DANIELA 6:4 - Buka Helaga (Hiri Motu) 1993

⁴ Unai neganai unai lohia taudia edia biaguna rua bona lohia taudia ibounai ese Daniela ena gaukara dekenai kerere idia tahua, to idia davaria lasi, badina iena gaukara ibounai be ia maoro sibona. Daniela dekenai gageva karana ta o kerere karana ta be lasi.

DANIELA 6:4 Iomraidhean Croise

GENESE 41:38

Vadaeni Farao ese iena durua taudia dekenai ia hereva, ia gwau, “Edeseni tau ta dohore ita davaria inai tau bamona. Dirava ena Lauma be iena lalona dekenai, ani?”

GENESE 43:18

Vadaeni inai taudia idia gari dikadika, badina Iosepa ena ruma dekenai idia hakaudia vareai dainai, idia sibona idia herevahereva, idia gwau, “Nega ginigunana dekenai moni idia udaia lou iseda puse dekenai. Unai dainai ia be kerere davaria totona dala ia tahua ita dekenai, dohore ia guia ita, iena hesiai taudia ita do ia halaoa, iseda doniki do ia abidia ia sibona ena.”

AONEGA HEREVADIA 29:27

Kara gagevagageva tauna be kara maoromaoro taudia ese, idia badu henia noho, bona dala maoromaoro ia raka noho tauna, be kara dika taudia ese idia badu henia noho.

HADIBAIA TAUNA 4:4

Bona lau itaia, taunimanima ese hekwarahi bada idia karaia noho ena badina be inai: Idia ese edia badibadinai noho taudia idia mama henidia dainai. To inai danu be anina lasi, lai bema idia lulua kava hegeregerena.

IEREMIA 18:18

Taunimanima be idia hereva hebou, idia gwau, “Umui mai, Ieremia hadikaia dalana do ita laloa. Badina be nega ibounai hahelagaia taudia be ita dekenai idia noho, aonega taudia danu ita danu idia noho, ita idia sisiba henia totona. Peroveta taudia danu be idia noho, Dirava ena hereva ita dekenai do idia mailaia. Namona be Ieremia do ita samania, bona iena hereva do ita kamonai henia lou lasi.”

IEREMIA 18:23

Lohiabada e, edia kara ibounai oi diba noho. Idia laloa hebou noho, lau do idia alaia mase totona. Edia dika do oi gwauatao lasi, bona edia kerere do oi laloaboio lasi. Idia dekenai do oi badu henia, bona idau bese tuari taudia dekena amo, idia do oi halusia momokani.”

IEREMIA 20:10

Taunimanima momo edia herevahereva, mai regena bada lasi gaudia lau kamonai noho, idia gwau, “Gari bada ese taunimanima ibounai ia abia noho. Ita toreisi harihari, Ieremia do ita samania, do ita samania!” Bona egu turana taudia danu idia ura lau be do lau moru. Idia hereva noho, idia gwau, “Sedira ita koia diba, vadaeni ita dogoatao diba, bona iena kerere davana do ita henia diba.”

IEREMIA 29:7

“Unai hanua, lau ese umui lau siaia lao, hesiai gaukara do umui karaia totona hanua, ena namo do umui tahua, bona Lohiabada dekenai do umui guriguri, unai hanua taudia dainai. Badina be bema idia ese namo idia davaria neganai, umui danu ese namo do umui davaria.

DANIELA 3:8

Unai neganai Babulonia taudia haida idia lao, Iuda taudia idia samania karaia.

DANIELA 5:12

“Inai tau ena aonega be idau, bona nihi edia anina hedinaraia ia diba momo, bona hunia gaudia bona hereva aukadia ia gwauraia diba. Namona be hereva oi siaia, inai tau, Daniela, oiemu tamana ese iena ladana ia atoa Belitisasa, do ia mai. Inai Daniela ese inai hereva ena anina oi dekenai do ia hamaoroa.”

DANIELA 6:22

Dirava ese iena aneru ia siaia mai, laiona edia uduna ia koua, bona idia hadikaia lasi lau. Inai bamona ia karaia, badina ia diba lau be kerere lasi, bona oi danu lau hadikaia lasi, egu king e.”

MATAIO 26:4

Idia hereva hebou, Iesu do idia dogoatao hunia dala dekenai, do idia alaia mase idia gwau.

MATAIO 27:18

Badina be Pilato ia diba Iuda tau badadia idia mama dainai Iesu idia samania bona idia kota henia.

