DANIELA 4:13 - Buka Helaga (Hiri Motu) 1993

¹³ “ ‘Egu nihi dekenai lau itaia, gima aneru helagana naria tauna be guba dekena amo ia diho mai.

DANIELA 4:13 Iomraidhean Croise

IOBU 12:24

Dirava ese tanobada besedia edia lohia taudia, edia aonega ia kokia. Vadaeni ia siaidia lao, dala idia noho lasi tano dekenai idia loaloa kava noho.

SALAMO 103:20

Lohiabada ena aneru ibounai e, umui be mai emui goada badana. Umui ese Lohiabada ena hereva umui badinaia noho, bona emui taiana umui kehoa noho Lohiabada ena hereva dekenai. Lohiabada ena ladana do umui hanamoa bada.

SALAMO 89:7

Aneru badadia edia hebou lalonai, idia ibounai be oi dekenai idia gari noho, bona aneru ibounai, oi Lohiabada idia hagegea aneru ibounai ese, oi idia gari henia noho.

DANIELA 4:10

“ ‘Lauegu mahuta pata dekenai nihi lalonai lau itaia gaudia be inai: Lau itaia, au lata herea ta inai tanobada dekenai ia gini, ena dorina be ataiai momokani.

DANIELA 4:17

“ ‘Inai kara be gima aneru edia oda herevana, helaga aneru orea ese inai hereva idia gwauraia. Bona unai dekena amo mauri noho taudia do idia diba, Ataiai Momokani Dirava, be mai ena siahu taunimanima ibounai edia latanai, bona iena ura hegeregerena, basileia naria siahu ia henia taunimanima ta ta dekenai. Ia ese hekokoroku lasi tauna ia habadaia diba.’

DANIELA 4:23

“Inai danu oi itaia gima aneru helaga guba dekena amo ia diho mai, ma ia hereva, ‘Inai au utua bona haorea, to au ena badina, mai ena ramuna danu tano lalonai do idia noho, gaba gauna be auri bona auri labora dekena amo ia hagegea noho. Rei gabuna dekenai do ia noho, bona hanuaboi ena ranu ese do ia hapariparia, unai bamona be boroma danu do ia noho, ela bona lagani 7 idia ore.’

DANIELA 4:5

Nihi ta lau itaia dekenai lau gari. Lauegu mahuta pata dekenai lau hekure noho neganai, lau itaia gaudia dekenai lau laloa momo.

DANIELA 7:1

Belesasa ia king Babulonia dekenai lagani ginigunana lalonai Daniela ese nihi ta ia davaria, bona iena mahuta patana dekenai ia hekure noho neganai, mata hanai ia itaia. Vadaeni ia ese nihi ena sivarai ia torea, bona ena anina ia hedinaraia.

DANIELA 7:17

‘Unai boroma badadia 4 be basileia 4 edia toana, inai tanobada dekenai do idia toreisi.

DANIELA 7:23

“Unai tau ese nihi ena anina ia gwauraia be inai: ‘Boroma dagedage namba 4 ia toreisi bona ia idau momokani, iena kara be basileia haida edia kara bamona lasi. Ia ese inai tanobada ibounai do ia ania ore, bona do ia moia diho momokani.

DANIELA 8:13

Unai neganai lau kamonai aneru ta ese aneru ma ta ia nanadaia, ia gwau, “Inai mata hanai dekenai ia vara kara, dina ibounai boubou totona gauna, be do ia noho ela bona edena negai? Unai kara dika rohoroho ese dina ibounai boubou henia gauna ena gabu ia abia, bona guba ena taudia, bona Dubu Helaga do ia moia diho ela bona edena negai?”

SEKARAIA 14:5

Inai parara gabuna, unai ororo ena kahana rua edia huanai ia noho koura, dekena amo do umui heau mauri. Umui be do umui heau, tano mareremarere neganai emui sene taudia idia heau bamona, king Usaia ese Iuda ia gunalaia neganai. Vadaeni Lohiabada, lauegu Dirava be do ia mai. Iena aneru helagadia ibounai be ia danu do idia mai.

MATAIO 25:31

“Taunimanima ena Natuna be mai ena hairai danu do ia mai, mai ena aneru helagadia danu, ena terona namo herea momokani latanai do ia helai.

MAREKO 1:24

“Iesu, Nasareta hanua tauna, badina dahaka oi mai ai dekenai? Ai haorea totona oi mai, a? Lau diba oi. Oi be Dirava ena Helaga Tauna.”

LUKA 4:34

“Iesu Nasareta tauna e, ai dekenai dahaka oi karaia? Ai do oi alaia totona oi mai, a? Lau diba oi be Dirava ena Helaga Tauna.”

DEUTERONOMI 33:2

Lohiabada be Sinai dekena amo ia mai. Edoma ena ataiai dekena amo, dina bamona ia toreisi. Parana Ororo dekena amo ia diaridiari. Mai ena aneru momo momo herea danu ia mai. Taravatu be lahi bamona, iena imana idibana dekenai.

IUDA 1:14

Enoka be tau namba 7 Adamu ena murinai ia vara. Ia ese inai tau dikadia totona peroveta hereva ia gwauraia, ia gwau, “Lohiabada do ia mai, bona iena aneru helagadia momo herea be ia danu do idia hedinarai.

APOKALUPO 14:10

unai tau ese uaina auka herea do ia inua. Inai uaina be Dirava ena badu, bona Dirava ese ranu dekena amo iena uaina ia hamanokaia lasi. Lasi momokani. Dirava ese iena badu be kapusi dekenai ia bubua, vadaeni unai tau ese do ia inua. Oibe, unai bamona idia karaia taudia be lahi bona salipa nadina ese edia siahu dekena amo do idia hisihisi henidia bada, aneru helagadia bona Mamoe ena Natuna edia vairana dekenai.