DANIELA 4:3 - Buka Helaga (Hiri Motu) 1993

³ “Iena toa gaudia be bada, bona iena hoa gaudia be herea! Iena basileia be noho hanaihanai ena basileia! Bona iena siahu be nega ibounai lalonai do ia noho.

DANIELA 4:3 Iomraidhean Croise

IOBU 25:2

“Dirava ena siahu be King siahuna momokani. Ia ese taunimanima ibounai ia hagaria noho. Ia ese iena guba dekenai maino namona ia karaia.

SALAMO 104:24

Lohiabada e, oi ese gau ibounai oi karaia vadaeni. Mai oiemu aonega bada danu idia ibounai oi karaia. Inai oi ese oi karaia gaudia ibounai ese, inai tanobada idia hahonua momokani.

SALAMO 105:27

Idia ese Dirava ena kara badadia idia karaia, Aigupito dekenai hoa karadia idia karaia.

SALAMO 145:13

Oiemu King siahuna be do ia noho hanaihanai. bona oiemu King dagi be do ia doko diba lasi. Lohiabada ena gwauhamata be ia ese ia badinaia noho, bona iena kara ibounai be namo.

SALAMO 66:7

Dirava ese iena siahu dekena amo do ia King hanaihanai. Iena matana ese bese idauidau ibounai idia itaia noho. Dirava e, oi dekenai idia dagedage taudia, be do oi koua, vadaeni do idia hekokoroku lasi.

SALAMO 72:18

Lohiabada, Israela ena Dirava, do ita hanamoa. Ia sibona ese hoa karadia ia karaia noho.

SALAMO 77:19

Oi ese davara ena hurehure edia huana dekenai oi raka. Oi ese davara dobu oi raka hanaia, to oiemu aena gabudia, be tau ta ese ia itaia lasi.

SALAMO 86:10

badina oi be bada, bona oi ese hoa karadia oi karaia noho. Oi sibona be Dirava.

SALAMO 92:5

Lohiabada e, oi ese oi karaia gaukara be bada herea momokani, bona oiemu laloa be dobu herea momokani.

ISAIA 25:1

Lohiabada e, oi be egu Dirava. Oi do lau matauraia, bona oiemu ladana do lau hanamoa, badina be oi ese hoa kara badadia oi karaia vadaeni. Gunaguna inai gau oi palania, bona mai maoromaoro bona momokani danu oi karadia vadaeni.

ISAIA 28:29

Inai aonega ibounai, be Siahu Ibounai Lohiabada dekena amo ia mai noho. Dirava ese ia karaia palani ibounai be mai aonega danu, bona iena palani be nega ibounai, edia anina idia vara namo herea.

ISAIA 9:7

Iena King siahuna, be do ia bada daekau lao, bona iena basileia be nega ibounai, mai maino danu do ia noho. Ia ese Davida ena king siahuna do ia abia, bona ia ese Davida ena basileia, do ia haginia bona naria noho, mai kota maoromaorona, bona kara momokani danu, hari ela bona hanaihanai. Inai kara be Siahu Ibounai Lohiabada ese do ia karaia momokani.

IEREMIA 10:10

To Lohiabada be Dirava korikori, ia be mauri ena Dirava, bona noho hanaihanai King. Ia badu neganai tano ia marere bada noho. Iena badu ena henunai, basileia idauidau idia goada diba lasi.

DANIELA 2:2

Unai dainai hereva ia siaia, iena meamea taudia, bona toa karaia taudia, bona hoa karaia taudia, bona vaira neganai dahaka do idia vara taudia ibounai ia boiria, idia mai ia dekenai.

DANIELA 2:44

“Unai basileia namba 4 ena nega lalonai, guba ena Dirava ese basileia ta do ia haginia, inai basileia be do idia hadikaia diba lasi ela bona hanaihanai. Unai basileia be Dirava ese do ia naria, vadaeni bese ta ese do ia halusia diba lasi. Bona unai basileia ese basileia ibounai do ia hamakohia, bona haorea momokani, bona ia sibona do ia noho ela bona hanaihanai.

DANIELA 4:17

“ ‘Inai kara be gima aneru edia oda herevana, helaga aneru orea ese inai hereva idia gwauraia. Bona unai dekena amo mauri noho taudia do idia diba, Ataiai Momokani Dirava, be mai ena siahu taunimanima ibounai edia latanai, bona iena ura hegeregerena, basileia naria siahu ia henia taunimanima ta ta dekenai. Ia ese hekokoroku lasi tauna ia habadaia diba.’

DANIELA 7:14

Badana ese siahu bona mataurai bona dagi bada be unui Tau dekenai ia henia, bese ibounai bona iduhu ibounai bona gado ibounai taudia ese iena hesiai gaukara do idia karaia. Iena siahu be do ia noho hanaihanai, bona iena basileia be do ia doko diba lasi.

DANIELA 7:27

“ ‘Inai tanobada ena bese ibounai edia siahu be do ia henia Ataiai Momokani Dirava ena helaga taudia dekenai. Edia siahu be do ia ore diba lasi, bona basileia ibounai ese Dirava ena hesiai gaukara do idia karaia, bona do idia kamonai henia.’

ROMA 11:33

Dirava ena namo bona iena hariharibada be bada bona bada herea, ani? Iena aonega bona iena laloa dobu be edena bamona ita tahua diba? Iena dala be daika ese do ia davaria diba?

DEUTERONOMI 4:34

O nega ta Dirava ese bese ta dekenai ia lao, idau bese dekena amo ia abidia, iena bese, a? Inai bamona be Lohiabada emui Dirava ese umui dekenai Aigupito dekenai ia karaia, ani? Umui emui vairana dekenai Lohiabada ese iena siahu bona goada ia hedinaraia, gorere bona hisihisi dekena amo, toa bona hoa karadia dekena amo, tuari dekena amo, bona gari bada gaudia ia havaraia dekena amo.

1 TIMOTEO 1:17

Dirava be Noho Hanaihanai King, ia mase diba lasi, matana dekenai ita itaia diba lasi, ia sibona mo be Dirava. Ia do ita matauraia, bona ia do ita hanamoa bada, harihari ia lao bona hanaihanai. Amen.

HEBERU 1:8

To Dirava ese iena Natuna inai bamona ia herevalaia, ia gwau: “Dirava e, oiemu King dagina ia noho hanaihanai. Oiemu Basileia, mai maoromaoro danu do oi biagua.

HEBERU 2:4

Dirava ese danu hoa bona toa karadia dekena amo inai hamauria ia hamomokania. Ia ese siahu karadia idauidau ia hedinaraia, bona Lauma Helaga ena harihari gaudia, be abidadama taudia dekenai Dirava ese ia henia, iena ura hegeregerena.

1 PETERO 4:11

Bema tau ta ena diba be haroro, Dirava ena sivarai do ia gwauraia. Bema tau ta ena diba be taunimanima durua, vadaeni inai diba, Dirava ese ia henia gauna do ia gaukaralaia mai ena goada ibounai, taunimanima durua totona. Unai dala dekenai, emui kara ibounai dainai, taunimanima ese Dirava do idia hanamoa henia, Iesu Keriso dainai. Hairai bona siahu be iena, ela bona hanaihanai. Amen.

APOKALUPO 11:15

Aneru namba 7 ese iena kibi ia hiriria. Vadaeni gado badadia guba dekenai idia hereva, idia gwau, “Tanobada biagua siahuna be iseda Lohiabada bona iena Keriso idia abia vadaeni. Bona Lohiabada ese tanobada do ia biagua momokani, ela bona hanaihanai.”