DANIELA 4:34 - Buka Helaga (Hiri Motu) 1993

³⁴ “Unai lagani 7 idia ore neganai lau, Nebukanesa, lauegu matana lau abia isi guba dekenai bona lauegu diba ia giroa mai lau dekenai. Ataiai Momokani Diravana lau hanamoa, bona ia noho hanaihanai Dirava dekenai lau tomadiho henia, bona lau matauraia danu. “Iena basileia be noho hanaihanai basileiana, bona iena siahu be taunimanima ibounai edia latanai nega ibounai.

DANIELA 4:34 Iomraidhean Croise

2 SAMUELA 22:31

“Dirava ena dala be maoromaoro. Iena hereva be momokani. Ia be ia dekenai idia abidadama henia taudia edia kesi.

1 SIVARAI 29:10

Unai dainai, Davida ese hebou taudia ibounai edia vairanai Lohiabada ia hanamoa, ia gwau, “Lohiabada e, aiemai sene taudia edia Dirava, ai ese oi do ai hanamoa ela bona hanaihanai.

1 SIVARAI 29:13

Aiemai Dirava, harihari ai ese oi dekenai ai tanikiu henia, bona oiemu ladana namo herea momokani ai hanamoa noho.”

IOBU 1:21

Bona ia gwau, “Lau be imana kavakava egu sinana ena bogana dekena amo lau vara, bona imana kavakava danu do lau mase. Lohiabada ese lau dekenai gau momo ia henia, bona hari Lohiabada ese unai gaudia ia abia lao. Lohiabada ena ladana lau hanamoa inai!”

SALAMO 10:16

Lohiabada be do ia King ela bona hanaihanai. Dirava idaudia dekenai idia tomadiho taudia, be Dirava ena tano dekena amo do idia boio.

SALAMO 102:24

Unai dainai lau gwau: Egu Dirava e, oi noho hanaihanai. Mani emu kara egu mauri dinadia do oi utua haraga lasi! Lau be buruka lasi, lau be do uhau sibona!

SALAMO 107:15

Vadaeni idia ese Lohiabada do idia hanamoa be namo, iena lalokau badana dainai. Iena hoa karadia bona kara namodia, idia totona ia karaia dainai, Lohiabada do idia tanikiu henia be namo.

SALAMO 107:22

Boubou gaudia dekena amo, Lohiabada do idia tanikiu henia be namo. Mai ane bona mai moale danu, taunimanima dekenai Lohiabada ena kara namodia do idia gwauraia, be namo.

SALAMO 107:31

Lohiabada dekenai edia tanikiu idia henia be namo, ia ese iena lalokau bona bogahisihisi bona hoa karadia, taunimanima dekenai ia hedinaraia dainai.

SALAMO 107:8

Idia ese Lohiabada do idia tanikiu henia be namo, iena lalokau badana dainai. badina be ia ese kara namodia momokani idia dekenai ia karaia.

SALAMO 111:7

Lohiabada ena kara ibounai, be mai momokani bona mai maoromaoro danu. Iena taravatu ibounai ita abidadama henia diba.

SALAMO 121:1

Lau ese ororo dekenai egu matana do lau negea, to lau do ia durua tauna be edeseni do lau davaria?

SALAMO 123:1

Lohiabada e, egu matana be oi dekenai lau negea noho. Oi be guba dekenai oi helai noho, guba ena King.

SALAMO 145:13

Oiemu King siahuna be do ia noho hanaihanai. bona oiemu King dagi be do ia doko diba lasi. Lohiabada ena gwauhamata be ia ese ia badinaia noho, bona iena kara ibounai be namo.

SALAMO 146:10

Lohiabada be King do ia noho, ela bona hanaihanai. Siona taudia e, Lohiabada be emui Dirava do ia noho, ela bona nega ibounai. Lohiabada do umui hanamoa!

SALAMO 50:14

To lau ura momokani gauna be emui tanikiu, emui boubou gauna korikori be unai. Lau, Siahu Ibounai Dirava dekenai umui karaia vadaeni gwauhamata, edia anina ibounai do umui henia haorea.

SALAMO 66:7

Dirava ese iena siahu dekena amo do ia King hanaihanai. Iena matana ese bese idauidau ibounai idia itaia noho. Dirava e, oi dekenai idia dagedage taudia, be do oi koua, vadaeni do idia hekokoroku lasi.

SALAMO 7:17

Lohiabada ena kara maoromaoro dainai, ia lau tanikiu henia noho. Lohiabada, Ataiai Momokani Dirava, ena ladana lau hanamoa noho inai.

SALAMO 9:2

Mai moale bada danu, oi do lau hanamoa noho. Siahu Ibounai Dirava e, oiemu ladana hanamoa totona, ane do lau abia.

SALAMO 92:1

Lohiabada e, oi be Ataiai Momokani Diravana, ai tanikiu henia be namo. Ane dekena amo oiemu ladana do ai abia isi be namo.

