DANIELA 5:9 - Buka Helaga (Hiri Motu) 1993

⁹ Belesasa ia gari dikadika, bona iena vairana ena kopina ia labora momokani, bona iena lohia taudia idia daradara bada herea.

DANIELA 5:9 Iomraidhean Croise

SALAMO 18:14

Iena diba ia pidia, bona ia dekenai idia dagedage taudia ia luludia. Kevaru dekena amo ia ese idia ia pidia, ia halusidia momokani.

SALAMO 48:6

Unuseni gari bada ese ia abidia, hisihisi bada danu, hahine ese kahirakahira natuna ia havaraia ena hisihisi bamona.

IEREMIA 30:6

Do umui henanadai, vadaeni do umui diba: Tau ta do ia rogorogo diba, a? Lasi, ani? To dahaka dainai tau ibounai lau itaia noho, edia imadia be edia bogadia dekenai idia atoa noho, natuna ia havaraia noho hahine ia karaia bamona. Bona dahaka dainai idia ibounai, edia vairadia edia toana be labora momokani?

IEREMIA 6:24

Ierusalema dekenai idia noho taudia be inai bamona idia hereva, idia gwau, “Ita ese tuari taudia idia mai noho sivarai ita kamonai vadaeni mai gari danu, bona iseda imana be goada lasi momokani. Iseda lalona idia hisihisi bada, bona iseda tauanina idia hisihisi, natuna ia havaraia gwauraia hahine ena hisihisi bamona.” Ma idia gwau,

DANIELA 10:8

Vadaeni lau sibona lau gini noho, ma inai mata hanai hoa gauna lau itaia neganai egu goada ia ore. Lauegu vairana ena toana be ia idau momokani, tau ta ia diba lasi inai be lau, bona egu goada ia ore momokani.

DANIELA 2:1

Nebukanesa ia king ena lagani iharuana lalonai, nihi ta ia abia. Unai nihi dekenai ia laloa hekwarahi dainai ia mahuta diba lasi.

DANIELA 5:6

Ia itaia neganai, iena vairana ena toana be ia idau, labora bamona ia lao, bona ia gari dainai iena aena idia mareremarere.

MATAIO 2:3

King Heroda ese unai hereva ia kamonai neganai, iena kudouna dekenai ia gari dikadika, Ierusalema taudia ibounai danu.

APOKALUPO 6:15

Vadaeni tanobada ena king taudia bona lohia taudia, bona tuari biagudia, bona kohu momo taudia, bona goada taudia, bona hesiai mai guia danu taudia, bona ura kwalimu taudia, ibounai be nadi ena kohua dekenai, bona nadi badadia henunai idia hunia, ororo dekenai.