DANIELA 4:2 - Buka Helaga (Hiri Motu) 1993

² Ataiai Momokani Dirava ese hoa bona toa karadia lau dekenai ia hedinaraia vadaeni. Inai gaudia lau ura hadibaia umui dekenai:

DANIELA 4:2 Iomraidhean Croise

IOBU 7:14

To umui ese nihi dekena amo lau umui hagaria noho, bona mata hanai dekena amo danu lau umui hagaria bada noho.

SALAMO 51:14

Dirava e, oi be lau oi hamauria Diravana, Rara bubua ena kerere, dekena amo lau do oi hamauria. Unai neganai lau ese ane momo do lau abia, oiemu kara maoromaoro do lau gwauraia totona.

SALAMO 65:9

Oi ese medu oi siaia noho. Inai kara dekena amo oi hedinaraia, oi ese tanobada oi naria namonamo noho. Oi ese tano oi hanamoa noho, muramura namona ia dekenai oi atoa, vadaeni aniani ia tubu namonamo noho. Dirava e, oi ese sinavai ibounai be ranu dekenai oi hahonua, bona uma ena anina oi atoa noho.

SALAMO 66:16

Dirava dekenai umui gari taudia ibounai e, umui mai, umui kamonai. Dirava ese lau dekenai ia karaia gaudia, be umui dekenai do lau gwauraia hedinarai.

SALAMO 71:18

Momokani hari lau be buruka, bona egu huina idia kurokuro vadaeni. To Dirava e, lau do oi rakatania lasi. Lau ese oiemu siahu lau herevalaia noho neganai, lau dekenai do oi noho, bona oiemu goada be gabeai do idia vara besedia, dekenai do lau gwauraia hedinarai.

DANIELA 2:1

Nebukanesa ia king ena lagani iharuana lalonai, nihi ta ia abia. Unai nihi dekenai ia laloa hekwarahi dainai ia mahuta diba lasi.

DANIELA 3:26

Unai neganai Nebukanesa ia lao lahi kahirakahira, ia boiboi, ia gwau, “Sataraka, Misaka, Abetenigo e, Ataiai Momokani Dirava ena hesiai taudia e, lahi umui rakatania, umui mai.” Vadaeni Sataraka bona Misaka bona Abetenigo be unai lahi siahu herea dekena amo idia raka murimuri dekenai.

DANIELA 4:17

“ ‘Inai kara be gima aneru edia oda herevana, helaga aneru orea ese inai hereva idia gwauraia. Bona unai dekena amo mauri noho taudia do idia diba, Ataiai Momokani Dirava, be mai ena siahu taunimanima ibounai edia latanai, bona iena ura hegeregerena, basileia naria siahu ia henia taunimanima ta ta dekenai. Ia ese hekokoroku lasi tauna ia habadaia diba.’

DANIELA 4:24

“King e, unai nihi ena anina be inai: Ataiai Momokani Dirava ese ia siaia herevana be inai, ia gwau:

DANIELA 4:25

Taunimanima edia noho gabuna dekena amo oi do idia lulua lao, bona do oi lao, uda boroma danu oi noho. Lagani 7 lalonai rei do oi ania, boromakau bamona, bona hanuaboi ena ranu ese oi do ia hapariparia, ela bona oi diba Ataiai Momokani Diravana be taunimanima edia basileia ia biagua noho, bona iena ura tauna dekenai siahu ia henia noho.

DANIELA 4:34

“Unai lagani 7 idia ore neganai lau, Nebukanesa, lauegu matana lau abia isi guba dekenai bona lauegu diba ia giroa mai lau dekenai. Ataiai Momokani Diravana lau hanamoa, bona ia noho hanaihanai Dirava dekenai lau tomadiho henia, bona lau matauraia danu. “Iena basileia be noho hanaihanai basileiana, bona iena siahu be taunimanima ibounai edia latanai nega ibounai.

DANIELA 5:18

“King e, Ataiai Momokani Dirava ese oiemu tamana Nebukanesa ia abia isi, ia be king badana, mai ena siahu bada danu. Hairai bona mataurai danu Dirava ese ia henia ia dekenai.

DANIELA 6:27

Taunimanima ia hamauria, bona mase dekena amo idia ia veria mauri. Hoa gaudia bona toa karadia ia karaia, tanobada dekenai bona guba dekenai danu. Laiona edia dagedage dekena amo, ia ese Daniela ia hamauria.”

DANIELA 7:25

Ia ese hekokoroku hereva do ia gwauraia, Ataiai Momokani Dirava ena helaga taudia do ia dagedage bada henidia. Nega bona taravatu do ia haidaua toho, bona Dirava ena taudia do idia noho iena siahu henunai, lagani ta bona lagani rua bona lagani kahana ta lalonai.

IOANE 4:48

Iesu ia gwau, “Umui be toa bona hoa kara bema umui itaia lasi, umui be do umui abidadama diba lasi.”

IOSUA 7:19

Vadaeni Iosua ese Akana dekenai ia hereva, ia gwau, “Egu natuna e, Lohiabada, Israela ena Dirava dekenai hairai bona hanamoa do oi henia. Lohiabada ena vairanai oiemu kerere do oi gwauraia. Oiemu kara dika be lau dekenai do oi hamaoroa, do oi hunia lasi.”