DANIELA 6:16 - Buka Helaga (Hiri Motu) 1993

¹⁶ Vadaeni king ese oda ia atoa, bona idia lao, Daniela idia abia, laiona idia noho gurina dekenai idia negea. Daniela dekenai king ese ia hereva, ia gwau, “Namona be oiemu Dirava, nega ibounai oi tomadiho henia Diravana ese do ia hamauria oi.”

DANIELA 6:16 Iomraidhean Croise

2 SAMUELA 3:39

Momokani, Dirava ese lau ia abia hidi, bona king dagi lau dekenai ia henia. To hari dina lau be manoka momokani, bona lau goada lasi inai Seruia ena natuna ruaosi edia kerere davana do lau karaia. Idia edia dagedage ese egu goada ia hanaia. To Lohiabada ese unai kara dika taudia edia kerere davana do ia henia, edia dika ena bada hegeregerena.”

IOBU 5:19

Nega momo doko lasi, Dirava ese dika dekena amo oi do ia hamauria.

AONEGA HEREVADIA 29:25

Taunimanima do oi gari henia neganai, dika do oi davaria, tarapu lalonai oi moru bamona. To bema Lohiabada oi abidadama henia neganai, mauri do oi davaria noho.

ISAIA 41:10

Do umui gari lasi, lau be umui dekenai lau noho! Lau be umui emui Dirava, gau ta ese umui do ia hagaria lasi. Lau ese umui do lau hagoadaia, bona umui do lau durua. Lau ese umui do lau naria, bona umui do lau hamauria.

ISAIA 43:2

Ranu dobuna umui hanaia gwauraia neganai, lau be umui danu do lau noho. Umui emui laloa hekwarahi ese, umui do idia hadikaia ore lasi. Lahi umui hanaia gwauraia neganai, ena siahu ese umui do ia gabua lasi. Hisihisi aukadia umui dekenai idia mai ese, umui do idia hadikaia lasi.

IEREMIA 26:14

To lau be umui emui siahu henunai lau noho. Umui emui laloa namona bona laloa maoromaoro hegeregerena, lau dekenai do umui karaia.

IEREMIA 38:5

King Sedekaia ia haere, ia gwau, “Umui emui ura hegeregerena, Ieremia dekenai do umui karaia, badina be lau ese umui lau koua diba lasi.”

IEREMIA 38:6

Vadaeni idia ese Ieremia idia abia, bona varo dekena amo ranu guri lalonai idia atoa diho. Inai ranu guri be king ena natuna, Malekaia, ena, bona ia be king ena ruma ena ariara magu lalonai. Ranu guri lalonai be ranu ia noho lasi, kopukopu sibona, bona lau, Ieremia, kopukopu lalonai lau diho.

IEREMIA 39:17

To lau Lohiabada, ese oi do lau naria, bona oi gari henia taudia edia siahu henunai oi do lau atoa lasi.

DANIELA 3:15

“Inai, bema hari kibi, bona bibo badana, bona bibo maragina, bona gita badana, bona gita maragina, bona ivilikou ibounai regena umui kamonai neganai, bema umui tui diho, bona inai lau haginia kaivakukuna umui tomadiho henia be namo, to bema umui tomadiho henia lasi, be inai dina gauna lalonai, umui do idia negea inai lahi siahu herea lalonai. Edena dirava ese lauegu imana dekena amo ia hamauria diba umui?”

DANIELA 3:17

“Bema unai bamona oi karaia neganai, aiemai Dirava ese inai lahi siahu herea dekena amo ia hamauria diba ai, bona king e, oiemu imana dekena amo do ia hamauria ai.

DANIELA 3:28

Nebukanesa ia hereva, ia gwau, “Sataraka, Misaka bona Abetenigo edia Dirava do ita hanamoa, badina iena aneru ia siaia, iena hesiai taudia ia hamauria. Taudia unai, edia Dirava idia abidadama henia, bona king ena hereva idia utua, bona idau dirava ta idia tomadiho henia lasi, edia Dirava tamona sibona.

DANIELA 6:20

Guri kahirakahira ia lao neganai, mai lalohisihisi bada danu ia boiboi, ia gwau, “Daniela e, mauri Diravana ena hesiai tauna e! Oiemu Dirava, iena hesiai oi karaia namonamo Diravana ese laiona dekena amo oi ia hamauria, a?”

DANIELA 6:7

Ai inai, oiemu gavamani ena gaukara taudia ibounai, gavana taudia bona durua taudia, bona lohia taudia badadia bona maragidia, be laloa tamona ai abia, ai ura oi ese taravatu ta oi karaia, bona oi ha-aukaia momokani. Inai bamona: Dina 30 lalonai be tau ta ese gau ta do ia noia lasi dirava ta dekenai, o tau ta dekenai, to oi dekenai sibona do ia noia. Bema tau ta ese inai hereva ia utua, be do idia negea laiona ena guri dekenai.

APOSETOLO EDIA KARA 24:27

Lagani rua ia lao murinai, Porokio Festo ese Feliki ena gabu ia abia. Feliki ia ura Iuda taudia be ia dekenai do idia moale. Unai dainai Paulo ia rakatania dibura lalonai.

APOSETOLO EDIA KARA 25:11

Bema taravatu lau makohia, o kara ta lau karaia, unai kara davana be mase, vadaeni, lau idia alaia mase be namo. To bema edia samani hereva be momokani lasi, tau ta be hegeregere lasi edia imana dekenai lau ia atoa. Lau be Kaisara dekenai lau noinoi. Iena kota dekenai lau lao be namo.”

APOSETOLO EDIA KARA 25:9

To Festo ia ura Iuda taudia be ia dekenai do idia moale, inai dainai Paulo dekenai ia henanadaia, ia gwau, “Oi ura lao Ierusalema, unuseni inai samani hereva kota dekenai do lau kamonai?”

ROMA 13:3

Badina be kara namo tauna ese gavamani dekenai ia gari lasi, to kara dika tauna sibona be ia gari. Oi ura be gavamani ena siahu dekenai do oi gari lasi, a? Be kara namo do oi karaia, vadaeni gavamani ese oi do ia hanamoa.

2 KORINTO 1:10

Bona ia ese mase dika momokani dekena amo ai ia hamauria vadaeni, bona ai do ia hamauria noho. Ai abidadama henia noho danu, vaira neganai ia ese ai do ia hamauria lou.