DANIELA 3:1 - Buka Helaga (Hiri Motu) 1993

¹ King Nebukanesa ese golo kaivakuku badana ta ia haginia, iena lata be 27 mita bona ena lababa be 3 mita. Unai be Dura ena tano palaka dekenai ia haginia, Babulonia ena tano lalonai.

DANIELA 3:1 Iomraidhean Croise

1 KING TAUDIA 12:28

Unai dainai, ia ese iena sisiba henia taudia edia sisiba ia kamonai murinai, Ieroboama ese boromakau rua golo dekena amo ia karaia, bona iena taunimanima ia hamaoroa, ia gwau, “Ierusalema dekenai tomadiho totona umui lao be daudau herea. Israela taudia e, Aigupito dekena amo umui ia hakaua mai dirava be inai!”

ESETA 1:1

Parasa ena king, Ahasuero ena king neganai, ia ese basileia ibounai 127 ia biagua, India ela bona Etiopia.

SALAMO 135:15

Bese idauidau edia dirava, be siliva bona golo dekena amo idia karaia noho. Taunimanima ese edia imadia dekena amo dirava idia karadia noho.

ESODO 20:23

Siliva dirava o golo dirava do umui karaia lasi, lau danu nega tamona umui tomadiho henidia totona.

ESODO 32:31

Vadaeni Mose ese Lohiabada dekenai ia giroa lou, ia gwau, “Inai taunimanima ese kara dika badana ta idia karaia vadaeni, dirava ta golo dekena amo idia karaia vadaeni.

ISAIA 2:20

Unai dina dekenai taunimanima ese edia kaivakuku, siliva gaudia bona golo gaudia, do idia tomadiho henia totona idia karaia gaudia, be bita bona mariboi dekenai do idia negea lao.

ISAIA 30:22

Unai neganai danu, umui ese emui kaivakuku, idia koroa, bona siliva dekena amo idia koua gaudia, bona idia havevea golo dekena amo idia karaia kaivakuku danu do umui negea, momoru mirona umui negea bamona. Idia do umui hamaoroa, do umui gwau, “Umui siri momokani!”

ISAIA 46:6

Taunimanima ese edia puse idia kehoa, bona golo idia abia. Idia ese sikele dekenai siliva ena metau idia abia. Idia ese golo ia gaukaralaia tauna idia hamaoroa, dirava ta do ia karaia. Unai neganai unai dirava dekenai idia tomadiho henia!

IEREMIA 10:9

Siliva, idia botaia palaka gauna, be Tarasisi dekena amo idia mailaia noho, bona golo be Upasa dekena amo idia mailaia. Inai herahera be diba momo taudia edia gaukara, bona golo gaukaralaia taudia edia gaukara. Unai gaukara taudia edia dabua be kakakaka, bona kakakaka sisina. Unai dabua be dabua hatua diba momo taudia ese, idia karaia vadaeni.

IEREMIA 16:20

Tau ta ese sibona ena dirava do ia karaia diba, a? Io, to idia be dirava momokani lasi.”

DANIELA 2:48

Unai neganai king ese Daniela ena ladana ia abia isi, bona tau badana ta ia halaoa, bona harihari gaudia momo ia henia, bona dagi ia henia, Babulonia tano ibounai do ia naria, bona ia be Babulonia ena aonega taudia ibounai edia tau badana ia halaoa.

DANIELA 2:49

Bona Daniela ia noinoi dainai king ese, Sataraka bona Misaka bona Abetenigo ia atoa, Babulonia provins ena lohia gaukara idia karaia, to Daniela be king ena badinai ia noho.

DANIELA 3:14

Nebukanesa ia hereva henidia, ia gwau, “Sataraka bona Misaka bona Abetenigo e, momokani lau kamonai, lauegu dirava umui badinaia lasi, bona inai lau haginia kaivakuku umui tomadiho henia lasi, a?

DANIELA 3:30

Unai neganai king ese dagi bada ia henia Sataraka, Misaka bona Abetenigo dekenai Babulonia tano lalonai.

DANIELA 5:23

Guba ena Lohiabada ena hereva oi utua momokani, badina iena Dubu Helaga gaudia bona kapusi namodia oi kokia, oi mailaia. Oi bona oiemu lohia taudia, oiemu adavana bona oiemu hahine taudia ese inai kapusi dekenai uaina umui inua, bona golo bona siliva bona auri labora bona auri bona au bona nadi diravadia umui hanamoa, to idia be gau ta idia itaia diba lasi, bona idia be gau ta idia diba lasi danu. To oi ese oiemu mauri ia biagua Diravana bona oiemu dala ibounai ia naria Diravana be oi matauraia lasi.

DANIELA 5:4

Uaina idia inua noho neganai, edia dirava, golo bona siliva bona auri labora bona auri bona au bona nadi dekenai idia karaia gaudia idia hanamoa noho.

HOSEA 2:8

“Lau ese uiti bona uaina bona olive dehoro lau henia, to ia ura lasi unai egu kara ia diba. Bona lau ese siliva bona golo lau henia, Bala dirava dekenai ia henia gaudia. To ia gwau ia diba lasi lau henia.

HOSEA 8:4

“Idia ese king idia abia hidi, to egu gwaumaoro idia abia guna lasi. Lohia taudia danu idia ese idia haginia, to egu ura hegeregerena lasi. Edia siliva bona golo dekena amo, kaivakuku idia karaia, bona inai dekena amo sibodia idia hadikaia noho.

HABAKUKU 2:19

Umui kaivakuku dekenai tomadiho henia taudia ese dika do umui davaria momokani! Umui ese au ta dekenai umui hereva henia, umui gwau, “Do oi noga!” Bona nadi ta dekenai umui gwau, “Do oi toreisi!” Umui be umui laloa idia be do idia toreisi, bona gau ta umui dekenai do idia hedinaraia, a?

APOSETOLO EDIA KARA 17:29

Vadaeni, ita be iena natuna dainai, namo lasi ita laloa Dirava be golo o siliva o nadi, diba herea bona aonega taudia edia imana dekenai idia karaia gauna bamona.

APOSETOLO EDIA KARA 19:26

Bona umui itaia bona umui kamonai, inai tau Paulo ese taunimanima momo herea edia lalona ia hagiroa, bona ia ese idia ia hakaua siri, Efeso hanua dekenai sibona lasi, to Asia tano ibounai dekenai danu. Ia gwau taunimanima edia imana dekenai idia karaia dirava be dirava korikori lasi.

DEUTERONOMI 7:25

Edia dirava laulau gaudia be lahi dekenai do umui gabua ore. Idia dekenai ia noho siliva bona golo do umui ura dikadika lasi, bona umui abia lasi, do umui kerere garina. Lohiabada, emui Dirava ese dirava laulau gaudia dekenai ia badu henia momokani.

APOKALUPO 9:20

Tanobada taudia oredia, inai hisihisi ese ia hamasea lasi taudia, be edia lalona idia giroa lasi, bona edia imana idia karaia gaudia dekena amo idia raka siri lasi. Idia ese lauma dikadia tomadiho henia karana idia rakatania lasi. Golo bona siliva bona kapa bona nadi bona au dekena amo idia karaia kaivakuku tomadiho henia kara idia hadokoa lasi. Inai kaivakuku gaudia ese gau idia itaia diba lasi, idia kamonai diba lasi, bona idia be raka diba lasi gaudia.