ISAIA 13:11

Lohiabada ia gwau, “Tanobada ena dika davana do lau henia, bona kara dika taudia be, edia kara dika davana do lau henia. Hekokoroku taudia ibounai, edia hekokoroku do lau hadokoa, ma dagedage bona bogahisihisi lasi taudia edia dika, ena davana do lau henia momokani.

ISAIA 2:11

Lohiabada do ia mai neganai, ia ese taunimanima edia hekokoroku do ia haorea, bona sibona edia ladana idia abia isi taudia do ia hamanaua. Unai dina dekenai, Lohiabada ena ladana sibona do idia hanamoa.

ISAIA 24:15

ma dina daekau kahana taudia danu, ese Lohiabada do idia hanamoa. Kone dekenai noho taudia danu ese, Lohiabada, Israela ena Dirava do idia hanamoa bada.

IEREMIA 10:10

To Lohiabada be Dirava korikori, ia be mauri ena Dirava, bona noho hanaihanai King. Ia badu neganai tano ia marere bada noho. Iena badu ena henunai, basileia idauidau idia goada diba lasi.

LALOHISIHISI 3:38

Lohiabada ena oda dekena amo, namo bona dika be idia vara noho, ani?

DANIELA 12:7

Dabua aukana ia karaia tauna be iena imana ruaosi ia abia isi momokani, guba dekenai ia duduia bamona, bona Noho Hanaihanai Dirava ena ladana dekenai ia gwauhamata. Iena hereva lau kamonai, ia gwau, “Inai gari bona hoa karadia be do idia vara noho ela bona lagani 3 1/2 idia ore. Dirava ena helaga taudia edia siahu idia hadikaia karana do ia ore neganai, inai gau ibounai do idia vara haorea.”

DANIELA 2:44

“Unai basileia namba 4 ena nega lalonai, guba ena Dirava ese basileia ta do ia haginia, inai basileia be do idia hadikaia diba lasi ela bona hanaihanai. Unai basileia be Dirava ese do ia naria, vadaeni bese ta ese do ia halusia diba lasi. Bona unai basileia ese basileia ibounai do ia hamakohia, bona haorea momokani, bona ia sibona do ia noho ela bona hanaihanai.

DANIELA 4:2

Ataiai Momokani Dirava ese hoa bona toa karadia lau dekenai ia hedinaraia vadaeni. Inai gaudia lau ura hadibaia umui dekenai:

DANIELA 4:26

“To idia gwau, ‘Au badina ena ramuna be do ia noho tano lalonai.’ Ena anina be, oiemu basileia be do ia noho. Bona bema diba do oi abia, bona oi hamomokania, Dirava tamona sibona ese gau ibounai ia biagua noho neganai, oiemu basileia ma do oi abia lou.

DANIELA 4:3

“Iena toa gaudia be bada, bona iena hoa gaudia be herea! Iena basileia be noho hanaihanai ena basileia! Bona iena siahu be nega ibounai lalonai do ia noho.

DANIELA 4:32

Taunimanima edia noho gabuna dekena amo do idia lulua lao oi, uda boroma danu do oi noho. Boromakau bamona, rei do oi ania ela bona lagani 7 idia ore. Unai bamona do oi noho ela bona oi diba Ataiai Momokani Diravana ese taunimanima edia basileia ia gunalaia noho, bona ia sibona ena ura hegeregerena, basileia edia biaguna ia abidia hidi.”

DANIELA 4:36

“Unai nega lalonai lauegu aonega ia mai lou lau dekenai, bona lauegu basileia, mai ena siahu lau abia lou. Lauegu kaunsolo taudia bona lauegu basileia taudia idia giroa mai lau dekenai. Lauegu basileia ma idia haginia lou, bona siahu bada bona matauraia bada lau abia, guna bamona lasi.

DANIELA 5:18

“King e, Ataiai Momokani Dirava ese oiemu tamana Nebukanesa ia abia isi, ia be king badana, mai ena siahu bada danu. Hairai bona mataurai danu Dirava ese ia henia ia dekenai.

DANIELA 5:21

Oiemu tamana ena lalona be Dirava ese boromakau ena lalona bamona ia halaoa. Vadaeni taunimanima ese edia noho gabuna dekena amo idia lulua. Iena noho be uda doniki bamona, boromakau bamona rei ia ania. Ia be murimuri dekenai ia mahuta, bona iena tauanina be hanuaboi ena ranu dekenai ia paripari. To gabeai iena lalona ia kehoa, ia diba momokani, Siahu Ibounai Dirava ese basileia ibounai ia biagudia, bona ia ura henia tauna dekenai king ena dagi ia henia.

DANIELA 6:26

Hereva lau gwauraia inai, lauegu basileia dekenai noho taudia ibounai ese Daniela ena Dirava do umui matauraia bona gari henia. “Ia be mauri ena Dirava, bona do ia noho hanaihanai. Iena basileia do idia hamorua lasi ela bona hanaihanai, bona iena siahu be do ia ore diba lasi.

