DANIELA 2:34 - Buka Helaga (Hiri Motu) 1993

³⁴ “Oi itaia noho neganai, nadi ta be ororo dekena amo ia sibona ia toreisi, tau ta ena imana ese ia siaia lasi. Vadaeni inai nadi ia moru diho, bona ia ese unai kaivakuku ia botaia iena aena palapala dekenai. Unai aena palapala ruaosi, edia kahana auri, bona kahana raro, be idia makohia maragimaragi.

DANIELA 2:34 Iomraidhean Croise

SALAMO 118:22

Inai nadi, ruma haginia taudia ese idia ura henia lasi, to hari ia be ruma ena kona nadi badana momokani ia gini noho.

ISAIA 28:16

Unai dainai Lohiabada, Dirava Momokani ia hereva, ia gwau: “Lau ese Siona dekenai ruma ena badina nadi goadana ta do lau atoa. Do ia abidadama henia tauna, be do ia laloa daradara lasi.

ISAIA 60:12

To oiemu hesiai gaukara idia karaia lasi besedia, be lau ese do lau hadikaia ore momokani.

ISAIA 8:9

Bese idauidau e, gari bada dainai do umui haboua tamona! Gabu daudau taudia e, do umui kamonai! Tuari totona do umui gini hegaegae noho, bona do umui gari.

ESEKIELA 32:28

“Farao, Aigupito ena king e, umui Aigupito taudia be kopina utua kara idia abia lasi taudia danu do umui hekure. Unai tuari dekenai idia mase taudia edia tauanidia ese umui emui tauanidia do idia koua momokani.

ESEKIELA 47:5

Ma 500 mita edia lata ia abia, vadaeni ranu be sinavai ta, lau raka hanaia diba lasi, badina ranu be ia dobu, egu hanaia dala tamona be, nahu dekenai sibona.

DANIELA 2:33

Iena aena be auri, iena aena palapalana ena kahana be auri, bona kahana be raro.

DANIELA 7:27

“ ‘Inai tanobada ena bese ibounai edia siahu be do ia henia Ataiai Momokani Dirava ena helaga taudia dekenai. Edia siahu be do ia ore diba lasi, bona basileia ibounai ese Dirava ena hesiai gaukara do idia karaia, bona do idia kamonai henia.’

DANIELA 8:25

“Iena aonega ia bada dainai, iena gaukara mai koikoina dekenai do ia kwalimu. Do ia hekokoroku dikadika, bona taunimanima ese ia do idia halusia diba lasi. Ia ese danu king ibounai edia King do ia tuari henia gwauraia, to do ia lusi, taunimanima edia siahu dekena amo lasi.

SEKARAIA 12:3

“To unai neganai lau ese Ierusalema be nadi metauna bamona do lau halaoa. Bona bema bese ta ese Ierusalema ia kokia gwauraia neganai, unai bese ese hisihisi bona dika do ia davaria. Tanobada ena bese ibounai do idia haboua tamona, Ierusalema do idia tuari henia.

SEKARAIA 4:6

Vadaeni aneru ese lau ia hamaoroa, ia gwau, “Inai be Lohiabada ena hereva Serubabele dekenai, Siahu Ibounai Lohiabada ia gwau: Goada dekena amo lasi, bona siahu dekena amo lasi, to egu Lauma dekena amo do oi kwalimu.

MATAIO 16:18

Lau hamaoroa oi, oi be Petero, nadi ta. Inai nadi latanai lauegu ekalesia do lau haginia, bona hel ena siahu danu ese ekalesia do ia halusia diba lasi.

IOANE 1:13

Dirava ena natuna idia vara, be headava ena kara dekena amo idia vara bamona lasi, idia be tanobada tamana dekena amo idia vara lasi. Dirava sibona be idia edia Tamana.

APOSETOLO EDIA KARA 4:11

Iesu be Buka Helaga ese ia herevalaia, inai bamona: ‘Inai nadi, umui ruma haginia taudia ese umui ura henia lasi, to hari ia be ruma ena kona nadi badana momokani ia gini noho.’

2 KORINTO 5:1

Ita be inai bamona ita diba: Inai tanobada dekenai ita noho palai ruma, iseda tauanina, bema ia dika neganai, Dirava ese iena ruma ta guba dekenai be ita dekenai do ia henia. Inai ruma be taunimanima ese idia karaia lasi, to ia be noho hanaihanai gauna.

HEBERU 9:24

Ita diba, Keriso ese, taunimanima ese idia karaia Helaga Gabuna dekenai ia raka vareai lasi. Unai be guba gauna ena laulau sibona. Lasi, to Keriso ese maoromaoro guba dekenai ia raka vareai. Unuseni Dirava ena vairanai, ita durua totona ia gaukara noho.

1 PETERO 2:7

Umui abidadama taudia dekenai, inai Nadi be namo bada herea. To abidadama henia lasi taudia dekenai, Buka Helaga ena hereva inai bamona ia torea vadaeni: “Ruma haginia taudia ese idia negea Nadina be, kona ena Nadi namo herea ia halaoa vadaeni.”

APOKALUPO 11:15

Aneru namba 7 ese iena kibi ia hiriria. Vadaeni gado badadia guba dekenai idia hereva, idia gwau, “Tanobada biagua siahuna be iseda Lohiabada bona iena Keriso idia abia vadaeni. Bona Lohiabada ese tanobada do ia biagua momokani, ela bona hanaihanai.”

APOKALUPO 17:14

Idia ese Mamoe ena Natuna do idia tuari henia, to Mamoe ena Natuna be do ia kwalimu. Badina be inai: Ia be lohia ibounai edia Lohia, bona king ibounai edia King. Iena kwalimu, be Mamoe ena Natuna idia badinaia taudia, bona ia idia abidadama henia taudia ese danu do idia abia nega tamona, idia be ia ese ia abia hidi vadaeni taudia.”