DANIELA 3:4 - Buka Helaga (Hiri Motu) 1993

⁴ Unai neganai hereva harorolaia tauna ese mai gado badana danu ia boiboi, ia gwau, “Bese bona gado idauidau taudia ibounai e, umui kamonai.

DANIELA 3:4 Iomraidhean Croise

ESETA 8:9

Vadaeni, maoromaoro king ena toretore taudia idia boiria mai, bona unai dina, hua ihatoina, ladana Sivana, ena dina namba 23 dekenai, revareva idia torea, Morodekai ena oda hegeregerena. Inai revareva ese Morodekai ena oda ibounai Iuda taudia dekenai idia gwauraia hedinarai, basileia 127 dekenai, bona basileia gunalaia taudia, bona gavana taudia, bona lohia taudia ibounai, India dekena amo ia lao bona Etiopia dekenai. Inai revareva be gado idauidau ibounai dekenai, bona revareva torea daladia ibounai dekenai idia torea, Iuda taudia dekenai danu, edia revareva dala dekenai, bona edia gado dekenai.

ISAIA 40:9

Sivarai namona Siona dekenai oi mailaia tauna e, ororo latana ta dekenai do oi daekau lao. Sivarai namona Ierusalema dekenai oi mailaia tauna e, oiemu boiboi do oi habadaia, mai oiemu goada danu. Do oi habadaia, do oi gari lasi. Iuda hanua ibounai do oi hamaoroa, edia Dirava be ia mai noho!

ISAIA 58:1

Lohiabada ia gwau, “Oiemu gadona do oi abia isi, mai goada danu do oi boiboi. Lauegu bese Israela taudia do oi hamaoroa, idia be mai edia kara dika!

DANIELA 3:10

King badana e, hereva be oi gwauraia vadaeni, taunimanima ibounai kibi, bona bibo badana, bona bibo maragina, bona gita badana, bona gita maragina, bona ivilikou ibounai idia gadaralaia regena idia kamonai neganai, be do idia tui diho, bona inai golo kaivakuku do idia tomadiho henia.

DANIELA 3:3

Vadaeni inai tau badadia ibounai be idia haboua mai, bona kaivakuku ena vairana dekenai idia gini.

DANIELA 3:7

Vadaeni unai taudia ibounai ese unai miusiki gadaralaia gaudia ibounai edia regena idia kamonai neganai, unai taudia ibounai, bese idauidau, bona gado idauidau taudia ibounai idia tomadiho, Nebukanesa ia haginia kaivakukuna dekenai idia guriguri henia.

DANIELA 4:1

King Nebukanesa ese inai bamona ia hereva taunimanima ibounai, bona bese ibounai, bona gado ibounai, tanobada dekenai. Ia gwau, “Emui maino do ia bada lao.

DANIELA 4:14

Ia boiboi badabada, ia gwau: Inai au utua bona hamorua, bona rigina utua oho! Rauna ibounai kokia, bona iena huahua oi gigia rohoroho! Henunai idia noho boroma ibounai lulua, bona iena rigina dekenai idia noho manu danu lulua!

DANIELA 6:25

Unai neganai king Dariuse ese hereva ia torea, ia siaia bese ibounai, bona tanobada dekenai idia noho gado ibounai taudia dekenai, ia gwau: “Emui maino do ia bada lao.

HOSEA 5:11

Iuda taudia ese Israela taudia idia dagedage henidia. Vadaeni Israela be durua abia totona, king haida dekenai idia lao, to unai king taudia ese idia durua diba lasi.

MIKA 6:16

“Inai bamona kara be do idia vara, badina umui ese king Omeri bona iena natuna king Ahaba edia kara dikadia umui badinaia vadaeni. Idia edia kara ibounai be umui ese danu umui karaia noho. Unai dainai lau ese umui do lau hadikaia. Vadaeni idau bese taudia ese umui do idia kirikirilaia. Bona taunimanima ibounai, gabu ibounai noho taudia ese umui do idia ura henia lasi momokani.”

APOKALUPO 5:9

Vadaeni mauri gaudia 4, bona badana taudia 24 ese ane matamata idia abia, inai bamona: “Oi be hegeregere momokani buka do oi abia, bona koua toana do oi hamakohia. Badina be oi idia alaia mase, bona oiemu rarana dekena amo taunimanima oi hoidia, Dirava ena taudia do idia lao totona. Bese ibounai, gado ibounai, hanua ibounai, bona kopina idauidau taudia ibounai oi ese oi hoidia.