DANIELA 4:21 - Buka Helaga (Hiri Motu) 1993

²¹ Iena rauna be namo herea, bona iena huahua be momo herea, mauri gaudia ibounai ese idia ania. Unai au henunai boroma idia haboua, bona rigina dekenai manu idia noho.

DANIELA 4:21 Iomraidhean Croise

SALAMO 104:17

Unai sida audia lalonai, ataiai manudia ese edia ruma idia karaia. To aiona lata manudia, be au idauidau lalonai edia ruma idia karaia.

ESEKIELA 17:23

Israela ena ororo ena ataiai do lau hadoa, iena rigina do idia tubu bona iena huahuana be do ia atoa, bona sida auna namo herea do lau halaoa. Vadaeni iena henunai be mauri gaudia idauidau do idia noho. Bona iena ikerukeru lalonai ataiai manu idauidau ese edia ruma do idia karaia.

ESEKIELA 31:6

Ataiai manudia ibounai ese, edia ruma be sida ena rigina dekenai idia karaia. Iena rigina henunai danu, tano ena boroma idauidau ese edia natudia idia havaraia. Sida ena ikerukeru lalonai, tanobada ena bese badadia ibounai idia noho.

DANIELA 2:38

Dirava ese taunimanima bona uda boroma, bona ataiai manu ibounai, bona gabu ibounai idia noho gaudia be oiemu siahu henunai ia atoa, gau ibounai be oi ese oi biagua noho. Oi sibona be inai golo kwarana.

DANIELA 4:11

“ ‘Unai au be ia tubu bona ia goada. Iena dorina be guba dekenai ia kamokau. Tanobada taudia ibounai ese idia itaia diba.

DANIELA 4:20

“Unai au oi itaia gauna, be ia tubu goada bona ena kwarana ia daekau gubai, bona tanobada taudia ibounai ese idia itaia gauna.

DANIELA 4:22

King badana e, inai au be oi, badina be oi tubu vadaeni, bona goada oi abia vadaeni. Oiemu bada toana be guba ia abia vadaeni, bona oiemu siahu toana be tanobada taudia ibounai idia diba.

LUKA 13:19

Ia be mastadi ena uhena ta bamona, tau ta ese ia abia, iena uma gabu dekenai ia hadoa. Vadaeni ia tubu, au badana ia lao, bona ataiai manu be iena rigina dekenai edia ruma idia karaia.”