DANIELA 3:6 - Buka Helaga (Hiri Motu) 1993

⁶ “Do idia tomadiho henia lasi taudia ibounai be unai dina gauna ena nega lalonai, lahi siahu herea momokani lalonai do idia negea vareai.”

DANIELA 3:6 Iomraidhean Croise

GENESE 19:28

Iena matana ia negea diho, Sodoma bona Gomora, bona tano palaka ibounai ia itaia, unai tano ibounai dekena amo kwalahu ia daekau noho, amu badana ena kwalahu bamona.

ESODO 20:5

Laulau o kaivakuku ta dekenai do umui tomadiho henia lasi, bona iena hesiai gaukara do umui karaia lasi. Badina be lau Lohiabada emui Dirava be lau ura umui be lau sibona egu. Idia ura henia lasi lau dekenai taudia edia kara dika ena davana, be do lau henia edia natuna bona tubuna dekenai, ia lao bona uru toi o hani.

ISAIA 44:17

Vadaeni au ena kahana dekena amo kaivakuku ia karaia, bona unai neganai ia tui diho, ia gwau, “Oi be lauegu dirava, oi ese lau do oi hamauria.”

IEREMIA 29:22

Bona unai bamona idia dekenai ia vara dainai, Iuda hesiai mai guia danu taudia, Babulonia dekenai noho taudia ese, tau ta idia hadikaia gwauraia neganai, inai bamona do idia hereva noho, do idia gwau, ‘Lohiabada ese Sedekaia bona Ahaba, Babulonia ena king ese lahi dekenai ia gabua ore taudia, hegeregerena oi do ia halaoa.’

DANIELA 2:5

Vadaeni king ese unai meamea taudia dekenai ia hereva, ia gwau, “Umui lau hamaoroa momokani inai, bema inai nihi bona iena anina danu umui hedinaraia diba lasi neganai, emui tauanina do lau utua maragimaragi, bona umui emui ruma ibounai be do lau hadikaia, momoru do idia lao.

DANIELA 3:11

Bema tau ta ia tomadiho bona guriguri lasi, unai tauna be lahi siahu herea lalonai do idia negea vareai.

DANIELA 3:15

“Inai, bema hari kibi, bona bibo badana, bona bibo maragina, bona gita badana, bona gita maragina, bona ivilikou ibounai regena umui kamonai neganai, bema umui tui diho, bona inai lau haginia kaivakukuna umui tomadiho henia be namo, to bema umui tomadiho henia lasi, be inai dina gauna lalonai, umui do idia negea inai lahi siahu herea lalonai. Edena dirava ese lauegu imana dekena amo ia hamauria diba umui?”

DANIELA 3:21

Unai dainai inai taudia, mai edia dabua badana, bona edia aena dabua, bona edia kwara gauna, bona edia dabua ibounai nega tamona idia guia, bona unai lahi siahu herea lalonai idia negea vareai.

DANIELA 3:7

Vadaeni unai taudia ibounai ese unai miusiki gadaralaia gaudia ibounai edia regena idia kamonai neganai, unai taudia ibounai, bese idauidau, bona gado idauidau taudia ibounai idia tomadiho, Nebukanesa ia haginia kaivakukuna dekenai idia guriguri henia.

DANIELA 5:19

“Unai mataurai ia henia dainai bese bona gado ibounai taudia ese oiemu tamana dekenai idia gari henia, bona iena vairana dekenai idia heudeheude. Bema ia ura tau ta ia alaia, be ia alaia, bema ia ura tau ta ia mauri noho, be ia ese dala ia karaia. Iena ura hegeregere ia ese tau ta ia abia isi, o tau ta ia atoa diho.

DANIELA 6:7

Ai inai, oiemu gavamani ena gaukara taudia ibounai, gavana taudia bona durua taudia, bona lohia taudia badadia bona maragidia, be laloa tamona ai abia, ai ura oi ese taravatu ta oi karaia, bona oi ha-aukaia momokani. Inai bamona: Dina 30 lalonai be tau ta ese gau ta do ia noia lasi dirava ta dekenai, o tau ta dekenai, to oi dekenai sibona do ia noia. Bema tau ta ese inai hereva ia utua, be do idia negea laiona ena guri dekenai.

MATAIO 13:42

Lahi badana dekenai do idia negedia vareai, unuseni do idia tai, edia isena do idia koria auka masemase.

MATAIO 13:50

Kara dika taudia be lahi badana dekenai do idia negea vareai, unuseni do idia tai, edia isena do idia koria auka masemase.”

MATAIO 4:9

ia gwau, “Bema oiemu kwarana oi atoa diho, bona bema lau dekenai oi tomadiho, vadaeni inai ibounai be oi dekenai do lau henia.”

MAREKO 6:27

Heroda ese karaharaga iena tuari tauna ta ia siaia, ia hamaoroa Ioane Bapatiso ena kwarana ia utua oho, ia mailaia. Ia lao dibura ruma lalonai, Ioane Bapatiso ena kwarana ia utua oho.

APOKALUPO 14:11

Idia do ia hisihisi henia lahi ena kwalahu, be ia daekau lao noho hanaihanai. Unai dagedage gauna mai ena laulauna idia tomadiho henia, bona iena maka idia abia taudia be laga-ani do idia abia lasi. Dina bona hanuaboi do idia hisihisi, doko lasi.”

APOKALUPO 9:2

Hisiu ese dobu masemase gurina ia kehoa. Vadaeni kwalahu be guri dekena amo ia daekau, amu badana ena kwalahu bamona. Inai guri dekena amo ia daekau kwalahuna ese dina bona guba padana idia koua, vadaeni idia dibura.