DANIELA 3:23 - Buka Helaga (Hiri Motu) 1993

²³ To Sataraka bona Misaka bona Abetenigo, mai guia varodia danu, unai lahi siahu herea lalonai idia moru diho.

DANIELA 3:23 Iomraidhean Croise

SALAMO 34:19

Kara maoromaoro tauna ena hisihisi be momo, to Lohiabada ese unai tau do ia durua, vadaeni unai hisihisi do ia ore.

ISAIA 43:2

Ranu dobuna umui hanaia gwauraia neganai, lau be umui danu do lau noho. Umui emui laloa hekwarahi ese, umui do idia hadikaia ore lasi. Lahi umui hanaia gwauraia neganai, ena siahu ese umui do ia gabua lasi. Hisihisi aukadia umui dekenai idia mai ese, umui do idia hadikaia lasi.

IEREMIA 38:6

Vadaeni idia ese Ieremia idia abia, bona varo dekena amo ranu guri lalonai idia atoa diho. Inai ranu guri be king ena natuna, Malekaia, ena, bona ia be king ena ruma ena ariara magu lalonai. Ranu guri lalonai be ranu ia noho lasi, kopukopu sibona, bona lau, Ieremia, kopukopu lalonai lau diho.

DANIELA 1:7

Hesiai tauna badana ese idia ta ta dekenai ladana matamata ia henia, ladana inai, Belitisasa, Sataraka, Misaka bona Abetenigo.

DANIELA 3:24

Unai neganai Nebukanesa ia hoa dikadika, bona karaharaga ia toreisi, iena aonega taudia dekenai ia hereva, ia gwau, “Unai be tau toi ita guia, lahi lalonai ita negea vareai, ani?” Idia haere, idia gwau, “King e, unai be momokani.”

2 KORINTO 4:17

Badina be hari ai abia noho hisihisi be metau lasi gaudia, bona do idia noho nega daudau lasi. Oibe, inai hisihisi maragi idia ore murinai, Dirava ese ai do ia hanamoa bada herea momokani guba dekenai, ela bona hanaihanai.

HEBERU 11:34

Lahi siahu badadia momokani idia habodoa. Tuari kaia dekena amo idia heau mauri. Edia manokamanoka idia negea, goada idia abia. Tuari lalonai idia be mai siahu. Idau bese edia tuari taudia idia halusia.