DANIELA 5:6 - Buka Helaga (Hiri Motu) 1993

⁶ Ia itaia neganai, iena vairana ena toana be ia idau, labora bamona ia lao, bona ia gari dainai iena aena idia mareremarere.

DANIELA 5:6 Iomraidhean Croise

SALAMO 22:14

Lauegu goada ia ore vadaeni, ranu be tano dekenai idia bubua kava bamona. Lauegu turiana ibounai be idia dika. Lauegu kudouna be kandolo bamona, egu kemena dekenai ia veve ore.

SALAMO 69:23

Edia matana do oi hakepulua! Edia doruna danu do oi hamanokaia hanaihanai.

ISAIA 35:3

Edia imana idia manoka taudia do umui hagoadaia, bona edia tuina idia manoka taudia do umui durua.

ISAIA 5:27

Inai tuari taudia ibounai be mai goadadia, ta ia manoka lasi, ta ia hekwakwanai lasi. Idia ta ia mahuta lasi. Idia ta ese iena rami ia kokia lasi, bona idia ta ese iena tamaka varona ia makohia lasi.

IEREMIA 50:43

Babulonia ena king ese, idia mai noho sivarai ia kamonai, bona iena imana be idia manoka lao. Lalohisihisi bada ese, king ia dogoatao auka, ia hisihisi noho, natuna ia havaraia noho hahine ena hisihisi bamona.

ESEKIELA 21:7

Vadaeni idia ese oi do idia nanadaia, do idia gwau, ‘Badina dahaka oi tai noho?’ Unai neganai do oi gwau: ‘Sivarai metauna lau kamonai, vaira neganai kara badadia do idia vara, gari bada gaudia. Inai kara idia ginidae neganai, kudouna ibounai do idia veve, bona imana ibounai do idia manoka, lauma ibounai do idia mase bamona, bona tui ibounai be do idia heudeheude. Unai kara be ia mai noho, do ia vara momokani. Lohiabada Dirava ese inai hereva ia gwauraia vadaeni.’ ”

ESEKIELA 7:17

Idia ibounai edia imadia be do idia manoka lao, bona edia tuidia be do idia huedehuede.

DANIELA 2:1

Nebukanesa ia king ena lagani iharuana lalonai, nihi ta ia abia. Unai nihi dekenai ia laloa hekwarahi dainai ia mahuta diba lasi.

DANIELA 3:19

Unai hereva dekenai Nebukanesa ia badu dikadika momokani, bona iena vairana toana ia idau Sataraka bona Misaka bona Abetenigo dekenai, vadaeni lahi naria taudia ia hamaoroa, unai lahi ena siahu ma do idia habadaia nega 7, guna idia hasiahua bamona lasi.

DANIELA 4:19

Vadaeni Daniela, iena ladana ta be Belitisasa, be hoa bamona ia noho hora ta, bona ia laloa momo danu. Gabeai king ese ia hereva henia, ia gwau, “Belitisasa e, inai nihi bona ena anina dekenai oi gari lasi.” Belitisasa ia haere, ia gwau, “King badana e, inai nihi bona ena anina be oi dekenai idia tuari taudia dekenai ia lao be namo. Oi dekenai ia lao be dika.

DANIELA 4:5

Nihi ta lau itaia dekenai lau gari. Lauegu mahuta pata dekenai lau hekure noho neganai, lau itaia gaudia dekenai lau laloa momo.

DANIELA 5:5

Unai neganai tau ta ena imana kwakikwaki idia hedinaraia haraga, bona ruma ena haba dekenai revareva idia torea. Unai gabu dekenai ruma ena lamepa ena diari be bada, vadaeni unai imana bona toretore be Belesasa ese ia itaia namonamo.

DANIELA 7:28

“Hereva ena dokona be inai. Lau, Daniela, gari bada ese lau ia abia dainai, lauegu vairana ena toana ia idau, to egu lalona dekenai inai hereva lau dogoatao noho.”

NAHUMU 2:10

Nineva be idia hadikaia ore vadaeni, ia be anina lasi momokani! Taunimanima edia kudoudia idia manoka lao, gari bada dainai. Edia tuidia idia heudeheude noho, edia goada ia ore. Edia vairadia be idia laboralabora lao noho.

HEBERU 12:12

Vadaeni, umui emui imana idia manoka neganai, do umui abia isi, do umui ha-aukaia. Bema emui tuina idia heudeheude neganai, do umui gini goada noho.