DANIELA 5:13 - Buka Helaga (Hiri Motu) 1993

¹³ Vadaeni Daniela idia hakaua lao king ena vairanai. Belesasa ia hereva henia, ia gwau, “Oi be Daniela, a, abia mauri tauna ta? Lauegu tamana ese Iuda dekena amo oi ia mailaia, ani?

DANIELA 5:13 Iomraidhean Croise

DANIELA 6:13

Idia ese king idia hamaoroa, idia gwau, “Iuda dekena amo abia mauri tauna ta ena ladana Daniela ese oiemu hereva ia matauraia lasi, bona ia badinaia lasi. Nega ibounai dina ta lalonai nega toi ia guriguri.”

DANIELA 5:11

Oiemu basileia dekenai tau ta ia noho, dirava helagadia edia lauma ia noho ia dekenai. Oiemu tamana ia king neganai, inai tau ese aonega namo herea ia hedinaraia. Unai dainai ia be aonega bada taudia bona hoa karaia taudia, bona meamea taudia ibounai edia lohia, oiemu tamana ese ia halaoa.

DANIELA 2:25

Karaharaga Arioka ese Daniela ia hakaua lao king dekenai, ia hereva henia, ia gwau, “Inai Iuda tauna ta lau davaria, bona ia ese nihi ena anina oi dekenai ia hamaoroa diba.”

IOANE 7:3

Vadaeni Iesu be iena tadina ese idia hereva henia, idia gwau, “Inai gabu do oi rakatania, Iudea dekenai do oi lao, vadaeni oiemu diba tahua taudia ese oi karaia hoa gaudia do idia itaia,

ESERA 10:16

Vadaeni hesiai mai guia danu dekena amo idia giroa mai taudia ese inai dala idia abia dae. Hahelagaia tauna Esera ese tau haida, iduhu kwarana taudia, ia abia hidi, bona ia ese edia ladadia buka dekenai ia torea. Hua namba 10 ena dina ginigunana dekenai, inai lohia taudia ese edia hebou idia hamatamaia, unai kara do idia tahua totona.

ESERA 6:16

Vadaeni Israela taudia, hahelagaia taudia, Levi taudia, bona Babulonia ena abia mauri dekena amo idia giroa lou taudia ese Dirava ena Dubu Helaga idia hahelagaia, mai edia moale bada danu.

ESERA 4:1

Iuda bona Beniamina taudia idia ura hadikaia gwauraia taudia ese idia kamonai, inai hesiai mai guia danu dekena amo idia mai taudia ese Dubu Helaga idia haginia lou noho. Inai Dubu be Lohiabada, Israela ena Dirava, ena.

IOANE 7:1

Unai murinai Iesu be Galilea dekenai ia lao loaloa. Ia ura lasi Iudea dekenai ia lao, badina Iuda taudia ese ia idia alaia mase dalana idia tahua noho.

DANIELA 8:27

Vadaeni lau Daniela, gari dainai lau mase bamona, bona lau gorere dina haida. Gabeai lau toreisi, vadaeni king ese lau ia henia gaukara ma lau karaia lou. Unai mata hanai dekenai lau hoa, mai laloa daradara danu, to iena anina be lau davaria lasi.

DANIELA 8:1

Belesasa ia king lagani namba 3 lalonai lau, Daniela ese mata hanai ma ta lau itaia.

DANIELA 5:18

“King e, Ataiai Momokani Dirava ese oiemu tamana Nebukanesa ia abia isi, ia be king badana, mai ena siahu bada danu. Hairai bona mataurai danu Dirava ese ia henia ia dekenai.

DANIELA 5:2

Uaina idia inua noho neganai, Belesasa ese hereva ia siaia, iena tamana, Nebukanesa, Ierusalema dekenai ia noho Dubu Helaga dekena amo ia mailaia golo bona siliva kapusi do idia mailaia, badina Belesasa ia ura iena lohia bona iena adavana bona iena hahine taudia ibounai ese unai kapusi dekenai uaina idia inua gwauraia.

DANIELA 2:48

Unai neganai king ese Daniela ena ladana ia abia isi, bona tau badana ta ia halaoa, bona harihari gaudia momo ia henia, bona dagi ia henia, Babulonia tano ibounai do ia naria, bona ia be Babulonia ena aonega taudia ibounai edia tau badana ia halaoa.

DANIELA 1:21

Daniela be unai gaukara dekenai ia noho, ela bona king ena dagi be Kurese ese ia abia Babulonia dekenai.

ESERA 10:7

Vadaeni oda hereva badana, be Iuda bona Ierusalema edia kahana ibounai dekenai idia siaia lao, Babulonia ena hesiai mai guia danu dekena amo idia giroa mai taudia ibounai Ierusalema dekenai do idia haboua mai.

DANIELA 1:1

Iehoiakimi be Iuda basileia ena king lagani ihatoina lalonai, Babulonia ena king Nebukanesa be Ierusalema dekenai ia lao, ia tuari henia. Vadaeni iena tuari taudia ese Ierusalema idia koua hagegea momokani.

DANIELA 1:2

Bona Dirava ese Iehoiakimi, Iuda ena king, be Nebukanesa ena imana dekenai ia henia, bona Dubu Helaga ena kapusi helaga gaudia danu Nebukanesa ese ia abia. Nebukanesa ese unai kapusi ia abia lao Babulonia tano dekenai, iena dirava ena kohu haboua ruma dekenai ia atoa.

DANIELA 5:14

“Lau kamonai dirava edia lauma ia noho oi dekenai, bona oiemu aonega bona diba be ia bada herea momokani.

DANIELA 1:6

Hesiai tauna badana ese ia abia hidi taudia haida be inai: Daniela, bona Hananaia, bona Misaela, bona Asaraia. Idia ibounai be Iuda ena iduhu taudia.