DANIELA 2:44 - Buka Helaga (Hiri Motu) 1993

⁴⁴ “Unai basileia namba 4 ena nega lalonai, guba ena Dirava ese basileia ta do ia haginia, inai basileia be do idia hadikaia diba lasi ela bona hanaihanai. Unai basileia be Dirava ese do ia naria, vadaeni bese ta ese do ia halusia diba lasi. Bona unai basileia ese basileia ibounai do ia hamakohia, bona haorea momokani, bona ia sibona do ia noho ela bona hanaihanai.

DANIELA 2:44 Iomraidhean Croise

GENESE 49:10

Kepata, lohia ena toana, be Iuda ese do ia dogoatao, bona haida ese do idia kokia lasi. Iena king siahu do ia dogoatao noho, ela bona siahu momokani ena biaguna, Silo, do ia mai. Vadaeni ia dekenai bese ibounai ese, dohore idia kamonai henia.

2 SAMUELA 7:13

Ia ese ruma badana lauegu Ladana totona do ia haginia, bona lau ese iena basileia do lau haginia goada, unai basileia be do ia gini hanaihanai.

2 SAMUELA 7:16

Oiemu iduhu bona oiemu basileia be do ia gini ela bona hanaihanai, lau dainai. Bona oiemu king dagi do ia noho hanaihanai.’ ”

SALAMO 145:13

Oiemu King siahuna be do ia noho hanaihanai. bona oiemu King dagi be do ia doko diba lasi. Lohiabada ena gwauhamata be ia ese ia badinaia noho, bona iena kara ibounai be namo.

ISAIA 60:12

To oiemu hesiai gaukara idia karaia lasi besedia, be lau ese do lau hadikaia ore momokani.

ESEKIELA 37:25

“Idia be egu hesiai tauna Iakobo dekenai lau henia tano dekenai do idia noho. Edia sene taudia idia noho tano be unai. Idia bona edia natudia bona tubudia be unai gabu dekenai do idia noho ela bona hanaihanai. Bona egu hesiai tauna Davida bamona tauna be edia King do ia lao ela bona hanaihanai.

DANIELA 2:28

To guba dekenai be Dirava ta ia noho, hunia gaudia ia hedinaraia diba. Ia ese vaira nega dekenai do idia vara gaudia be oi dekenai ia hedinaraia vadaeni. Oiemu mahuta pata dekenai oi hekure noho neganai, oiemu nihi dekenai oi itaia gaudia be inai:

DANIELA 2:34

“Oi itaia noho neganai, nadi ta be ororo dekena amo ia sibona ia toreisi, tau ta ena imana ese ia siaia lasi. Vadaeni inai nadi ia moru diho, bona ia ese unai kaivakuku ia botaia iena aena palapala dekenai. Unai aena palapala ruaosi, edia kahana auri, bona kahana raro, be idia makohia maragimaragi.

DANIELA 2:35

“Unai neganai unai auri bona raro bona auri laboralabora bona siliva bona golo be idia makohia maragimaragi, tano ena kahuna bamona, dina siahu bada neganai raisi idia botaia gabuna kahuna ia noho bamona. Lai ia toreisi neganai be ia hodaia lao momokani.

DANIELA 2:37

“King e, oi be king bada hereana ta, badina be guba ena Dirava ese basileia bona siahu bona goada bona hairai oi dekenai ia henia vadaeni.

DANIELA 2:43

Inai danu oi itaia, auri bona raro idia noho hebou, unai ena anina be unai bese ena lohia taudia edia famili do idia headava mikisi, do idia haboua tamona totona. To unai kara ese idia do ia hatamonaia lasi, badina be auri bona raro idia mikisi hebou diba lasi.

DANIELA 4:3

“Iena toa gaudia be bada, bona iena hoa gaudia be herea! Iena basileia be noho hanaihanai ena basileia! Bona iena siahu be nega ibounai lalonai do ia noho.

