DANIELA 7:22 - Buka Helaga (Hiri Motu) 1993

²² “Mauri Noho Hanaihanai Tauna ia mai, bona ia ese kota ia karaia, iena kota hereva ese Ataiai Momokani Dirava ena helaga taudia ia durudia. Nega ia ginidae vadaeni, Dirava ena helaga taudia ese basileia do idia abia.

DANIELA 7:22 Iomraidhean Croise

SALAMO 149:5

Dirava ena taudia ese, edia kwalimu dainai do idia moale noho be namo. Hanuaboi ena hora ibounai lalonai, ane do idia abia be namo.

ISAIA 63:4

Badina negana ia ginidae vadaeni, lauegu bese taudia dekenai idia dagedage taudia edia davana do lau henia. Oibe, negana ia ginidae vadaeni, lauegu bese taudia do lau hamauria.

DANIELA 7:18

To Ataiai Momokani Dirava ena helaga taudia ese basileia do idia abia, king siahuna danu do idia abia, bona inai siahu do ia noho idia dekenai ela bona hanaihanai.’ ”

DANIELA 7:23

“Unai tau ese nihi ena anina ia gwauraia be inai: ‘Boroma dagedage namba 4 ia toreisi bona ia idau momokani, iena kara be basileia haida edia kara bamona lasi. Ia ese inai tanobada ibounai do ia ania ore, bona do ia moia diho momokani.

MATAIO 19:28

Iesu ese ia hamaorodia, ia gwau, “Umui lau hamaoroa momokani, lauegu murina dekenai umui raka taudia, be gau ibounai karaia matamata ena neganai, Taunimanima ena Natuna ena terona diaridiari dekenai do ia helai neganai, terona 12 dekenai do umui helai, Israela edia iduhu 12 dekenai dohore umui kota henia.

2 TESALONIKA 2:8

Unai neganai unai Tau Dika Rohorohona do ia hedinarai. To Lohiabada Iesu mai diaridiari bona mai hairai bada danu do ia mai neganai, ia ese unai Tau Dikana do ia alaia mase.

APOKALUPO 1:6

Ia ese ita ia haboua, vadaeni ita be Basileia ta, bona Tamana Dirava ena hahelagaia taudia ia ese ita ia halaoa vadaeni. Iesu Keriso dekenai, be hairai bada bona siahu bada do idia noho ela bona hanaihanai. Amen.

APOKALUPO 20:4

Inai murinai helai gabudia haida lau itaia, bona idia latanai helai taudia danu lau itaia. Unai taudia dekenai Dirava ese kota biaguna ena siahu ia henia. Bona taunimanima momo edia laumadia lau itaia. Inai taudia be edia kwaradia idia utua oho, badina be Iesu ena hereva momokani, bona Dirava ena hereva idia gwauraia dainai. Idia ese dagedage gauna o iena laulauna idia tomadiho henia lasi. Bona dagedage gauna ena maka edia baguna dekenai o edia imana dekenai, idia abia lasi. Idia be mase dekena amo idia mauri lou, vadaeni Keriso danu lohia siahu idia abia, ela bona lagani 1000 idia ore.

APOKALUPO 3:21

Kwalimu taudia dekenai be lau ese gwaumaoro do lau henia, vadaeni idia ese lau danu egu helai gabuna badana latanai do ai helai hebou. Unai bamona danu, guna lau be lau kwalimu, bona harihari egu Tamana danu, iena helai gabuna badana latanai ai helai hebou noho.

APOKALUPO 5:10

Oi ese idia oi haboua, vadaeni idia be Basileia ta. Bona Dirava ena hahelagaia taudia, be oi ese idia oi halaoa vadaeni, bona idia ese tanobada do idia gunalaia.”