DANIELA 6:10 - Buka Helaga (Hiri Motu) 1993

¹⁰ Unai hereva Daniela ia diba neganai, ia lao iena ruma dekenai. Ataiai daihutuna ta dekenai be uindo toi idia noho Ierusalema itaia lao ena kahana dekenai. Nega ibounai ia karaia bamona, unai uindo dekenai ia tui diho dina ta nega toi, bona Dirava dekenai ia guriguri henia.

DANIELA 6:10 Iomraidhean Croise

1 KING TAUDIA 8:30

Lauegu guriguri, bona oiemu bese taudia edia guriguri, inai Dubu dekenai aiemai vairana ai henia neganai, do oi kamonai. Oiemu noho gabuna, guba, dekena amo do oi kamonai, bona aiemai dika do oi gwauatao.

1 KING TAUDIA 8:38

Unai neganai edia guriguri do oi kamonai. Bema oiemu Israela taudia ta ese, mai lalohisihisi momokani danu be Dubu Helaga dekenai iena imana idia duduia neganai,

1 KING TAUDIA 8:44

“Sedira oiemu bese be oi ese do oi oda henia, idia ese idia dekenai tuari henia taudia do idia tuari henia. Bema oiemu bese ese inai hanua, bona inai lau haginia Dubu Helaga dekenai edia vairana idia henia, bona oi dekenai idia guriguri neganai,

1 KING TAUDIA 8:54

Solomona be inai guriguri ia gwauraia noho neganai ia be ia tui diho, bona iena imana ia abia isi noho. Iena guriguri ia haorea neganai, boubou patana ena vairana dekena amo ia toreisi.

2 SIVARAI 6:13

Solomona ese pata ta auri laboralabora dekena amo ia karaia vadaeni, Dubu ena gabu ta mai ena maguna ena lalonai ia atoa. Inai pata ena lata be 2 mita 20 sentamita, ena lababa danu be 2 mita 20 sentamita, bona ena ataiai be 1 mita 30 sentamita. Inai pata ena latanai Solomona ia gini, vadaeni Israela hebou taudia ibounai idia itaia, ia tui diho, bona iena imana ruaosi guba dekenai ia abia isi.

2 SIVARAI 6:38

Io, sedira oiemu bese taudia ese edia lalona do idia giroa momokani, bona aiemai sene taudia oi henia tano dekenai, bona inai hanua, bona inai, lau haginia Dubu Helaga dekenai edia vairadia do idia henia, oi dekenai do idia guriguri.

ESERA 9:5

Vadaeni adorahi ena boubou neganai, egu lalohisihisi bona hemarai dekena amo lau toreisi, mai egu dabua, lau ese lau darea vadaeni gaudia danu, bona lau tui diho, Lohiabada egu Dirava dekenai egu imana lau abia isi.

NEHEMIA 6:11

To lau gwau, “Lau hegeregerena tauna ta do ia heau bona hunia, a? Oi laloa tau ta, lau hegeregerena, bema Dubu Helaga ena lalonai ia hunia neganai mauri do ia davaria diba, a? Lau be do lau raka vareai lasi momokani.”

SALAMO 34:1

Nega ibounai Lohiabada do lau hanamoa. Ia do lau tanikiu henia ela bona hanaihanai.

SALAMO 5:7

To oiemu lalokau bada dainai, lau be oiemu Ruma dekenai lau raka vareai diba. Oiemu Dubu Helaga lalonai, oi dekenai lau tomadiho henia diba. Oi dekenai do lau tomadiho mai mataurai danu.

SALAMO 55:17

Adorahi neganai, daba neganai, bona dina tubua neganai, lau ese Lohiabada dekenai lau taitai henia, bona ia ese egu gadona do ia kamonai henia.

SALAMO 86:3

Oi be egu Dirava. Mani emu kara lau dekenai do oi bogahisihisi henia, badina dina ena nega ibounai, lau ese oi dekenai lau tai henia noho.

SALAMO 95:6

Umui mai, iseda kwarana do ita atoa diho, Lohiabada do ita tomadiho henia. Lohiabada ena vairanai do ita tui diho. Ia ese ita ia karaia vadaeni.

DANIELA 6:13

Idia ese king idia hamaoroa, idia gwau, “Iuda dekena amo abia mauri tauna ta ena ladana Daniela ese oiemu hereva ia matauraia lasi, bona ia badinaia lasi. Nega ibounai dina ta lalonai nega toi ia guriguri.”

DANIELA 9:4

Lohiabada egu Dirava lau guriguri henia, bona egu dika, bona egu bese edia kara dika lau gwauraia hedinarai, lau gwau, “Lohiabada, oi be Dirava badana, taunimanima ibounai oi dekenai idia gari. Oiemu gwauhamata oi badinaia noho momokani, bona oiemu hereva badinaia taudia, bona oi idia lalokau henia taudia be oi ese oi bogahisihisi henidia noho.

IONA 2:4

Lau laloa oiemu vairana dekena amo, oi ese lau oi negea vadaeni. Bona lau laloa momokani, oiemu Dubu Helaga be, do lau itaia lou diba lasi.

MAREKO 3:3

Iesu ese unai imana ia dika tauna ia hamaoroa, ia gwau, “Oi toreisi, oi mai.”

LUKA 14:26

“Bema tau ta lau dekenai do ia mai, to iena tamana, iena sinana, iena adavana, iena natuna, iena tadikakana, bona iena mauri danu, bema ia laloaboio lasi, ia be hegeregere lasi lauegu diba tahua tauna do ia lao.

