DANIELA 3:13 - Buka Helaga (Hiri Motu) 1993

¹³ Nebukanesa ia badu dikadika, bona oda hereva ia atoa, Sataraka bona Misaka bona Abetenigo do idia mailaia. Vadaeni unai tau toi idia mailaia Nebukanesa dekenai.

DANIELA 3:13 Iomraidhean Croise

GENESE 4:5

to Kaino, mai ena boubou gauna ia abia dae lasi. Kaino be ia badu maragi lasi, bona badu dainai iena vairana ia metau.

AONEGA HEREVADIA 17:12

Bema oi ese bea hahine, iena natuna idia dadia vadaeni gauna do oi hedavari, unai be sisina dika. To kavakava tauna ese, kavakava kara ia karaia noho neganai, bema oi davaria, unai be dika momokani.

AONEGA HEREVADIA 27:3

Nadi be metau, miri danu be metau, to kavakava tauna ese ia havaraia kererena, be metau herea.

AONEGA HEREVADIA 29:22

Badu tauna ese heai ia havaraia noho, bona badu momo tauna ese, kara dika momo ia havaraia noho.

DANIELA 1:7

Hesiai tauna badana ese idia ta ta dekenai ladana matamata ia henia, ladana inai, Belitisasa, Sataraka, Misaka bona Abetenigo.

DANIELA 2:12

Unai hereva dainai Nebukanesa ia badu dikadika, vadaeni hereva ia atoa, Babulonia lalonai idia noho aonega taudia ibounai do idia alaia mase.

DANIELA 3:19

Unai hereva dekenai Nebukanesa ia badu dikadika momokani, bona iena vairana toana ia idau Sataraka bona Misaka bona Abetenigo dekenai, vadaeni lahi naria taudia ia hamaoroa, unai lahi ena siahu ma do idia habadaia nega 7, guna idia hasiahua bamona lasi.

MATAIO 10:18

Lohia bona king edia vairana dekenai do idia hakaua umui, lau dainai. Inai dala dekenai umui ese lau do umui gwauraia hedinarai idia dekenai, bona bese idauidau ibounai dekenai.

MAREKO 13:9

“To umui sibona dekenai do umui naria namonamo, badina be idia ese umui do idia hakaua lao kaunsolo edia vairanai, bona dubu edia lalonai do idia dadabaia umui. Lau dainai do umui gini gavana bona king taudia edia vairanai, idia dekenai hereva momokani do umui hedinaraia totona.

LUKA 21:12

“To unai gaudia do idia vara lasi neganai, idia ese umui do idia guia, hisihisi do idia henia umui dekenai, dubu dekenai bona dibura ruma dekenai umui do idia doria vareai, king bona gavana edia vairana dekenai umui do idia hakaua lao, lauegu ladana dainai.

LUKA 6:11

To idia be idia badu dikadika, idia hereva hebou, dahaka do idia karaia Iesu dekenai.

APOSETOLO EDIA KARA 24:24

Dina haida murinai, Feliki mai ena adavana Drusila danu idia mai. Drusila be Iuda hahine. Feliki ese Paulo ia boiria mai, bona Paulo ena hereva haida ia kamonai. Paulo ese Keriso Iesu dekenai abidadama henia kara ia herevalaia.