DANIELA 5:7 - Buka Helaga (Hiri Motu) 1993

⁷ Vadaeni king ese ia boiboi badabada, ia hereva, meamea taudia, bona aonega taudia, bona hoa karaia taudia do idia mailaia. Idia ginidae neganai Belesasa ia hereva henidia, ia gwau, “Inai toretore duahia diba bona ena anina ia gwauraia diba tauna be dabua kakakakana do ia karaia, bona iena aiona dekenai golo seini do lau atoa, bona inai basileia ena dagi namba 3 do lau henia.”

DANIELA 5:7 Iomraidhean Croise

GENESE 41:8

Daba ia rere, iena kudouna ia gari dikadika. Vadaeni iena hereva ia siaia lao, Aigupito dekenai puripuri taudia ibounai bona aonega taudia ibounai ia boiridia. Vadaeni Farao ese iena nihi idia dekenai ia hamaoroa, to idia ibounai be nihi edia anina idia gwauraia diba lasi.

ESETA 3:1

Inai kara murinai, king Ahasuero ese Hamana Hamedata, Agaga tauna ia hanamoa, bona dagi badana ia henia. Iena dagi ese king ena lohia taudia ibounai edia dagi ia hanaia.

ESODO 7:11

Vadaeni Farao ese aonega taudia bona meamea taudia dekenai ia boiboi. Vadaeni inai Aigupito meamea taudia danu ese unai kara bamona idia karaia, idia edia meamea dekenai.

AONEGA HEREVADIA 1:9

Idia edia hadibaia hereva ese, oiemu kara do idia hanamoa, oiemu kwarana ena herahera, bona ageva ese oiemu toana idia hanamoa bamona.

SOLOMONA ENA ANE 1:10

Oiemu huina be mai hairaina. Ia ese oiemu vairana kahana kahana dekenai, bona oiemu aiona dekenai ia helai noho, ageva namona bamona.

ISAIA 47:13

Oiemu sisiba henia taudia be momo, to oi dekenai goada idia henia lasi. Oiemu hisiu tahua taudia, hisiu edia dala idia itaia noho taudia, namona be idia ese oi do idia durua, bona oi do idia hamauria. Idia ese hua matamata negadia ibounai, oi dekenai idia hamaoroa, dahaka gaudia be oi dekenai do idia vara.

IEREMIA 50:35

Lohiabada ese ma ia gwau: “Babulonia tano dekenai mase do ia vara! Babulonia taudia do idia mase. Babulonia ena lohia taudia bona ena aonega taudia danu, be do idia mase.

ESEKIELA 16:11

Lau ese herahera nadi namodia oi dekenai lau atoa, imana gana gaudia bona ageva danu.

DANIELA 1:20

Henanadai ibounai ia henia, bona aonega gaudia ibounai king ese ia nanadaia neganai, be ia davaria inai uhau taudia 4 be unai basileia lalonai meamea taudia ibounai bona hoa karaia taudia ibounai edia aonega be nega 10 dekenai idia hereaia momokani.

DANIELA 1:4

Edia kopina be do ia namo, bona edia tauanina, bona edia toana be do idia dika lasi momokani. Idia be diba momo taudia, bona aonega davaria haraga diba taudia, vadaeni king ena ruma badana dekenai do idia gaukara.” Ma king Nebukanesa ese Asipenasa ia hamaoroa ia ese Babulonia gado be unai uhau dekenai do ia hadibaia.

DANIELA 2:2

Unai dainai hereva ia siaia, iena meamea taudia, bona toa karaia taudia, bona hoa karaia taudia, bona vaira neganai dahaka do idia vara taudia ibounai ia boiria, idia mai ia dekenai.

DANIELA 2:27

Daniela ia haere, “King badana e, oiemu nihi, hunia gauna, be aonega taudia bona hoa karaia taudia, bona meamea taudia ese idia hedinaraia diba lasi.

DANIELA 2:48

Unai neganai king ese Daniela ena ladana ia abia isi, bona tau badana ta ia halaoa, bona harihari gaudia momo ia henia, bona dagi ia henia, Babulonia tano ibounai do ia naria, bona ia be Babulonia ena aonega taudia ibounai edia tau badana ia halaoa.

DANIELA 2:6

To bema inai nihi bona ena anina danu umui hadibaia diba neganai, lau ese harihari gaudia momo umui dekenai do lau henia, bona umui do lau hanamoa danu. Unai dainai nihi be lau dekenai umui hamaoroa, bona ena anina danu lau dekenai do umui hadibaia.”

DANIELA 4:14

Ia boiboi badabada, ia gwau: Inai au utua bona hamorua, bona rigina utua oho! Rauna ibounai kokia, bona iena huahua oi gigia rohoroho! Henunai idia noho boroma ibounai lulua, bona iena rigina dekenai idia noho manu danu lulua!

DANIELA 5:11

Oiemu basileia dekenai tau ta ia noho, dirava helagadia edia lauma ia noho ia dekenai. Oiemu tamana ia king neganai, inai tau ese aonega namo herea ia hedinaraia. Unai dainai ia be aonega bada taudia bona hoa karaia taudia, bona meamea taudia ibounai edia lohia, oiemu tamana ese ia halaoa.

DANIELA 5:15

“Meamea taudia bona aonega taudia ibounai idia mailaia vadaeni, inai toretore duahia gwauraia, to inai hereva ena anina be idia hedinaraia diba lasi.

DANIELA 5:16

“Lau kamonai vadaeni oi be hereva aukadia ena anina, hunia gaudia, oi davaria diba. Vadaeni bema iena anina oi gwauraia neganai, lau ese dabua kakakaka be oi dekenai do lau henia, bona oiemu aiona dekenai golo seini do lau atoa, bona inai basileia ena dagi namba 3 do lau henia oi dekenai.”

DANIELA 5:29

Unai neganai Belesasa ese oda ia atoa, vadaeni dabua kakakaka be Daniela dekenai idia atoa, bona iena aiona dekenai golo seini idia atoa. Iena basileia ena dagi namba 3 king ese ia henia Daniela dekenai.

NUMERA 22:17

Badina lau ese davana namo herea oi dekenai do lau henia, bona lau dekenai oi hereva gauna be do lau karaia. Mani oi mai, bona unai bese Israela do oi hadikaia, lauegu noinoi dainai.’ ”

NUMERA 22:7

Unai dainai Moaba bona Midiana gunalaia taudia ese unai meamea ena davana idia abia lao. Idia lao Balama dekenai, bona Balaki ena hereva idia hamaoroa.

NUMERA 24:11

Harihari oi giroa lou haraga, oiemu gabu do oi lao. Guna lau gwau davana namona oi dekenai do lau henia. To Lohiabada ese oiemu dala ia koua dainai, davana do oi abia lasi.”

1 SAMUELA 17:25

Israela taudia idia gwau, “Unai tau goadana umui itaia, a? Iena boiboi hereva umui kamonai, ani? King Saulo ese gwauhamata ia gwauraia vadaeni, ani? Ia gwau Goliata ia alaia mase tauna be king ena moni momo do ia abia, bona king ena natuna kekeni do ia adavaia. Bona Goliata ia alaia tauna ena tamana ena famili taudia ibounai ese takisi moni do idia henia lasi, lasi momokani.”