DANIELA 4:7 - Buka Helaga (Hiri Motu) 1993

⁷ Vadaeni meamea taudia, bona hoa karaia taudia bona vaira neganai dahaka do idia vara gaudia idia diba taudia, bona toa edia anina hedinaraia taudia idia mai. Lauegu nihi lau hamaorodia, to ena anina be idia gwauraia diba lasi.

DANIELA 4:7 Iomraidhean Croise

GENESE 41:24

Vadaeni uiti dikadia ese uiti namodia idia anidia ore. Puripuri taudia dekenai lau hamaoroa, to nihi edia anina hedinaraia dekenai be tau ta ia diba lasi.”

GENESE 41:8

Daba ia rere, iena kudouna ia gari dikadika. Vadaeni iena hereva ia siaia lao, Aigupito dekenai puripuri taudia ibounai bona aonega taudia ibounai ia boiridia. Vadaeni Farao ese iena nihi idia dekenai ia hamaoroa, to idia ibounai be nihi edia anina idia gwauraia diba lasi.

SALAMO 37:35

Kara dika tauna ta lau itaia vadaeni, iena noho be namo herea. Ia be ia tubu badabada, Lebanona ena sida audia bamona.

ISAIA 44:25

Lau ese peroveta koikoi taudia, edia hereva lau koua noho, bona meamea dika taudia dekenai, laloa kavakava lau henia. Aonega taudia edia hereva, be lau ese lau negea, bona edia aonega be kavakava dekenai lau halaoa noho.

ESEKIELA 31:3

Oi be Asuria bamona, guna ia be Lebanona ena sida auna ta, mai ena rigi namodia momokani, bona mai ena ikerukeru danu. Inai sida be lata herea, iena ataiai be ori edia lalonai.

DANIELA 1:4

Edia kopina be do ia namo, bona edia tauanina, bona edia toana be do idia dika lasi momokani. Idia be diba momo taudia, bona aonega davaria haraga diba taudia, vadaeni king ena ruma badana dekenai do idia gaukara.” Ma king Nebukanesa ese Asipenasa ia hamaoroa ia ese Babulonia gado be unai uhau dekenai do ia hadibaia.

DANIELA 2:10

Meamea taudia idia haere, idia gwau, “King badana e, inai tanobada dekenai be tau ta ia noho lasi inai oiemu ura ia hedinaraia diba. Badina be king badana ta lasi ese nega ta unai bamona oda auka herea iena meamea taudia bona hoa karaia taudia dekenai ia henia. Lasi momokani. Iena siahu ese king ibounai edia siahu ia hereaia danu, to unai bamona oda ia atoa lasi.

DANIELA 2:27

Daniela ia haere, “King badana e, oiemu nihi, hunia gauna, be aonega taudia bona hoa karaia taudia, bona meamea taudia ese idia hedinaraia diba lasi.

DANIELA 2:7

Idia haere lou king dekenai, “King badana e, bema unai nihi oi hamaoroa ai dekenai, ai ese iena anina do ai hadibaia diba.”

DANIELA 3:8

Unai neganai Babulonia taudia haida idia lao, Iuda taudia idia samania karaia.

DANIELA 4:18

“Inai nihi be lau, king Nebukanesa lau itaia. Unai dainai Belitisasa e, mani emu kara, ena anina hari do oi gwauraia, badina inai basileia aonega taudia ibounai be nihi ena anina idia hadibaia diba lasi. To oi be oi hedinaraia diba, badina dirava helagadia edia lauma ia noho oi dekenai.”

DANIELA 5:7

Vadaeni king ese ia boiboi badabada, ia hereva, meamea taudia, bona aonega taudia, bona hoa karaia taudia do idia mailaia. Idia ginidae neganai Belesasa ia hereva henidia, ia gwau, “Inai toretore duahia diba bona ena anina ia gwauraia diba tauna be dabua kakakakana do ia karaia, bona iena aiona dekenai golo seini do lau atoa, bona inai basileia ena dagi namba 3 do lau henia.”

DANIELA 5:8

Vadaeni king ena aonega taudia ibounai idia mai, to unai toretore bona iena anina be idia hamaoroa diba lasi.