, bona ena goada bada herea danu ia henia.