DANIELA 3:25 - Buka Helaga (Hiri Motu) 1993

²⁵ Vadaeni Nebukanesa ia haere, “Inai, hari lau itaia tau 4, edia guia gauna be lasi, lahi lalonai idia raka loaloa, bona idia be dika idia davaria lasi, to tau namba 4 ena toana be dirava ena natuna ta bamona.”

DANIELA 3:25 Iomraidhean Croise

IOBU 1:6

Dina ta, Dirava ena aneru be Lohiabada ena vairanai idia hedinarai, bona Satani danu ia mai, idia edia huana dekenai.

IOBU 38:7

Unai dina ena daba neganai, daba ena hisiu be idia ane abia hebou, bona guba ena aneru ibounai, be mai moale danu idia boiboi.

IOBU 5:19

Nega momo doko lasi, Dirava ese dika dekena amo oi do ia hamauria.

SALAMO 34:7

Lohiabada ena aneru ese, Dirava dekenai idia gari taudia ia naridia noho, bona dika dekena amo ia hamauridia noho.

AONEGA HEREVADIA 30:4

Daika be guba dekenai ia daekau lao vadaeni, bona ma ia diho mai? Daika ese lai be iena imana lalonai ia dogoatao vadaeni? Daika ese davara be iena dabua dekena amo, ia kumia vadaeni? Daika ese tanobada ena hetoa gabudia ia atoa vadaeni? Iena ladana be daika, bona iena natuna edia ladadia be daika? Momokani oi diba, ani?

ISAIA 43:2

Ranu dobuna umui hanaia gwauraia neganai, lau be umui danu do lau noho. Umui emui laloa hekwarahi ese, umui do idia hadikaia ore lasi. Lahi umui hanaia gwauraia neganai, ena siahu ese umui do ia gabua lasi. Hisihisi aukadia umui dekenai idia mai ese, umui do idia hadikaia lasi.

IEREMIA 1:19

Inai taudia ibounai ese oi do idia heai henia, to idia ta ese oi do ia halusia lasi. Badina be, lau be oi dekenai lau noho, bona oi do lau durua. Lau Lohiabada lau hereva inai.”

IEREMIA 1:8

Idia dekenai do oi gari lasi, badina lau be oi dekenai do lau noho, bona lau ese oi do lau naria. Lau, Lohiabada lau hereva inai.”

IEREMIA 15:21

Kara dika taudia edia imana dekena amo oi do lau hamauria, bona oi do lau durua dainai, dagedage taudia ese oi do idia hadikaia diba lasi.”

DANIELA 3:18

“To bema lasi, king e, inai do oi diba namo, oiemu dirava bona inai golo kaivakukuna oi haginia gauna, be do ai tomadiho henia lasi.”

DANIELA 3:24

Unai neganai Nebukanesa ia hoa dikadika, bona karaharaga ia toreisi, iena aonega taudia dekenai ia hereva, ia gwau, “Unai be tau toi ita guia, lahi lalonai ita negea vareai, ani?” Idia haere, idia gwau, “King e, unai be momokani.”

DANIELA 3:28

Nebukanesa ia hereva, ia gwau, “Sataraka, Misaka bona Abetenigo edia Dirava do ita hanamoa, badina iena aneru ia siaia, iena hesiai taudia ia hamauria. Taudia unai, edia Dirava idia abidadama henia, bona king ena hereva idia utua, bona idau dirava ta idia tomadiho henia lasi, edia Dirava tamona sibona.

DANIELA 6:23

King Dariuse ia moale bada herea, bona oda hereva ia gwauraia Daniela do idia veria daekau. Vadaeni Daniela idia veria daekau, bona idia itaia, Daniela ese dika sisina ia davaria lasi, badina Dirava ia abidadama henia dainai.

MAREKO 16:18

gaigai do idia abia isi, bema mase muramura idia inua kerere neganai, do ia hadikadia lasi, bona edia imadia gorere taudia edia latanai idia atoa neganai, gorere do ia ore.”

LUKA 1:35

Aneru ia haere, ia gwau, “Lauma Helaga be oi dekenai do ia diho, bona Dirava ena siahu oi dekenai do ia atoa. Vadaeni, oi dekena amo do ia vara, inai mero helagana, be Dirava ena Natuna do idia gwauraia.

APOSETOLO EDIA KARA 28:5

To Paulo ese gaigai ia negea oho lahi dekenai, dika ia davaria lasi.

ROMA 1:4

To ia be helaga, bona Dirava dekena amo ia mai, badina be Dirava ese mase dekena amo ia hatorea isi lou. Unai dainai mai siahu danu Lauma Helaga ese ia hedinaraia ia be Dirava ena Natuna, Iesu Keriso iseda Lohiabada be unai.

1 PETERO 3:13

Bema kara namodia umui karaia noho mai goada danu, daika ese umui do ia hadikaia diba? Ta lasi, ani?