DANIELA 4:34

“Unai lagani 7 idia ore neganai lau, Nebukanesa, lauegu matana lau abia isi guba dekenai bona lauegu diba ia giroa mai lau dekenai. Ataiai Momokani Diravana lau hanamoa, bona ia noho hanaihanai Dirava dekenai lau tomadiho henia, bona lau matauraia danu. “Iena basileia be noho hanaihanai basileiana, bona iena siahu be taunimanima ibounai edia latanai nega ibounai.

DANIELA 6:26

Hereva lau gwauraia inai, lauegu basileia dekenai noho taudia ibounai ese Daniela ena Dirava do umui matauraia bona gari henia. “Ia be mauri ena Dirava, bona do ia noho hanaihanai. Iena basileia do idia hamorua lasi ela bona hanaihanai, bona iena siahu be do ia ore diba lasi.

DANIELA 6:27

Taunimanima ia hamauria, bona mase dekena amo idia ia veria mauri. Hoa gaudia bona toa karadia ia karaia, tanobada dekenai bona guba dekenai danu. Laiona edia dagedage dekena amo, ia ese Daniela ia hamauria.”

DANIELA 7:27

“ ‘Inai tanobada ena bese ibounai edia siahu be do ia henia Ataiai Momokani Dirava ena helaga taudia dekenai. Edia siahu be do ia ore diba lasi, bona basileia ibounai ese Dirava ena hesiai gaukara do idia karaia, bona do idia kamonai henia.’

DANIELA 8:25

“Iena aonega ia bada dainai, iena gaukara mai koikoina dekenai do ia kwalimu. Do ia hekokoroku dikadika, bona taunimanima ese ia do idia halusia diba lasi. Ia ese danu king ibounai edia King do ia tuari henia gwauraia, to do ia lusi, taunimanima edia siahu dekena amo lasi.

MIKA 4:7

Inai bese be mai edia manoka, bona edia tano dekena amo daudau idia noho. To idia do mauri noho taudia dekena amo, bese badana ta do lau hamatamaia lou, bona bese badana ta idia do lau halaoa. Lau ese Siona Ororo dekenai idia do lau gunalaia, unai neganai ela bona hanaihanai.”

HAGAI 2:22

Bese idauidau edia basileia bona edia siahu be do lau hadikaia ore. Kariota mai edia guia taudia be do lau habubua, hosi bona hosi guia taudia be do idia mase, idia ta ta ese edia bamona, edia bamona, be edia tuari kaia dekena amo do idia alaia mase.”

HAGAI 2:7

Io, lau ese bese ibounai do lau hamarerea, vadaeni bese ibounai edia kohu namodia be iniseni do idia mailaia, bona inai dainai Dubu Helaga be hairai dekenai do ia honu. Lau Siahu Ibounai Lohiabada lau hereva inai.

MATAIO 28:18

Vadaeni Iesu ia raka kahirakahira idia dekenai, ia hereva henia idia dekenai, ia gwau, “Siahu ibounai guba dekenai bona tanobada dekenai be lau dekenai ia henia vadaeni.

IOANE 12:34

Vadaeni taunimanima momo idia haere ia dekenai, idia gwau, “Ai be Dirava ena taravatu hereva dekena amo ai kamonai vadaeni, Keriso be do ia noho hanaihanai. Badina dahaka oi gwau Taunimanima ena Natuna be do idia abia isi? Inai Taunimanima ena Natuna be daika?”

HEBERU 12:28

Inai ita abia vadaeni Basileia, be tau ta ese do ia hamarerea diba lasi gauna. Unai dainai Dirava ita tanikiu henia be namo. Bona namona be Dirava do ita tomadiho henia, mai hemataurai bona mai gari danu. Namona be iena gaukara do ita karaia, iena ura dala hegeregerena.

APOKALUPO 11:15

Aneru namba 7 ese iena kibi ia hiriria. Vadaeni gado badadia guba dekenai idia hereva, idia gwau, “Tanobada biagua siahuna be iseda Lohiabada bona iena Keriso idia abia vadaeni. Bona Lohiabada ese tanobada do ia biagua momokani, ela bona hanaihanai.”

APOKALUPO 2:27

Auri itotohi dekena amo tanobada besedia do idia biagudia. Uro idia makohia kahana maragimaragi bamona, unai tanobada besedia do idia hamakohia maragimaragi.