DANIELA 4:14 - Buka Helaga (Hiri Motu) 1993

¹⁴ Ia boiboi badabada, ia gwau: Inai au utua bona hamorua, bona rigina utua oho! Rauna ibounai kokia, bona iena huahua oi gigia rohoroho! Henunai idia noho boroma ibounai lulua, bona iena rigina dekenai idia noho manu danu lulua!

DANIELA 4:14 Iomraidhean Croise

IOBU 24:20

Unai dika tauna be iena sinana danu ese, do ia laloatao lasi. Biluga ese iena tauanina idia ania noho, bona ia be makohia ore, ia moru auna bamona.’

IEREMIA 27:5

“ ‘Egu siahu badana bona goada dekena amo tanobada lau karaia, taunimanima bona tanobada ena boroma idauidau danu, bona lau ura henidia taudia dekenai tanobada lau henia.

IEREMIA 51:6

“Babulonia dekena amo do umui heau mauri! Umui ibounai emui mauri do umui tahua! Babulonia ena dika dainai do umui mase lasi, badina inai be Lohiabada ena davana henia negana! Babulonia ena kara hegeregerena, Lohiabada ese davana ia henia noho.

IEREMIA 51:9

Idau bese taudia, Babulonia lalonai noho taudia idia gwau, “Ita ese Babulonia ena hisihisi, ita hanamoa gwauraia, to iena bero dekena amo mauri ia davaria lasi. Do ita rakatania haraga, ita ta ta iseda tano ta ta dekenai do ita giroa lou, badina be Dirava ese iena siahu dekena amo, Babulonia ena dika davana ia henia vadaeni. Ia ese guba dekena amo, Babulonia ia hadikaia ore vadaeni.”

ESEKIELA 31:10

“Unai dainai, lau Lohiabada Dirava ese umui lau hamaoroa inai: Unai au, ia tubu daekau, bona ori dekenai ia kamokau neganai, be ia hekokoroku noho danu.

DANIELA 2:21

Nega be ia ese ia biagua bona ia haidaua. Ia ese king ia atoa, bona king ia kokia. Aonega bona diba ia henia taunimanima dekenai.

DANIELA 3:4

Unai neganai hereva harorolaia tauna ese mai gado badana danu ia boiboi, ia gwau, “Bese bona gado idauidau taudia ibounai e, umui kamonai.

DANIELA 4:12

Iena rauna be mai hairaina namo herea, bona iena huahua be momo, taunimanima ibounai idia ania. Uda boroma be iena ikerukeruna dekenai idia noho, bona guba manudia be iena rigina dekenai idia helai. Mauri gaudia ibounai ese, unai au dekena amo aniani idia davaria.

DANIELA 4:23

“Inai danu oi itaia gima aneru helaga guba dekena amo ia diho mai, ma ia hereva, ‘Inai au utua bona haorea, to au ena badina, mai ena ramuna danu tano lalonai do idia noho, gaba gauna be auri bona auri labora dekena amo ia hagegea noho. Rei gabuna dekenai do ia noho, bona hanuaboi ena ranu ese do ia hapariparia, unai bamona be boroma danu do ia noho, ela bona lagani 7 idia ore.’

DANIELA 4:29

Hua 12 ia ore murinai Nebukanesa be iena ruma badana guhi latanai Babulonia dekenai ia raka noho.

DANIELA 5:20

“To ia hekokoroku bona ia lalo auka dainai, bona lalo auka karadia ia karaia dainai, iena terona dekena amo Dirava ese ia kokia, bona mataurai gabuna dekena amo ia atoa diho.

DANIELA 5:21

Oiemu tamana ena lalona be Dirava ese boromakau ena lalona bamona ia halaoa. Vadaeni taunimanima ese edia noho gabuna dekena amo idia lulua. Iena noho be uda doniki bamona, boromakau bamona rei ia ania. Ia be murimuri dekenai ia mahuta, bona iena tauanina be hanuaboi ena ranu dekenai ia paripari. To gabeai iena lalona ia kehoa, ia diba momokani, Siahu Ibounai Dirava ese basileia ibounai ia biagudia, bona ia ura henia tauna dekenai king ena dagi ia henia.

MATAIO 3:10

Harihari ira be au edia ramuna dekenai idia atoa hegaegae. Unai dainai huahua namodia idia atoa lasi au ibounai be do idia utua, lahi dekenai do idia negea.

MATAIO 7:19

Au ibounai huahua namona idia havaraia lasi gaudia be do idia utua, lahi dekenai do idia negea.

LUKA 3:9

Ira be idia atoa hegaegae vadaeni, bona huahua namona idia havaraia lasi gaudia be do idia utua momokani, bona lahi dekenai do idia negea daekau.”

APOKALUPO 10:3

Ia boiboi bada herea, iena gadona be laiona edia boiboi bamona. Ia boiboi murinai, guba ena boiboi ibounai 7, mai regena bada be aneru dekenai idia haere henia.

APOKALUPO 18:2

Ia boiboi badabada, ia gwau, “Babulonia badana be ia moru vadaeni. Io, unai hanua badana be ia dika vadaeni. Lauma dikadia edia noho gabuna dekenai ia halaoa vadaeni. Satani ena lauma dikadia be ia lalonai idia noho. Manu dikadia bona manu dagedagedia, be iena ruma lalonai idia noho.