DANIELA 7:23 - Buka Helaga (Hiri Motu) 1993

²³ “Unai tau ese nihi ena anina ia gwauraia be inai: ‘Boroma dagedage namba 4 ia toreisi bona ia idau momokani, iena kara be basileia haida edia kara bamona lasi. Ia ese inai tanobada ibounai do ia ania ore, bona do ia moia diho momokani.

DANIELA 7:23 Iomraidhean Croise

DANIELA 2:40

“Ma basileia namba 4 do ia toreisi, iena goada be auri bamona. Bona auri ese gau ibounai ia hamakohia bamona, unai basileia ese basileia ibounai do ia halusia momokani.

DANIELA 7:22

“Mauri Noho Hanaihanai Tauna ia mai, bona ia ese kota ia karaia, iena kota hereva ese Ataiai Momokani Dirava ena helaga taudia ia durudia. Nega ia ginidae vadaeni, Dirava ena helaga taudia ese basileia do idia abia.

DANIELA 7:24

“ ‘Unai doa 10 be king 10, unai basileia dekena amo do idia toreisi. King ma ta danu do ia toreisi, bona ia ese king toi do ia hamorudia.

DANIELA 7:7

“Lau itaia noho neganai, boroma dagedage namba 4 lau itaia, gari gauna momokani bona goada dikadika danu. Iena isena dekenai be auri badadia bona gau momo ia ania ore. Ia ania gaudia ia koria dikadika. Ia ania lasi gaudia be momoru bamona ena aena dekenai ia moia diho. Iena toana be idau momokani, mauri gaudia haida 3 bamona lasi. Iena doana be ibounai 10.

LUKA 2:1

Unai nega lalonai Kaisara Augusto ese taravatu herevana ta ia siaia lao, tanobada taudia ibounai edia ladana do idia torea.