DANIELA 7:1 - Buka Helaga (Hiri Motu) 1993

¹ Belesasa ia king Babulonia dekenai lagani ginigunana lalonai Daniela ese nihi ta ia davaria, bona iena mahuta patana dekenai ia hekure noho neganai, mata hanai ia itaia. Vadaeni ia ese nihi ena sivarai ia torea, bona ena anina ia hedinaraia.

DANIELA 7:1 Iomraidhean Croise

GENESE 15:1

Inai murinai, Lohiabada ena hereva Aberamo ia kamonai, mata hanai lalonai. Lohiabada ia gwau, “Aberamo e, oi gari lasi. Lau be oiemu kesi. Oi dekenai hanamoa do lau habadaia.”

GENESE 46:2

Hanuaboi lalonai Dirava ese mata hanai dekena amo Israela dekenai ia hereva, ia gwau, “Iakobo e, Iakobo e.” Vadaeni Iakobo ia haere, ia gwau, “Lau inai.”

IOBU 4:13

Inai hereva be nihi dikana bamona, egu mahuta ia hadikaia,

ISAIA 30:8

Dirava ese lau ia hamaoroa, taunimanima edia kara be buka dekenai do lau torea. Unai dekena amo nega gabeai, edia kara dika ena sivarai, be do ia noho ela bona hanaihanai.

ISAIA 8:1

Lohiabada ese lau dekenai ia hereva, ia gwau, “Torea pepa, lokua gauna, badana ta do oi abia, bona ia latanai peni dekenai do oi torea namonamo inai bamona: ‘Tuari Uini, Ena Kohu Abia Haraga.’

IEREMIA 23:28

Lau Lohiabada lau hereva maoromaoro inai: Bema peroveta tauna ta ese ia nihi kava neganai, ia be do ia gwau inai be nihi sibona. To bema peroveta tauna ta ese lauegu hereva ia kamonai neganai, ia ese do ia gwauraia namonamo, mai maoromaoro danu. Lauegu hereva be uiti ena anina momokani bamona, to inai peroveta koikoi taudia edia hereva be uiti ena momoru bamona sibona.

IEREMIA 27:7

Bese ibounai ese Nebukanesa, bona iena natuna bona tubuna edia hesiai gaukara do idia karaia, ia lao bona Nebukanesa ena tano korikori ena moru nega do ia ginidae. Unai neganai iena bese, Babulonia taudia, be basileia badadia bona king badadia ese do idia halusia, bona do idia guia. Vadaeni Babulonia taudia ese hesiai gaukara mai guia danu do idia karaia.

IEREMIA 36:32

Vadaeni Ieremia ese pepa ta ma ia abia, toretore tauna Baruku Neraia dekenai ia henia. Vadaeni king Iehoiakimi ia gabua vadaeni pepa dekenai ia torea hereva, be Ieremia ese ma ia gwauraia lou, bona Baruku ese inai hereva ibounai inai pepa matamata dekenai ia torea. Unai bamona hereva ma haida, Ieremia ese ma ia gwauraia gaudia, danu be pepa dekenai ia torea.

IEREMIA 36:4

Vadaeni lau Ieremia ese Baruku Neraia lau boiria. Bona Lohiabada ese lau ia hamaoroa hereva ibounai, be Baruku dekenai lau gwauraia, bona ia ese pepa ta dekenai ia torea.

ESEKIELA 1:1

Lagani namba 30 lalonai, hua namba 4, bona dina namba 5 dekenai lau Esekiela be Iuda hesiai mai guia danu taudia edia huanai lau noho, sinavai ena ladana Kebara ena badinai. Unai neganai guba be sibona ia kehoa, bona mata hanai dekena amo Dirava lau itaia.

ESEKIELA 40:2

Dirava ese mata hanai ta dekena amo Israela tano dekenai lau ia abia lao, ororo badana ta ena ataiai lau ia atoa diho, vadaeni egu vairana dekenai ruma haida lau itaia, hanua badana ta bamona.

DANIELA 1:17

Dirava ese unai taudia 4 dekenai aonega namona ia henia, bona aonega davaria dalana danu idia diba momokani. Ma Daniela dekenai Dirava ese aonega ia henia, vadaeni mata hanai bona nihi edia anina ia gwauraia diba.

