DANIELA 6:5 - Buka Helaga (Hiri Motu) 1993

⁵ Ta ta dekenai idia herevahereva, ma idia gwau, “Daniela samania gauna ta do ita davaria diba lasi, to sedira iena guriguri karana dekenai sibona dekena amo do ita davaria diba.”

DANIELA 6:5 Iomraidhean Croise

ESETA 3:8

Vadaeni Hamana ese king Ahasuero ia hereva henia, ia gwau, “Bese ta be oiemu basileia kahana ibounai dekenai idia noho. Edia noho be idau, bona iseda noho be idau. Edia taravatu be idau, bese oredia edia taravatu bamona lasi, bona idia ese king ena taravatu idia kamonai henia lasi. Unai dainai oi ese idia do oi alaia mase be namo.

SALAMO 37:32

Kara dika tauna ese, kara maoromaoro tauna ia itaia noho, bona ia alaia totona dala ia tahua noho.

IEREMIA 29:7

“Unai hanua, lau ese umui lau siaia lao, hesiai gaukara do umui karaia totona hanua, ena namo do umui tahua, bona Lohiabada dekenai do umui guriguri, unai hanua taudia dainai. Badina be bema idia ese namo idia davaria neganai, umui danu ese namo do umui davaria.

1 SAMUELA 24:17

Vadaeni Saulo ese Davida dekenai ia hereva, ia gwau, “Momokani oi be kara maoromaoro tauna, to lau be lasi. Badina be oi ese lau dekenai kara namo oi karaia, to lau ese kara dika oi dekenai lau karaia.

1 SAMUELA 29:3

Pilistia edia tuari biagudia idia gwau, “Inai Heberu taudia be dahaka idia karaia iniseni?” Akisi ia haere, ia gwau, “Inai be Davida, guna ia be Saulo, Israela ena king, ena opesa ta. To nega daudau, bona lagani haida, lau dekenai ia noho, bona unai nega daudau lalonai iena kerere ta lau davaria lasi.”