DANIELA 7:14

Badana ese siahu bona mataurai bona dagi bada be unui Tau dekenai ia henia, bese ibounai bona iduhu ibounai bona gado ibounai taudia ese iena hesiai gaukara do idia karaia. Iena siahu be do ia noho hanaihanai, bona iena basileia be do ia doko diba lasi.

DANIELA 7:27

“ ‘Inai tanobada ena bese ibounai edia siahu be do ia henia Ataiai Momokani Dirava ena helaga taudia dekenai. Edia siahu be do ia ore diba lasi, bona basileia ibounai ese Dirava ena hesiai gaukara do idia karaia, bona do idia kamonai henia.’

DANIELA 9:14

“Unai dainai oi, Lohiabada, aiemai Dirava, inai panisi oi abia hegaegae, vadaeni ai dekenai oi siaia mai, badina oiemu gaukara ibounai be maoro momokani. To ai be ai kamonai henia lasi oi.

IONA 1:14

Unai dainai Lohiabada dekenai idia boiboi, idia gwau, “Lohiabada e, ai ese oi ai noia inai, bema inai tau be davara dekenai ai negea neganai, oi ese ai do oi alaia lasi! Ai do oi kota henia lasi, kerere lasi tauna ai alaia dainai! Badina be oiemu ura hegeregerena inai kara oi karaia vadaeni.”

MIKA 4:7

Inai bese be mai edia manoka, bona edia tano dekena amo daudau idia noho. To idia do mauri noho taudia dekena amo, bese badana ta do lau hamatamaia lou, bona bese badana ta idia do lau halaoa. Lau ese Siona Ororo dekenai idia do lau gunalaia, unai neganai ela bona hanaihanai.”

LUKA 1:33

Bona ia be Iakobo ena bese edia King do ia lao, ela bona hanaihanai. Iena basileia be do ia doko lasi.”

LUKA 18:13

To takisi gogoa tauna be idau gabu dekenai ia gini, iena kwarana ia atoa diho, iena kemena ia botaia, ia gwau, ‘Dirava e, lau be dika tauna, oi bogahisihisi lau dekenai.’

IOANE 5:26

Badina Tamana lalonai mauri ia noho hegeregerena, ia ese iena Natuna danu unai bamona siahu ia henia, iena lalonai danu mauri be ia noho.

DEUTERONOMI 32:4

Ia be Nadi Badana, iena gaukara be namo momokani. Iena dala ibounai be maoro, bona iena kota be momokani. Ia be abidadama ena Diravana, ia kara dika lasi. Ia be momokani bona maoromaoro.

1 TIMOTEO 1:17

Dirava be Noho Hanaihanai King, ia mase diba lasi, matana dekenai ita itaia diba lasi, ia sibona mo be Dirava. Ia do ita matauraia, bona ia do ita hanamoa bada, harihari ia lao bona hanaihanai. Amen.

1 TIMOTEO 6:16

Ia sibona ia mase diba lasi, ia sibona diaridiari bada dekenai ia noho, bona ia kahirakahira ita lao diba lasi. Tau ta lasi ese Dirava ia itaia vadaeni, bona ta ese vaira neganai do ia itaia diba lasi. Iena ladana badana do ita matauraia, badina iena siahu do ia noho, ela bona hanaihanai. Amen.

APOKALUPO 10:6

Ia ese ia mauri noho hanaihanai Diravana ena ladana dekenai gwauhamata metauna ia gwauraia. Inai Dirava ese guba bona iena lalonai gaudia ibounai, bona tanobada bona iena lalonai gaudia ibounai, bona davara bona iena lalonai gaudia ibounai ia karaia. Aneru ia gwau, “Nega ena dokona be ia kahirakahira momokani. Dirava ese ma nega sisina do ia naria lasi.

APOKALUPO 11:15

Aneru namba 7 ese iena kibi ia hiriria. Vadaeni gado badadia guba dekenai idia hereva, idia gwau, “Tanobada biagua siahuna be iseda Lohiabada bona iena Keriso idia abia vadaeni. Bona Lohiabada ese tanobada do ia biagua momokani, ela bona hanaihanai.”

APOKALUPO 4:10

inai badana taudia 24 ese helai gabuna badana latanai ia helai Diravana ena vairanai idia tui diho, idia tomadiho henia noho. Oibe, Mauri Hanaihanai Diravana ena vairanai idia tomadiho henia, bona edia kwara gaudia be helai gabuna badana ena vairanai idia negea diho, idia gwau,

APOKALUPO 4:9

Inai mauri gaudia 4 ese ane idia abia noho. Mauri Hanaihanai Diravana be iena helai gabuna badana latanai ia helai noho, bona unai mauri gaudia ese ane dekena amo Dirava dekenai idia hanamoa bada, idia tanikiu henia, bona hairai idia henia. Inai bamona idia karaia neganai,