DANIELA 7:2 - Buka Helaga (Hiri Motu) 1993

² Daniela ia gwau, “Hanuaboi lalonai mata hanai dekena amo lau itaia, guba ena lai 4 idia toa goada herea, vadaeni davara ia hurehure bada.

DANIELA 7:2 Iomraidhean Croise

ISAIA 17:12

Itaia, tuari orea badadia, bese idauidau momo idia mai noho, mai edia regena bada danu. Regena be davara ena hurehure momo bamona. Kamonai, basileia idauidau edia regena, be ranu badadia idia marere momo, edia regena bamona.

IEREMIA 49:36

Bona lau ese lai ibounai 4 do lau hatoreisia, idia be guba ena kahana 4 dekena amo do idia toa, Elama do idia hadikaia. Inai lai ese Elama taudia do idia lulua lao gabu ibounai dekenai, bona Elama taudia be bese ibounai edia huanai do idia heau lao.

IEREMIA 51:42

Tuari be davara bada bamona, ia daekau mai, iena hurehure ese, Babulonia idia koua momokani vadaeni.

DANIELA 11:4

To iena siahu ia bada momokani neganai, iena basileia do ia parara, bona do idia haria kahana 4 dekenai, to iena natuna ese iena gabu do idia abia lasi. Iena gabu be haida ese do idia abia, to edia siahu be iena siahu danu do idia hegeregere lasi.

DANIELA 2:19

Unai hanuaboi lalonai, mata hanai ta dekenai Dirava ese unai hunia gauna be Daniela dekenai ia hedinaraia. Unai dainai Daniela ese guba ena Dirava ia hanamoa henia, ia gwau,

DANIELA 7:13

“Unai hanuaboi lalonai mata hanai dekenai lau itaia, Tau ta ia noho, iena toana be taunimanima edia toana bamona. Ori lalonai ia raka mai kahirakahira, bona ia lao unai Mauri Noho Hanaihanai Tauna dekenai, iena vairana dekenai ia gini, bona Badana ese ia abia dae.

DANIELA 7:7

“Lau itaia noho neganai, boroma dagedage namba 4 lau itaia, gari gauna momokani bona goada dikadika danu. Iena isena dekenai be auri badadia bona gau momo ia ania ore. Ia ania gaudia ia koria dikadika. Ia ania lasi gaudia be momoru bamona ena aena dekenai ia moia diho. Iena toana be idau momokani, mauri gaudia haida 3 bamona lasi. Iena doana be ibounai 10.

DANIELA 8:2

Inai mata hanai dekenai lau itaia be Susa hanua badana dekenai lau noho bamona, unai be Elama kahana dekenai. Ulai Sinavai ena badinai lau gini.

DANIELA 8:8

Unai nanigosi tau ia toreisi goada herea, to iena goada ia bada herea neganai, iena doana badana ia makohia. Makohia gabuna dekenai be doa badadia 4 idia tubu, ta ta be idau gabu idau gabu dekenai idia duduia lao.

SEKARAIA 6:5

Aneru ia haere, “Inai hosi be guba ena lauma 4, idia be harihari sibona tanobada ena kahana ibounai ena Lohiabada idia rakatania, bona ia dekena amo idia mai noho inai.

MATAIO 24:31

Vadaeni ia ese iena aneru do ia siaia lao, mai kibi ena regena bada danu, iena abia hidi taudia do ia haboua mai totona. Aneru ese unai taudia do idia abia mai, lai edia gabu 4 dekena amo, tanobada ena kahana ibounai dekena amo.”

APOKALUPO 17:15

Bona aneru ese lau ia hamaoroa, ia gwau, “Oi itaia ranu momo gabudia, hahine be idia dekenai ia helai gabudia. Idia be tano idauidau taudia, bese idauidau taudia, kopina idauidau taudia, bona gado idauidau taudia.

APOKALUPO 7:1

Vadaeni aneru 4 lau itaia, tanobada ena kona 4 dekenai idia gini. Idia ese lai 4 edia toa dalana idia koua. Vadaeni lai ta be tanobada dekenai, o davara dekenai ia toa lasi, o au ta ena rauna ia hamarerea lasi.