DANIELA 3:2 - Buka Helaga (Hiri Motu) 1993

² Vadaeni Nebukanesa ese hereva ia siaia, lohia taudia, bona gavana taudia, bona tuari biaguna taudia, bona kota biaguna taudia, bona moni naria taudia, bona provinsol komisina taudia ibounai ia boiria, do idia mai, Nebukanesa ia haginia kaivakuku idia hahelagaia karana karaia totona do idia hebou.

DANIELA 3:2 Iomraidhean Croise

1 KING TAUDIA 12:32

Ieroboama ese danu aria ta ia gwauraia. Hua namba 8 ena dina namba 15 be aria do idia karaia, Iuda dekenai idia karaia hegeregerena. Betele dekenai ia atoa boubou patana ena latanai, boubou gaudia ia gabua, golo boromakau tomadiho henia totona. Bona Betele dekenai, iena hahelagaia taudia, ia haginia vadaeni ataiai gabudia idia naria taudia, ia atoa, hesiai gaukara do idia karaia totona.

AONEGA HEREVADIA 29:12

Bema king ta ese hereva koikoi ia kamonai henia neganai, iena basileia taudia ibounai do idia kara dika.

DANIELA 3:27

Vadaeni unai lohia taudia bona gavana taudia bona tuari biaguna bona kaunsolo taudia ibounai idia haboua mai, inai taudia toiosi idia itaia. Lahi ia siahu lasi edia tauanina dekenai, edia kwarana huina danu sisina ia gabua lasi. Edia dabua danu sisina idia idau lasi, bona lahi ena bonana be sisina ia noho lasi idia dekenai.

DANIELA 3:3

Vadaeni inai tau badadia ibounai be idia haboua mai, bona kaivakuku ena vairana dekenai idia gini.

NUMERA 25:2

Inai hahine ese unai Israela taudia idia boiria, Moaba dirava ena boubou karadia do idia durua. Vadaeni Israela taudia ese unai boubou aniani idia ania, bona Moaba dirava dekenai idia tomadiho.

APOKALUPO 17:2

Tanobada ena king ese ia danu matabodaga karadia idia karaia. Bona tanobada noho taudia ese iena matabodaga uaina idia inua, vadaeni idia kekero.”

GUNALAIA TAUDIA 16:23

Pilistia lohia taudia be idia hebou, edia dirava, ena ladana Dagona dekenai boubou badana do idia henia totona, bona do idia moale hebou totona. Badina be idia gwau, “Iseda dirava ese ita ia hadikaia tauna Samson be iseda imana dekenai ia atoa vadaeni.”