LUKA 20:20

Vadaeni taravatu hadibaia taudia bona dubu biagudia ese Iesu idia itaia noho, bona dika taudia ia dekenai idia siaia. Edia dika idia hunia, edia toana Iesu vairanai be tau namodia bamona. Idia ura Iesu idia koia, vadaeni hereva ta do ia gwauraia, bona unai hereva dainai, Iesu do idia samania diba, gavana dekenai.

LUKA 20:26

Vadaeni unai taunimanima momo edia vairana dekenai, inai dubu biagudia ese be dala lasi Iesu idia dogoatao, badina iena hereva be kerere lasi. Iena haere dekenai idia hoa bada, idia be mai edia hereva ta lasi.

LUKA 22:2

Vadaeni dubu biagudia bona taravatu hadibaia taudia ese Iesu alaia totona dala idia tahua, hunia dekenai, badina be idia ese unai taunimanima momo dekenai idia gari.

IOANE 19:4

Vadaeni Pilato ma ia raka murimuri dekenai, ia gwau, “Umui itaia, umui emui vairana dekenai lau hakaua murimuri dekenai. Do umui diba, iena kerere ta lau davaria lasi.”

2 KORINTO 11:12

To unai tau haida idia ura sibodia edia ladana idia abia isi, vadaeni taunimanima do idia laloa unai taudia edia kara be ai aposetolo emai kara hegeregerena. Inai taudia edia dala koua totona lau gaukara noho. Bona unai dainai egu gaukara be ma do lau karaia noho.

FILIPI 2:15

Unai dekena amo umui be kerere ta lasi, bona emui lalona dekenai dika ta do ia noho lasi, Dirava ena natuna taudia edia kara bamona. Bona umui be inai tanobada taudia mai edia dika bona mai edia kerere bada danu edia huanai umui noho. Umui ese idia edia huanai diari bamona do umui hedinarai, hisiu ese tanobada idia hadiaria bamona.

1 TIMOTEO 5:14

Unai dainai lau ura vabu hahine matamata taudia be do idia headava lou, natuna do idia havaraia, bona edia ruma taudia do idia naria. Bema unai bamona neganai, iseda orea idia dagedage henia taudia be dala lasi iseda latanai hereva dikadia do idia gwauraia.

TITO 2:8

Vadaeni oiemu hereva be maoromaoro dainai, tau ta ese oi do ia gwauraia kerere diba lasi. Bona oi idia ura henia lasi taudia be do idia hemarai, badina be iseda dika ta do idia herevalaia diba lasi.

1 PETERO 2:12

To Dirava idia diba lasi taudia edia vairanai, kara namodia do umui karaia. Momokani, hari idia ese umui idia gwauraia kerere noho. To bema emui kara namodia idia itaia neganai, idia ese Dirava do idia hanamoa, Keriso do ia giroa mai dinana dekenai.

1 PETERO 3:16

Mai emui laloa maoromaoro do umui noho. Vadaeni umui dekenai idia hereva dika henia, Keriso umui badinaia dainai, unai taudia ese do idia hemarai. Edia hemarai ena badina be, emui kara namodia idia itaia dainai.

GUNALAIA TAUDIA 14:4

Samson ena tamana bona sinana idia diba lasi Lohiabada ese Samson ia hakaua vadaeni, unai kara karaia totona. Badina be Lohiabada ia ura dala ta do ia davaria, ia ese Pilistia taudia do ia tuari henia. Unai dinadia neganai Pilistia taudia ese Israela taudia idia biagua noho.

1 SAMUELA 12:4

Israela taudia idia haere, idia gwau, “Oi ese ai oi koia lasi, bona ai oi hisihisi henia lasi, bona kota hagagevaia totona moni ta oi abia lasi.”

1 SAMUELA 18:14

Bona Davida ese iena kara ibounai lalonai ia kwalimu, badina Lohiabada be ia danu ia noho.

1 SAMUELA 22:14

Ahimeleka ese king Saulo ia haere henia, ia gwau, “Lasi momokani, Davida be inai bamona lasi. Oiemu hesiai taudia ibounai edia huanai ia be namo herea momokani, iena kara be mai maoromaoro bona momokani oi dekenai. Ia be oiemu ravana, bona oiemu gima taudia edia biaguna, bona oiemu ruma taudia ese Davida idia matauraia noho, ani?