LUKA 22:41

Vadaeni ia sibona ia raka siri, nadi ta bema idia negea ena daudau hegeregerena, vadaeni iena tuina ia atoa diho, ia guriguri,

APOSETOLO EDIA KARA 10:9

Kerukeru, dala dekenai idia lao, bona Iopa kahirakahira idia ginidae. Dina tubua neganai, Petero be ruma ena guhi ataiai kahana dekenai ia daekau, guriguri totona.

APOSETOLO EDIA KARA 2:15

Inai taudia be idia kekero lasi, umui laloa bamona, badina hari negana be 9 okaloka dabai.

APOSETOLO EDIA KARA 20:24

“To lauegu mauri lau laloa lasi, badina be lau ura lauegu heau lau haorea, bona egu gaukara, Lohiabada Iesu ese lau dekenai ia henia gaukara do lau haorea. Inai gaukara be, Dirava ena hariharibada Sivarai Namona do lau gwauraia hedinarai.

APOSETOLO EDIA KARA 20:36

Paulo ese inai hereva ia gwauraia murinai, ia tui diho, bona ibounai danu ia guriguri.

APOSETOLO EDIA KARA 21:5

Aiemai nega unai gabu dekenai ia ore, vadaeni ai rakatania, ai raka lao. Unai Keristani taudia ibounai mai edia hahine bona mai edia natudia danu dala dekenai idia bamoa ai, ia lao bona hanua ai rakatania. Kone dekenai ai tui diho, ai guriguri.

APOSETOLO EDIA KARA 3:1

Dina ta, 3 okaloka adorahi guriguri neganai, Petero, Ioane danu Dubu Helaga dekenai idia daekau.

APOSETOLO EDIA KARA 4:29

Lohiabada e, edia hagaria hereva harihari do oi laloa, bona oiemu hesiai taudia dekenai goada oi henia, vadaeni ai ese oiemu hereva do ai gwauraia, gari lasi.

APOSETOLO EDIA KARA 5:20

“Vadaeni umui lao, Dubu Helaga lalonai umui gini, bona inai mauri matamata herevana ibounai hanua taudia dekenai do umui hadibaia.”

APOSETOLO EDIA KARA 5:29

To Petero bona aposetolo taudia danu idia haere, idia gwau, “Dirava ai kamonai henia be namo, taunimanima ai kamonai henia be dika.

APOSETOLO EDIA KARA 7:60

Bona ia tui diho, ia boiboi, ia gwau, “Lohiabada e, inai kara dika ena davana oi henidia lasi!” Unai bamona ia hereva, vadaeni ia mase.

APOSETOLO EDIA KARA 9:40

To Petero ese ibounai ia siaia murimuri dekenai. Bona ia tui diho, ia guriguri. Petero ese mase hahine dekenai ia giroa, ia gwau, “Tabita e, oi toreisi.” Vadaeni iena matana ia kehoa, Petero ia itaia, ia toreisi, ia helai.

EFESO 3:14

Unai dainai Tamana ena vairanai lau tui diho.

FILIPI 1:14

Bona Keristani varavara taudia momo ese lau idia laloa, Keriso dainai dibura lalonai lau noho. Vadaeni inai idia laloa noho dainai, edia lalona ese goada idia davaria. Edia gari idia laloa lasi, bona Sivarai Namona idia harorolaia goada noho.

FILIPI 1:20

Lauegu ura badana, bona lau laloa bada noho gauna be inai: Egu gaukara do lau karaia namonamo, bona hemarai karana ta do lau karaia lasi. Lau ura harihari, bona nega ibounai, Keriso do lau gwauraia hedinarai, mai gari lasi danu, bona mai egu lalona ibounai. Unai dekena amo taunimanima do idia diba Keriso ena siahu be bada momokani. Oibe, lau mauri o lau mase, be gau ta lasi, gau badana be Keriso do lau hanamoa.

FILIPI 4:6

Gau ta totona do umui laloa hekwarahi lasi. To umui dekenai hegeregere lasi gaudia do umui abia totona, Dirava do umui noia. Bona umui noia negadia ibounai, mai tanikiu danu do umui guriguri henia.

KOLOSE 3:17

Emui kara ibounai bona emui hereva ibounai, gau ibounai, be Lohiabada Iesu ena ladana dekenai do umui karaia. Bona Tamana Dirava do umui tanikiu henia Keriso ena ladana dainai.

HEBERU 13:15

Unai dainai namona be Dirava do ita hanamoa, Iesu ena ladana dainai. Bona inai hanamoa Dirava dekenai do ita henia nega ibounai, boubou gauna bamona. Oibe, ita ese iseda uduna bibina Iesu dekenai do ita henia, bona ia do ita gwauraia hedinarai, ia be Lohiabada.

HEBERU 4:16

Unai dainai mai gari lasi danu, Dirava ena bogahisihisi ia noho helai gabuna dekenai ita raka kahirakahira lao, be namo. Vadaeni ia ese ita do ia bogahisihisi henia, bona ia ese hariharibada bona durua ita dekenai do ia henia, iseda metau hegeregerena.

APOKALUPO 2:10

Hisihisi do oi abia, to do oi gari henia lasi. Kamonai! Satani ese umui haida dibura ruma dekenai do ia koua, umui do ia dibaginia, bona dina 10 lalonai do umui hisihisi. Do umui gini goada noho, bona lau do umui badinaia noho ela bona mase, vadaeni lau ese umui emui kwalimu ahuna, mauri, umui dekenai do lau henia.

APOKALUPO 2:13

Oiemu noho gabuna lau diba, Satani be king unai gabu dekenai. To lau oi badinaia momokani noho, bona oiemu abidadama lau dekenai oi dogoatao noho. Oibe, unai Satani ia noho gabuna dekenai lau ia gwauraia hedinarai momokani tauna, Anetipa idia alaia mase neganai, oiemu abidadama lau dekenai oi rakatania lasi.