DANIELA 2:1

Nebukanesa ia king ena lagani iharuana lalonai, nihi ta ia abia. Unai nihi dekenai ia laloa hekwarahi dainai ia mahuta diba lasi.

DANIELA 2:26

Vadaeni king ese Daniela, iena ladana ta danu be Belitisasa, ia hereva henia, ia gwau, “Lauegu nihi bona nihi ena anina lau dekenai oi hadibaia diba, a?”

DANIELA 4:13

“ ‘Egu nihi dekenai lau itaia, gima aneru helagana naria tauna be guba dekena amo ia diho mai.

DANIELA 4:5

Nihi ta lau itaia dekenai lau gari. Lauegu mahuta pata dekenai lau hekure noho neganai, lau itaia gaudia dekenai lau laloa momo.

DANIELA 5:1

King Belesasa ese aria badana ta ia karaia, bona iena lohia taudia 1000 ia boiria, vadaeni uaina idia inua hebou.

DANIELA 5:22

“To oi, iena natuna, oi be inai gau ibounai oi diba, to oi sibona oi atoa diho lasi.

DANIELA 5:30

Unai hanuaboi dekenai, Belesasa, Babulonia ena king, be idia alaia mase.

DANIELA 7:13

“Unai hanuaboi lalonai mata hanai dekenai lau itaia, Tau ta ia noho, iena toana be taunimanima edia toana bamona. Ori lalonai ia raka mai kahirakahira, bona ia lao unai Mauri Noho Hanaihanai Tauna dekenai, iena vairana dekenai ia gini, bona Badana ese ia abia dae.

DANIELA 7:15

“Unai mata hanai, lau itaia gauna dekenai lau hoa bona lau laloa hekwarahi dikadika.

DANIELA 7:7

“Lau itaia noho neganai, boroma dagedage namba 4 lau itaia, gari gauna momokani bona goada dikadika danu. Iena isena dekenai be auri badadia bona gau momo ia ania ore. Ia ania gaudia ia koria dikadika. Ia ania lasi gaudia be momoru bamona ena aena dekenai ia moia diho. Iena toana be idau momokani, mauri gaudia haida 3 bamona lasi. Iena doana be ibounai 10.

DANIELA 8:1

Belesasa ia king lagani namba 3 lalonai lau, Daniela ese mata hanai ma ta lau itaia.

IOELA 2:28

Ma Lohiabada ia hereva lou, ia gwau, “Nega gabeai lau ese egu Lauma, be taunimanima ibounai dekenai do lau bubua diho. Bona emui natuna tau bona natuna hahine ese, egu peroveta hereva do idia gwauraia hedinarai. Emui tau buruka be do idia nihi, bona emui eregabe taudia ese, mata hanai do idia itaia.

AMOSA 3:7

Momokani, kara ibounai Lohiabada Dirava ia ura karaia gwauraia neganai, ia ese iena hesiai taudia, peroveta taudia ia hamaorodia guna.

HABAKUKU 2:2

Bona Lohiabada ese lau dekenai ia haere, ia gwau, “Lau ese oi dekenai lau hedinaraia gauna be nadi palaka dekenai do oi torea, vadaeni duahia taudia ese do idia duahia haraga diba.

NUMERA 12:6

Lohiabada ia gwau, “Lauegu hereva umui kamonai: Umui Israela bese emui huanai, bema peroveta taudia idia noho neganai, mata hanai bona nihi dekena amo idia dekenai lau hedinarai.

ROMA 15:4

Buka Helaga dekenai idia torea hereva be ita dekenai hadibaia totona idia torea, vadaeni do ita gini goada, bona Dirava ena namo dekenai do ita naria, mai haheauka danu.

2 KORINTO 12:1

Heagi be namo lasi. To ma do lau heagi lou. Lau ura Lohiabada ese lau ia henia mata hanai bona lau dekenai ia hedinaraia herevadia do lau herevalaia.

APOKALUPO 1:19

Unai dainai, oi itaia gaudia do oi torea, hari idia noho gaudia, bona vaira neganai do idia vara gaudia danu.

APOKALUPO 10:4

Inai guba boiboi idia hereva neganai, lau ese edia hereva lau torea gwauraia. To gado ta guba dekena amo lau kamonai, ia gwau, “Inai guba boiboi ena hereva do oi torea lasi. Do oi hunia noho.”