DANIELA 6:8 - Buka Helaga (Hiri Motu) 1993

⁸ “Unai dainai, aiemai king e, namona be inai taravatu oi atoa, bona oiemu ladana oi torea inai taravatu pepa dekenai. Vadaeni Mede bona Parasa edia taravatu hegeregerena be do idia haidaua diba lasi.”

DANIELA 6:8 Iomraidhean Croise

ESETA 1:19

“King e, bema oi ura neganai, oda ta do oi torea, bona inai oda be Parasa bona Media taudia edia taravatu lalonai do ia torea, vadaeni tau ta ese do ia haidaua diba lasi, oda be inai: Vasati be king Ahasuero ena vairanai ma do ia raka vareai lou lasi, to king ese Vasati ena dagi be hahine ta, Vasati ia hereaia hahine dekenai do ia henia.

ESETA 3:12

Vadaeni hua ginigunana ena dina namba 13 dekenai Hamana ese king ena toretore taudia ia boiria hebou, bona oda hereva ena pepa ta, Hamana ese ia gwauraia oda ibounai hegeregerena, idia torea. Inai pepa be gado idauidau dekenai, bona basileia ibounai edia toretore daladia idauidau dekenai idia torea, bona lohia taudia, gavana taudia bona king ena hesiai taudia ibounai dekenai idia siaia lao. King Ahasuero ena ladana idia torea, bona king ena rini dekena amo king ena toana be pepa dekenai idia karaia.

ESETA 8:10

Morodekai ese king Ahasuero ena ladana be unai revareva dekenai ia torea, bona idia dekenai be king ena imana kwakikwakina rini dekenai king ena toa ia karaia. Bona revareva be hosi guia taudia dekena amo ia siaidia lao haraga. Inai hosi be king ena hosi maguna lalonai idia vara gaudia.

ESETA 8:3

To Eseta ese king dekenai ma ia noinoi lou. Ia be king ena aena badinai ia tui diho, bona mai tai danu ia hereva henia. Ia ese king ia noia, Hamana, Agaga tauna, ena oda hereva dikana, Iuda taudia hadikaia ore totona gauna, be king ese do ia koua.

ESETA 8:8

To oda hereva pepana, king ena ladana dekenai ia torea, bona iena imana kwakikwakina rini dekena amo toana ia karaia gauna, be ta ese ia koua o hadokoa diba lasi. To umui emui ura hegeregerena Iuda taudia dekenai revareva do umui torea. Lauegu ladana dekenai do umui torea, bona egu imana kwakikwakina rini dekena amo pepa dekenai egu toa do umui karaia.”

SALAMO 94:21

Ma inai lohia dikadia ese, tau namodia hadikaia totona idia laloa hebou noho, bona kerere lasi taudia edia latanai, kota hereva be mase idia gwauraia noho.

ISAIA 10:1

Momokani umui be do umui dika! Umui ese taravatu maoromaorodia lasi egu bese taudia edia latanai umui atoa. Umui ese oda aukadia umui atoa,

DANIELA 5:28

“PARASINI (Haria): Oiemu basileia ia haria vadaeni, bona Mede bona Parasa taudia dekenai ia henia.”

DANIELA 6:12

Vadaeni Daniela samania totona idia lao king dekenai. Idia gwau, “King badana e, taravatu ta oi torea vadaeni, dina 30 lalonai bema tau ta ese idau dirava o idau tauna ta dekenai ia noinoi, to oi Dariuse dekenai be ia noia lasi neganai, be laiona ena guri dekenai do idia negea.” Dariuse ia haere, “Io, Mede bona Parasa edia taravatu hegeregerena, taravatu lau torea vadaeni, haidaua diba lasi.”

DANIELA 6:15

Unai dainai unai taudia idia lao lou king dekenai, idia gwau, “King badana e, oi diba Mede bona Parasa edia taravatu hegeregerena, king ia torea taravatuna be haidaua diba lasi.”

MATAIO 24:35

Guba bona tanobada do idia boio, to lauegu hereva be do ia boio lasi.”