DANIELA 6:7 - Buka Helaga (Hiri Motu) 1993

⁷ Ai inai, oiemu gavamani ena gaukara taudia ibounai, gavana taudia bona durua taudia, bona lohia taudia badadia bona maragidia, be laloa tamona ai abia, ai ura oi ese taravatu ta oi karaia, bona oi ha-aukaia momokani. Inai bamona: Dina 30 lalonai be tau ta ese gau ta do ia noia lasi dirava ta dekenai, o tau ta dekenai, to oi dekenai sibona do ia noia. Bema tau ta ese inai hereva ia utua, be do idia negea laiona ena guri dekenai.

DANIELA 6:7 Iomraidhean Croise

SALAMO 10:9

Iena hunia gabuna lalonai ia naria noho, laiona ese iena guri lalonai, boroma alaia totona ia naria bamona. Ogogami taudia hadikaia totona ia naria noho. Iena tarapu lalonai ia abidia noho, bona gabu ta dekenai ia veridia lao noho.

SALAMO 2:2

Edia king taudia be tuari totona idia toreisi, bona edia lohia taudia ese idia haboua noho. Idia ura be, Lohiabada bona ia ese ia Abia Hidi Tauna, do idia dagedage henia.

SALAMO 59:3

Oi itaia, idia be lau alaia totona idia hunia noho. Dagedage taudia be lau hadikaia totona idia haboua noho.

SALAMO 59:5

Lohiabada, Siahu Ibounai Dirava, Israela ena Dirava, mani do oi toreisi, bona Dirava idia ura lasi taudia edia dika davana do oi henia. Kara dika karaia totona, hunia dekenai idia laloa hebou taudia, be do oi alaia mase, do oi bogahisihisi henidia lasi.

SALAMO 62:4

Umui ura iena dagi dekena amo do umui doria diho, ani? Bona umui ese hereva koikoi umui gwauraia noho, badina hanamoa hereva ia dekenai umui gwauraia noho, to emui kudouna lalonai umui hadikaia noho.

SALAMO 83:5

Idia ese mai laloa tamona edia palani idia karaia, bona oi hadikaia totona, idia ese ta ta ibounai dekenai gwauhamata idia henia.

SALAMO 94:20

Lohia dikadia be oi danu idia gaukara hebou diba, a? Lasi momokani! Idia ese taravatu idia atoa, inai taravatu ia gwau, taunimanima ese kara dika idia karaia be namo.

DANIELA 2:4

Vadaeni unai meamea taudia ese Aramia gado dekenai king dekenai idia haere, idia gwau, “King badana e, do oi noho hanaihanai! Inai nihi do oi hamaoroa ai dekenai, vadaeni iena anina do ai hamaoroa oi dekenai.”

DANIELA 3:11

Bema tau ta ia tomadiho bona guriguri lasi, unai tauna be lahi siahu herea lalonai do idia negea vareai.

DANIELA 3:2

Vadaeni Nebukanesa ese hereva ia siaia, lohia taudia, bona gavana taudia, bona tuari biaguna taudia, bona kota biaguna taudia, bona moni naria taudia, bona provinsol komisina taudia ibounai ia boiria, do idia mai, Nebukanesa ia haginia kaivakuku idia hahelagaia karana karaia totona do idia hebou.

DANIELA 3:27

Vadaeni unai lohia taudia bona gavana taudia bona tuari biaguna bona kaunsolo taudia ibounai idia haboua mai, inai taudia toiosi idia itaia. Lahi ia siahu lasi edia tauanina dekenai, edia kwarana huina danu sisina ia gabua lasi. Edia dabua danu sisina idia idau lasi, bona lahi ena bonana be sisina ia noho lasi idia dekenai.

DANIELA 3:6

“Do idia tomadiho henia lasi taudia ibounai be unai dina gauna ena nega lalonai, lahi siahu herea momokani lalonai do idia negea vareai.”

DANIELA 6:16

Vadaeni king ese oda ia atoa, bona idia lao, Daniela idia abia, laiona idia noho gurina dekenai idia negea. Daniela dekenai king ese ia hereva, ia gwau, “Namona be oiemu Dirava, nega ibounai oi tomadiho henia Diravana ese do ia hamauria oi.”

DANIELA 6:22

Dirava ese iena aneru ia siaia mai, laiona edia uduna ia koua, bona idia hadikaia lasi lau. Inai bamona ia karaia, badina ia diba lau be kerere lasi, bona oi danu lau hadikaia lasi, egu king e.”

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

NAHUMU 2:12

Laiona ese boroma idauidau ia alaia. Ia ese boroma ena hidiona ia darea maragimaragi, iena hahine bona natudia totona. Ia ese iena guri be vamu dekenai ia hahonua.

MATAIO 12:14

Vadaeni Farisea taudia idia raka murimuri dekenai, idia hereva hebou, Iesu do idia alaia dalana idia tahua.

MATAIO 26:4

Idia hereva hebou, Iesu do idia dogoatao hunia dala dekenai, do idia alaia mase idia gwau.

MAREKO 15:1

Daba maragi neganai, dubu biagudia bona hanua tau badadia bona taravatu hadibaia taudia bona kaunsolo taudia ibounai idia herevahereva, vadaeni gabeai Iesu idia guia, idia hakaua lao, Pilato dekenai idia henia.

IOANE 12:10

Unai dainai dubu biagudia idia hereva hebou, Lasaro danu do idia alaia, idia gwau.